Psalms 72:15 - Die Bybel 2020-vertaling

¹⁵ Mag hy lank lewe! Mense sal vir hom van die goud van Skeba gee; hulle sal voortdurend vir hom bid en hom die hele dag deur seën toewens.

Bybel vir almal

¹⁵ Die koning moet lank lewe. Mense moet vir hom goud bring uit Skeba, hulle moet aanhou bid vir hom, hulle moet die hele dag bid en vra dat dit goed sal gaan met hom.

Afrikaans 1933-1953

¹⁵ Mag hy dan lewe! en mag hulle aan hom gee van die goud van Skeba en altyddeur vir hom bid; mag hulle die hele dag hom seën!

Afrikaans 1983

¹⁵ Mag die koning lank lewe, mag daar vir hom goud uit Skeba gebring word; mag die mense gedurig vir hom bid en die hele dag seënbedes vir hom uitspreek.

Contemporary Afrikaans Bible 2023

¹⁵ En hy sal lewe, en aan hom sal van die goud van Skeba gegee word; en elke dag sal Hy geprys word.

Die Boodskap

¹⁵ Lank lewe die regeerder! Mag hy ryk word omdat mense vir hom goud bring. Mag die mense God vra om die koning te help en om vir hom goed te wees.

Psalms 72:15 Kruisverwysings

1 Konings 10:10

Sy het toe vir die koning honderd-en-twintig kikkar goud, groot hoeveelhede speserye en edelstene gegee. Daar het nooit weer so 'n groot hoeveelheid speserye die land binnegekom as wat die koningin van Skeba vir koning Salomo gegee het nie.

1 Konings 10:14

Die gewig van die goud wat in een jaar vir Salomo ingekom het, was seshonderd ses-en-sestig kikkar.

2 Kronieke 9:1

Toe die koningin van Skeba die berigte oor Salomo hoor, het sy gekom om Salomo met raaisels te toets in Jerusalem. Met 'n baie groot gevolg, kamele gelaai met speserye, groot hoeveelhede goud asook edelstene, het sy by Salomo aangekom. Sy het met hom gepraat oor alles wat sy op die hart gehad het.

Psalms 21:4

Ja, U tree hom tegemoet met goeie seëninge; U sit 'n kroon van fyngoud op sy kop.

Psalms 45:4

Gord u swaard aan die heup, o held – u majesteit en u luister!

Psalms 72:19

Sy luisterryke Naam moet vir ewig geprys word; mag sy heerlikheid die hele aarde vul. •Amen, amen.

Jesaja 60:6

'n Magdom kamele sal jou oordek, jong kamele uit Midian en Efa. Almal uit Skeba sal kom. Goud en wierook sal hulle dra; die goeie nuus van die Here se lofwaardige dade sal hulle verkondig.

Matteus 2:11

Nadat hulle die huis binnegegaan het, het hulle die Kindjie by Maria, sy moeder, gesien en neergekniel en aan Hom eer bewys. Toe het hulle hulle skatte oopgemaak en vir Hom geskenke aangebied: goud, wierook en mirre.

Matteus 21:9

Die skare wat voor Hom uit geloop en dié wat gevolg het, het uitgeroep: “Hosanna vir die •Seun van Dawid! Geseënd is Hy wat kom in die Naam van die Here! Hosanna in die hoogste!”

Matteus 6:10

Laat u koninkryk kom. Laat u wil geskied, soos in die hemel, so ook op die aarde.

Johannes 11:25

Jesus het vir haar gesê: “Ek is die opstanding en die lewe. Wie in My glo, sal leef, al het hy ook gesterf;

Johannes 14:19

Nog 'n kort tydjie, en die wêreld sien My nie meer nie; maar julle sien My, omdat Ek leef en julle sal leef.

Johannes 5:23

sodat almal die Seun kan eer net soos hulle die Vader eer. Wie nie die Seun eer nie, eer nie die Vader wat Hom gestuur het nie.

Filippense 2:11

en elke tong sal bely, “Jesus Christus is die Here!” tot eer van God die Vader.

1 Thessalonisense 3:11

En mag God ons Vader self, en ons Here Jesus, ons pad na julle rig;

2 Timoteus 4:22

Die Here bly met jou gees! Die genade bly met julle!

2 Petrus 3:18

Sorg dat julle aanhou groei in die genade en kennis van ons Here en Verlosser, Jesus •Christus. Aan Hom behoort die heerlikheid, nou en ook tot op die dag van die ewigheid. •Amen.

1 Johannes 1:2

Dié lewe is geopenbaar, en ons het dit gesien, en ons getuig daarvan, en verkondig aan julle die ewige lewe, wat by die Vader was, en aan ons geopenbaar is.

Judas 1:25

aan die enigste God, ons Verlosser, deur Jesus •Christus ons Here, behoort die heerlikheid, majesteit, krag en mag – van voor alle tye, en ook nou, en tot in alle ewigheid. •Amen.

Openbaring 1:18

en die Lewende. Ek was dood, maar kyk, Ek leef vir ewig en ewig; ook hou Ek die sleutels van die dood, en van Hades.