Psalms 68:5 - Die Bybel 2020-vertaling

⁵ Sing vir God, besing sy Naam! Verheerlik Hom wat op die wolke ry – Here is sy Naam – jubel voor Hom!

Bybel vir almal

⁵ Julle moet sing vir God, julle moet sing oor sy Naam. Julle moet vir Hom 'n pad maak, vir Hom wat deur die droë woestyn ry. Sy Naam is Here, en julle moet vir Hom juig.

Afrikaans 1933-1953

⁵ Sing tot eer van God, psalmsing tot eer van sy Naam, vul die pad op vir Hom wat deur die woestynvlaktes ry: Here is sy Naam; en jubel voor sy aangesig!

Afrikaans 1983

⁵ Sing 'n lied tot eer van God, sing tot eer van sy Naam, maak 'n pad vir Hom wat op die wolke ry, en jubel voor Hom wie se Naam Here is.

Contemporary Afrikaans Bible 2023

⁵ 'n Vader van die wees en 'n regter van die weduwees is God in sy heilige woning.

Die Boodskap

⁵ Kom sing ’n nuwe lied om God groot te maak, eer Hom met julle lied. Sing ’n pad van lof en vreugde oop voor Hom wat bo die wolke uittroon, jubel opgewonde oor Hom. Sy Naam is die Here, niemand anders nie!

Psalms 68:5 Kruisverwysings

2 Kronieke 30:27

Die priesters en Leviete het toe opgestaan en die volk geseën; hulle stem is gehoor en hulle gebed het God se heilige woning, die hemel, bereik.

2 Kronieke 6:2

maar ek, ja ek, het 'n vorstelike woning vir U gebou, 'n plek vir U om in te woon in alle ewigheid.”

Psalms 10:14

U sien tog self die moeite en verdriet, U sien dit raak. Deur dit in u hand te gee, laat weerloses dit aan U oor; vir weeskinders is U 'n helper.

Psalms 10:18

om aan die weeskind en die onderdrukte reg te laat geskied. Niemand sal meer voortgaan om mense uit die land te verdryf nie.

Psalms 118:19

Maak vir my die poorte na •geregtigheid oop; ek wil daardeur ingaan, ek wil die Here prys.

Psalms 146:9

die Here beskerm •vreemdelinge; vaderloses en weduwees help Hy op, maar die pad van goddeloses maak Hy krom.

Psalms 150:6

Alles wat asem het, moet die Here loof! Halleluja!

Psalms 33:14

Uit die plek waar Hy woon beskou Hy al die bewoners van die aarde,

Psalms 72:2

Mag hy u volk met geregtigheid oordeel, u magteloses met billikheid.

Psalms 72:4

Hy sal die magteloses van die volk se regte handhaaf, die kinders van behoeftiges verlos, maar onderdrukkers verpletter.

Eksodus 3:15

God het weer vir Moses gesê: “So moet jy vir die Israeliete sê, “ ‘Die Here, die God van julle voorvaders, die God van Abraham, die God van Isak, die God van Jakob, het my na julle gestuur.’ Dit is my Naam vir altyd; dit is my gevierde Naam van geslag tot geslag.

Jesaja 1:23

Jou •hoë amptenare is koppig en span met diewe saam. Hulle almal is lief vir omkoopgeld en jaag belonings na. Vaderloses se reg handhaaf hulle nie, en weduwees se regsake dien nie voor hulle nie.

Jesaja 12:4

Julle sal op daardie dag sê, ‘Prys die Here! Roep sy Naam uit! Maak onder die volke sy dade bekend! Verkondig dat sy Naam verhewe is!

Jesaja 57:15

Ja, so sê Hy wat hoog en verhewe is, wat vir ewig woon, wie se Naam die Heilige is: “In die hoogte, in 'n heilige plek, woon Ek, en ook by hulle wat verpletter en nederig is, om die gees van nederiges te laat herleef, om die hart van verpletterdes te laat herleef.

Jesaja 66:1

So sê die Here: “Die hemel is my troon, en die aarde die voetbank van my voete. Waar is die huis wat julle vir My sou bou, en waar is my rusplek?

Jeremia 49:11

Laat jou vaderloses maar agter, Ék sal hulle aan die lewe hou; en jou weduwees – op My kan hulle vertrou!”

Jeremia 5:28

Hulle het vet en blink geraak; hulle is ook onoortreflik met dade van boosheid. 'n Regseis waaroor hulle nie uitspraak lewer nie, is die regseis van 'n vaderlose kind, sodat hulle dit nie laat slaag nie. Oor die regsaak van behoeftiges gee hulle geen beslissing nie.

Hosea 14:3

Kom met julle woorde en keer terug na die Here. Sê vir Hom: “Vergewe ons sondeskuld volkome, aanvaar ons belydenis; ons wil met die vrug van ons lippe vergoed.

Efesiërs 5:1

Volg dan die voorbeeld van God as geliefde kinders,

Deuteronomium 10:18

wat vaderloses en weduwees se regte handhaaf en aan •vreemdelinge liefde betoon deur aan hulle kos en klere te gee.

Deuteronomium 26:15

Kyk tog af uit u heilige woning, uit die hemel, en seën u volk Israel en die grond wat U vir ons gegee het, net soos U dit met 'n eed beloof het aan ons voorvaders – 'n land wat oorloop van melk en heuning.’ ”