Psalms 51:13 - Die Bybel 2020-vertaling

¹³ Moet my tog nie wegdryf uit u teenwoordigheid nie; en moet u •heilige Gees nie van my wegneem nie.

Bybel vir almal

¹³ U moenie vir my weggooi nie, U moet altyd by my bly.

Afrikaans 1933-1953

¹³ Verwerp my nie van u aangesig nie en neem u Heilige Gees nie van my weg nie.

Afrikaans 1983

¹³ Moet my tog nie van U af wegdryf en u Heilige Gees van my af wegneem nie!

Contemporary Afrikaans Bible 2023

¹³ Dan sal Ek oortreders U weë leer; en sondaars sal hulle tot U bekeer.

Die Boodskap

¹³ Jaag my nooit voor U weg nie. Laat u Goddelike krag ook nie van my af weggaan nie. U krag sorg dat ek doen wat U vra.

Psalms 51:13 Kruisverwysings

2 Konings 17:18

Die Here het baie toornig geword op Israel en hulle uit sy teenwoordigheid verwyder. Niemand het oorgebly nie – slegs die stam van Juda.

2 Konings 17:20

Die Here het die hele nageslag van Israel verwerp. Hy het hulle verneder en in die hand van plunderaars oorgegee, totdat Hy hulle uit sy teenwoordigheid uitgeban het.

2 Konings 17:23

totdat die Here Israel uit sy teenwoordigheid verwyder het, soos wat Hy by monde van al sy diensknegte, die profete, gespreek het. Israel is van sy grond af weggevoer na Assirië; dit is vandag nog so.

Psalms 19:7

Aan die een kant van die hemel gaan hy op en aan die ander kant gaan hy onder, en niks ontkom aan sy hitte nie.

Psalms 22:27

Die verdruktes kan dan eet en versadig word; wie Hom raadpleeg, kan die Here loof. Mag julle harte vir altyd leef!

Psalms 25:4

Here, maak u paaie aan my bekend; leer my u weë.

Psalms 25:8

Die Here is goed en reg, daarom leer Hy sondaars die pad.

Psalms 32:5

My sonde het ek teenoor U erken; my sondeskuld het ek nie bedek nie. Ek het gedink, ek wil my oortredings teenoor die Here bely, en U het my sondeskuld vergewe. Sela

Jesaja 2:3

baie volke sal gaan en sê: “Kom, laat ons optrek na die berg van die Here, na die huis van die God van Jakob, sodat Hy ons van sy paaie kan leer, en ons sy weë kan volg.” Ja, uit Sion sal daar onderrig kom, en die woord van die Here uit Jerusalem.

Jesaja 6:10

Maak die harte van hierdie volk ongevoelig, maak hulle ore doof en smeer hulle oë toe, sodat hulle nie sien met hulle oë, met hulle ore nie hoor, en met hulle hart nie verstaan, en nie terugdraai en genees word nie!”

Jeremia 31:18

“ Ek het dit beslis gehoor – Efraim bejammer homself, ‘U het my ingebreek, en ek het my laat inbreek soos 'n ongeleerde kalf. As U my laat terugkeer, keer ek werklik terug; want U is die Here my God.

Matteus 18:3

en gesê: “•Amen, Ek sê vir julle, as julle nie verander en soos kindertjies word nie, sal julle beslis nie in die koninkryk van die hemele ingaan nie.

Lukas 22:32

Maar Ek het vir jou gebid, sodat jou geloof nie sal wankel nie. En wanneer jy eendag tot inkeer gekom het, moet jy jou broers versterk.”

Handelinge 13:10

gesê: “O, kind van die Duiwel, vyand van alle •geregtigheid, en vol allerlei listighede en elke soort bedrog – sal jy nie ophou om die reguit paaie van die Here te verdraai nie?

Handelinge 15:3

Hulle is toe deur die •gemeente weggestuur, en het deur Fenisië en Samaria gereis en uitvoerig oor die bekering van die heidene berig, en sodoende groot vreugde aan al die broers verskaf.

Handelinge 3:19

Bekeer julle en draai terug, sodat julle sondes uitgewis kan word,