Psalms 47:6 - Die Bybel 2020-vertaling

⁶ Onder gejuig bestyg God die troon, die Here bestyg dit onder die geluid van 'n •ramshoring.

Bybel vir almal

⁶ Toe God na sy tempel gaan, het die mense geskree, hulle het vir die Here die ramshoring geblaas.

Afrikaans 1933-1953

⁶ God vaar op met gejuig, die Here met basuingeklank.

Afrikaans 1983

⁶ God gaan op na sy tempel toe onder gejubel, die Here gaan op terwyl die ramshorings blaas.

Contemporary Afrikaans Bible 2023

⁶ Sing lof tot eer van God, sing lof; sing tot eer van ons Koning, sing lof.

Die Boodskap

⁶ Soos ’n koning wat na sy troon toe stap terwyl die mense hom hardop toejuig, so juig ons oor die Here as Hy na ons toe kom.

Psalms 47:6 Kruisverwysings

1 Kronieke 15:28

Die hele Israel was besig om die verbondsark van die Here met uitroepe en die geluid van 'n •ramshoring, trompette en simbale boontoe te neem, terwyl hulle op harpe en liere speel.

1 Kronieke 16:9

Sing vir Hom, besing Hom; praat met oorgawe oor al sy wonderwerke.

1 Kronieke 29:20

Toe het Dawid vir die hele geloofsgemeenskap gesê: “Prys dan die Here julle God!” Daarop het die hele geloofsgemeenskap die Here, die God van hulle voorouers, geprys. Hulle het gekniel en in eerbied gebuig voor die Here en die koning.

Psalms 145:1

'n Loflied. Van Dawid. Ek wil U verheerlik, o Koning, my God; ek wil u Naam prys vir altyd en altyd.

Psalms 68:4

Maar die regverdiges is bly, hulle jubel voor God, hulle juig van vreugde.

Psalms 89:18

want U is hulle kragtige sieraad. Deur u aanvaarding het U ons sterk gemaak.

Eksodus 15:21

Mirjam het vir hulle die refrein gesing: “Sing vir die Here, want Hy is hoog verhewe. Die perd en sy ruiter het Hy in die see geslinger.”

Jesaja 33:22

Ja, die Here is ons Regter, die Here is ons Regeerder, die Here is ons Koning – Hy sal ons verlos.

Sagaria 9:9

Juig, dogter van Sion! Jubel, dogter van Jerusalem! Kyk, jou koning kom na jou toe: hy is regverdig en die oorwinnaar; hy is nederig en ry op 'n donkie, op die hingsvul van 'n donkiemerrie.

Matteus 25:34

Dan sal die Koning vir dié aan sy regterhand sê, ‘Julle, geseëndes van my Vader, kom beërf die koninkryk, wat vir julle gereedgemaak is van die grondlegging van die wêreld af.

Matteus 27:37

Bo sy kop het hulle die aanklag teen Hom aangebring, wat gelui het: “Hy is Jesus, die koning van die Jode. ”