Psalms 43:4 - Die Bybel 2020-vertaling

⁴ sodat ek kan ingaan na die altaar van God, na die God wat my van blydskap laat jubel, en sodat ek U, o God, my God, kan prys met 'n lier.

Bybel vir almal

⁴ Dan sal ek na die altaar van God gaan, die God wat my bly maak. Ek sal U prys met die lier, o God, my God.

Afrikaans 1933-1953

⁴ dat ek kan ingaan na die altaar van God, na die God van my jubelende blydskap en U kan loof met die siter, o God, my God!

Afrikaans 1983

⁴ Laat my ingaan na die altaar van God, die God oor wie ek wil jubel en juig, dat ek U kan loof met die lier, o God, my God!

Contemporary Afrikaans Bible 2023

⁴ Dan sal ek gaan na die altaar van God, na God my groot vreugde; ja, op die siter sal ek U loof, o God my God.

Die Boodskap

⁴ Ek wil U aanbid, God. U maak my hart altyd bly. God, ek wil u Naam prys. U is my God! Ek loof U met musiekinstrumente.

Psalms 43:4 Kruisverwysings

2 Samuel 6:5

Dawid en die hele huis van Israel was uitbundig voor die Here met die klank van allerlei instrumente van sipreshout, en met liere, harpe, tamboeryne, sistrums en simbale.

Psalms 26:6

Ek was my hande om my onskuld te toon, sodat ek rondom u altaar kan loop, Here,

Psalms 33:2

Dank die Here met begeleiding van liere; besing Hom met begeleiding van tiensnarige harpe.

Psalms 42:6

Waarom kwyn jy weg, my siel, en is jy so onrustig in my? Hoop op God, want ek sal Hom weer prys vir die verlossing wat sy teenwoordigheid bring.

Psalms 57:8

My hart is standvastig, o God, my hart is standvastig. Ek wil sing, ek wil lofsing.

Psalms 57:9

Word wakker, my gemoed! Word wakker, harp en lier! Ek wil die dagbreek wakker maak.

Psalms 63:2

God, U is my God, na U soek ek; my •siel dors na U, my liggaam smag na U in 'n droë, uitgeputte land sonder water.

Psalms 81:2

Jubel tot eer van God, ons krag, juig tot eer van die God van Jakob.

Jesaja 61:10

Ek verheug my grootliks in die Here; my hele wese juig oor my God. Want Hy het vir my klere van verlossing aangetrek, 'n mantel van geregtigheid het Hy my omgehang, asof ek 'n bruidegom is, soos 'n priester met 'n tulband, soos 'n bruid met haar versierings.

Sagaria 13:9

En die derde deel sal Ek na die vuur bring en hulle louter soos 'n mens silwer louter, en hulle toets soos goud getoets word. Hulle sal my Naam aanroep en Ek sal hulle antwoord. Ek sal sê, ‘Hulle is my volk,’ en hulle sal sê, ‘Die Here is ons God.’ ”

Romeine 5:11

Maar dis nie al nie; ons vind ons roem ook in God deur ons Here Jesus Christus, deur wie ons nou die versoening ontvang het.

Openbaring 5:8

Toe Hy die boekrol neem, het die vier lewende wesens en die vier-en-twintig ouderlinge voor die Lam neergeval. Elkeen het 'n lier en 'n goue bak vol reukwerk, wat die gebede van die •heiliges is, vasgehou.