Psalms 40:17 - Die Bybel 2020-vertaling

¹⁷ Mag almal wat U soek hulle verheug en in U bly wees; mag hulle wat u verlossing liefhet, voortdurend sê: “Die Here is groot!”

Bybel vir almal

¹⁷ Almal wat vir U wil kom dien, moet vrolik en bly wees, die mense wat wil hê dat U hulle moet help, moet aanhou sê: “Die Here is groot!”

Afrikaans 1933-1953

¹⁷ Laat almal wat U soek, in U vrolik en bly wees; laat die liefhebbers van u heil altyddeur sê: Groot is die Here!

Afrikaans 1983

¹⁷ Laat almal wat by U hulp soek, jubel en bly wees oor U, laat dié wat op u hulp staatmaak, altyddeur sê: “Die Here is groot!”

Contemporary Afrikaans Bible 2023

¹⁷ Maar ek is arm en behoeftig; tog dink die HERE aan my: U is my hulp en my redder; moenie vertoef nie, o my God.

Die Boodskap

¹⁷ Almal wat naby U leef, moet opgewonde en bly wees. Laat mense wat weet dat U red, elke dag sê: “Daar is niemand groter as God nie!”

Psalms 40:17 Kruisverwysings

Psalms 109:22

Want ek is magteloos en behoeftig, en my hart is deurboor in my binneste.

Psalms 34:4

Maak saam met my die Naam van die Here groot, ja, laat ons saam sy Naam verheerlik.

Psalms 34:6

Verdruktes kyk op na Hom en hulle straal; hulle gesigte hoef nie rooi van skaamte te wees nie.

Psalms 35:27

Mag dié wat graag wil hê dat reg aan my geskied, juig en bly wees en mag hulle aanhoudend sê: “Groot is die Here, wat vrede vir sy dienskneg begeer!”

Psalms 40:5

Gelukkig is die mens wat sy vertroue in die Here stel, en hom nie wend tot hoogmoediges en dié wat hulle toevlug neem tot leuens nie.

Psalms 54:4

O God, hoor my gebed; luister na die woorde van my mond,

Psalms 69:33

Die verdruktes sien dit; hulle sal bly wees. Julle wat God raadpleeg, mag julle harte leef,

Psalms 70:5

Mag almal wat U soek, hulle verheug en in U bly wees; mag hulle wat u verlossing liefhet, voortdurend sê: “God is groot!”

Psalms 86:1

'n Gebed. Van Dawid. Here, draai u oor, antwoord my, want ek is magteloos en behoeftig.

Jesaja 25:9

Hulle sal op daardie dag sê: “Kyk, dit is ons God op wie ons gewag het, en Hy het ons gered; dit is die Here op wie ons gewag het! Laat ons juig en bly wees oor sy redding. ”

Jesaja 41:17

“Die magteloses en behoeftiges soek water, maar daar is niks; hulle tonge verdroog van dors. Ek, die Here, sal hulle verhoor; Ek, die God van Israel, Ek sal hulle nie verlaat nie.

Matteus 8:20

Maar Jesus antwoord hom: “Die jakkalse het gate en die voëls van die hemel neste, maar die •Seun van die Mens het geen plek waar Hy sy kop kan neerlê nie. ”

2 Korinthiërs 8:9

Want julle ken die genade van ons Here Jesus •Christus: dat Hy wat ryk was, ter wille van julle arm geword het, sodat julle deur sy armoede ryk kan word.

Hebreërs 13:6

sodat ons met vertroue kan sê: “Die Here is vir my 'n helper – ek sal nie bang wees nie. Wat sal 'n mens aan my doen?”

Jakobus 2:5

Luister, my geliefde broers, het God nie die armes in die wêreld gekies om ryk in die geloof te wees nie? En om erfgename te wees van die koninkryk wat Hy beloof het aan hulle wat Hom liefhet nie?

1 Petrus 2:23

wat, toe Hy uitgeskel is, nie teruggeskel het nie; toe Hy gely het, nie gedreig het nie, maar Homself toevertrou het aan Hom wat regverdig oordeel;

1 Petrus 5:7

deur al julle bekommernis op Hom te werp; want Hy gee om vir julle.

Openbaring 22:20

Hy wat hierdie dinge getuig, sê: “Ja, Ek kom gou! ” •Amen! Kom, Here Jesus!