Psalms 39:12 - Die Bybel 2020-vertaling

¹² Met straf oor sondeskuld wys U 'n mens tereg; asof 'n mot dit verteer, laat U dit wat vir hom waardevol is, wegsmelt. 'n Blote asemteug is elke mens. Sela

Bybel vir almal

¹² Wanneer U 'n mens straf oor wat hy gedoen het, dan laat U alles verdwyn wat vir hom kosbaar is, dit is soos 'n mot wat klere vreet. Ja, niemand is soos hy moet wees nie. Sela

Afrikaans 1933-1953

¹² Tugtig U die mens met strawwe oor die ongeregtigheid, dan laat U sy skoonheid vergaan soos deur 'n mot; ja, elke mens is 'n asemtog! Sela.

Afrikaans 1983

¹² As U 'n mens die straf oplê wat sy sonde verdien, verteer U hom soos 'n mot 'n kleed. Ag, alle mense is verganklik. Sela

Contemporary Afrikaans Bible 2023

¹² Hoor, o HERE, my gebed en luister na my hulpgeroep; swyg nie oor my trane nie, want ek is 'n vreemdeling by jou en 'n bywoner soos al my vaders.

Die Boodskap

¹² As U mense straf oor hulle sonde, bly daar niks van hulle oor nie. ’n Mens leef maar net vir ’n kort tydjie.

Psalms 39:12 Kruisverwysings

Genesis 21:34

Abraham het 'n lang tyd as vreemdeling in die land van die Filistyne gewoon.

Genesis 47:9

Jakob het die farao geantwoord: “My vreemdelingskap was honderd-en-dertig jaar lank. Min en vol teenspoed was my lewensjare – nie naastenby die lewensjare van my voorvaders in die tyd van hulle vreemdelingskap nie.”

2 Samuel 16:12

Miskien sien die Here my trane raak en laat die Here weer vir my die goeie terugkeer in die plek van Simeï se geskel op hierdie dag.”

2 Konings 20:5

“Draai om en sê vir Hiskia, die leier van my volk, ‘So sê die Here, die God van jou voorvader Dawid: “Ek het jou gebed gehoor; Ek het jou trane gesien. Kyk, Ek gaan jou gesond maak. Op die derde dag sal jy weer opgaan na die huis van die Here.

1 Kronieke 29:15

Want •vreemdelinge is ons voor U, en bywoners, soos al ons voorouers. Soos 'n skaduwee is ons dae op die aarde, en daar is geen sekerheid nie.

Job 13:28

En so iemand, hy vergaan soos iets wat verrot, soos 'n kledingstuk wat die motte vreet.

Job 16:20

die een wat vir my voorspraak maak, is my vriend. By God stort my oog trane;

Psalms 102:1

'n Gebed. Van 'n magtelose wanneer hy kragteloos is en sy klag voor die Here uitstort.

Psalms 116:3

Bande van die dood het my omsluit; angste van die •doderyk het my oorval; benoudheid en bekommernis het ek ervaar.

Psalms 119:19

Ek is 'n •vreemdeling op aarde; moet u bevele nie vir my verborge hou nie.

Psalms 119:54

Maar u voorskrifte was vir my liedere in 'n plek waar ek 'n vreemdeling was.

Psalms 56:8

Sal hulle, ondanks die onreg, vrykom? Werp mense neer in toorn, o God!

Psalms 90:9

Want al ons dae gaan verby onder u gramskap, ons voltooi ons jare soos 'n sug.

Levitikus 25:23

“ ‘ Die grond mag nie onherroeplik verkoop word nie, want aan My behoort die grond. Ja, julle is •vreemdelinge en bywoners by My.

2 Korinthiërs 5:6

Daarom is ons altyd vol moed, al weet ons dat, terwyl ons nog in die aardse liggaam woon, ons nie by die Here woon nie;

Hebreërs 11:13

Al hierdie mense het in geloof gesterf sonder om die beloftes te ontvang, maar hulle het dit van ver af gesien en verwelkom, en bely dat hulle uitlanders en vreemdelinge op die aarde is.

Hebreërs 5:7

Christus het tydens sy aardse lewe smekinge en pleitbedes met harde krete en trane gebring voor God, wat in staat was om Hom uit die dood te red, en Hy is verhoor op grond van sy eerbiedige onderworpenheid aan God.

1 Petrus 1:17

En as julle Hom wat nie volgens die uiterlike oordeel nie, maar ooreenkomstig elkeen se optrede, wel as Vader aanroep, tree dan met ontsag op in die tyd van julle vreemdelingskap.

1 Petrus 2:11

Geliefdes, ek dring daarop aan dat julle, as bywoners en vreemdelinge, julle weerhou van liggaamlike begeertes wat stryd voer teen die •siel.