Psalms 38:17 - Die Bybel 2020-vertaling

¹⁷ Ja, ek het gesê: “Anders is hulle verheug oor my, is hulle selfvoldaan teenoor my wanneer my voet swik.”

Bybel vir almal

¹⁷ want ek vra vir U: U moenie dat hulle bly word oor wat met my gebeur nie, U moenie dat hulle spog wanneer ek val nie,

Afrikaans 1933-1953

¹⁷ Want ek het gesê: Laat hulle net nie bly wees oor my nie! Hulle wat by die wankeling van my voet hul groot maak teen my!

Afrikaans 1983

¹⁷ Ek vra U: “Moenie dat hulle hulle verlustig in my leed en hulle groot hou as die lyding vir my te veel word nie.”

Contemporary Afrikaans Bible 2023

¹⁷ Want ek is gereed om te stop, en my droefheid is altyddeur voor my.

Die Boodskap

¹⁷ Gee tog dat hulle nie bly is oor my lyding nie. As ek tot ’n val kom, is hulle baie bly daaroor. Hulle dink hulle is beter as ek.

Psalms 38:17 Kruisverwysings

Psalms 13:5

anders sê my vyand, “Ek het hom oorweldig,” anders juig my teenstanders omdat ek tot 'n val gebring word.

Psalms 35:15

Maar toe ek struikel, was hulle verheug en het saamgedrom; aanvallers het teen my saamgedrom sonder dat ek dit besef, hulle het my sonder ophou uitmekaargeskeur.

Psalms 35:19

Laat my vyande hulle nie valslik oor my verheug nie, laat hulle wat my sonder rede haat, nie met die oog knik nie;

Psalms 38:6

My wonde stink, dit sweer vanweë my dwaasheid.

Psalms 6:6

Waarlik, in die dood kan u gevierde Naam nie aangeroep word nie. Wie kan U in die •doderyk prys?