Psalms 22:14 - Die Bybel 2020-vertaling

¹⁴ Hulle het hulle monde teen my oopgesper soos 'n leeu wat verskeur en brul.

Bybel vir almal

¹⁴ hulle is soos leeus wat hulle bekke groot oopmaak om te brul en om my dood te byt.

Afrikaans 1933-1953

¹⁴ Hulle het hul mond teen my oopgespalk soos 'n leeu wat verskeur en brul.

Afrikaans 1983

¹⁴ Soos verskeurende, brullende leeus storm hulle met oop bekke op my af.

Contemporary Afrikaans Bible 2023

¹⁴ Ek is uitgestort soos water, en al my gebeente is uit gewrig; my hart is soos was; dit is gesmelt in die middel van my ingewande.

Die Boodskap

¹⁴ Jy sien net oop monde en skerp tande wat op jou afkom. Daardie mense is soos leeus wat bloed geruik het. Hulle wil my uitmekaarskeur. Ek het geen krag meer oor nie.

Psalms 22:14 Kruisverwysings

Job 16:10

Hulle het hulle monde wyd teen my oopgesper, my beledigend op die wange geslaan; hulle span teen my saam.

Job 23:16

Dit is God wat my swak van hart maak; dit is die Almagtige wat my verbysterd laat.

Job 30:16

Daarom stort my siel hom uit in my; dae van terneergedruktheid pak my beet.

Psalms 22:17

Inderdaad, honde het my omsingel. 'n Bende kwaaddoeners het my omring; hulle het my hande en my voete deurboor.

Psalms 31:10

Wees my genadig, Here, want ek is benoud; my oë is dik geswel van verdriet, my •siel en liggaam,

Psalms 35:21

Ja, hulle rek hulle monde wyd oor my; hulle sê: “Aha! Aha! Ons het dit self gesien!”

Psalms 68:2

God staan op, sy vyande spat uiteen, sy haters vlug van Hom weg.

Klaagliedere 3:46

Al ons vyande het hulle mond vol oor ons.

Daniël 5:6

Toe word die koning bleek, en sy gedagtes het hom verskrik. Sy heupgewrigte het slap geword en sy knieë het teen mekaar geklap.

Nahum 2:10

Verlatenheid, verwoesting, woesteny! Harte krimp ineen, knieë knak, alle heupe sidder, alle gesigte verbleek.

Matteus 26:38

Toe sê Hy vir hulle: “My siel is diep bedroef, tot die dood toe. Bly hier en waak saam met My.”

Lukas 22:44

Hy is deur intense angs oorval, en het nog ernstiger gebid. Sy sweet het soos druppels bloed op die grond geval.

Johannes 12:27

“Nou is my siel ontsteld. Wat sal Ek sê? Vader, red My uit hierdie uur? Maar Ek het tog juis met die oog op hierdie uur gekom!

Josua 7:5

Die manne van Ai het ongeveer ses-en-dertig van hulle neergevel. Hulle het hulle van voor die stadspoort af tot by Sebarím agtervolg en hulle teen die hang neergevel. Die harte van die manskappe het ineengekrimp en soos water geword.