Psalms 19:8 - Die Bybel 2020-vertaling

⁸ Die wet van die Here is volmaak, dit gee nuwe lewenskrag; die bepalings van die Here is betroubaar, dit gee wysheid aan die onkundiges.

Bybel vir almal

⁸ Wat die Here wil hê 'n mens moet doen, is beter as alles, dit laat 'n mens lewe. Wat die Here sê, kan 'n mens glo, dit gee wysheid vir jongmense.

Afrikaans 1933-1953

⁸ Die wet van die Here is volmaak: dit verkwik die siel; die getuienis van die Here is gewis: dit gee wysheid aan die eenvoudige.

Afrikaans 1983

⁸ Die woord van die Here is volmaak: dit gee lewe. Die onderwysing van die Here is betroubaar: dit gee wysheid aan dié wat nog onervare is.

Contemporary Afrikaans Bible 2023

⁸ Die insettinge van die HERE is reg, dit verbly die hart; die gebod van die HERE is rein, dit verlig die oë.

Die Boodskap

⁸ So werk die Here se wet ook. Daar is geen foute in nie. Soos die son oor alles skyn, so speel die wet ’n rol in ons hele lewe. Dit bring nuwe krag in jou lewe. Jy kan altyd op die wet staatmaak. Dit is betroubaar, want dit leer mense wat nog nie ervaring het nie hoe om gelukkig te lewe. Die Here wil hê mense moet die regte dinge doen. Dan sal hulle vol blydskap wees.

Psalms 19:8 Kruisverwysings

Genesis 26:5

omdat Abraham na my stem geluister het en die verpligtinge wat Ek oplê, my bevele, my vaste voorskrifte en my wette, nagekom het.”

2 Konings 17:37

Die vaste voorskrifte, die bepalings, die wet en die gebod wat Hy vir julle neergeskryf het, moet julle altyd noukeurig nakom. Julle mag nie vir ander gode ontsag hê nie.

Nehemia 8:12

Die Leviete het die hele volk gemaan om stil te wees en gesê: “Wees stil, want hierdie dag is heilig! Moenie neerslagtig wees nie!”

Nehemia 9:13

“ Op die berg Sinai het U neergedaal, met hulle uit die hemel gepraat. U het vir hulle gepaste beslissings gegee – betroubare wette, goeie voorskrifte en gebooie.

Psalms 105:45

sodat hulle sy vaste voorskrifte kan nakom en by sy wette kan hou. Halleluja!

Psalms 111:7

Die werk van sy hande is betroubaar en reg. Betroubaar is al sy opdragte,

Psalms 119:105

U woord is 'n lamp vir my voet en 'n lig vir my lewenspad.

Psalms 119:12

U moet geprys word, Here! Leer my u voorskrifte!

Psalms 119:121

Ek doen wat billik en reg is; moet my nie aan my verdrukkers oorlaat nie.

Psalms 119:128

Daarom volg ek alle opdragte oor alles; elke pad van bedrog haat ek.

Psalms 119:130

As u woorde oopgaan, gee dit lig; dit gee insig aan onkundiges.

Psalms 119:14

Oor die pad van u bepalings is ek verheug soos oor enige rykdom.

Psalms 119:143

Benoudheid en angs het my oorval, maar u gebooie is my vreugde.

Psalms 119:16

In u voorskrifte vind ek vreugde; ek sal u woord nie vergeet nie.

Psalms 119:171

My lippe laat lofprysing uitstroom, want U leer my u voorskrifte.

Psalms 119:24

Nog steeds is u bepalings my grootste vreugde; hulle is my raadgewers.

Psalms 119:40

Kyk, ek verlang na u opdragte; hou my lewend deur u •geregtigheid.

Psalms 119:54

Maar u voorskrifte was vir my liedere in 'n plek waar ek 'n vreemdeling was.

Psalms 119:80

Laat my hart onberispelik aan u voorskrifte hou, sodat ek nie beskaamd staan nie.

Psalms 119:92

As u wet nie my vreugde was nie, sou ek in my ellende vergaan het.

Psalms 12:6

“Vanweë die geweld teen die magteloses, die gesug van die behoeftiges, gaan Ek nóú opstaan,” sê die Here. “Ek sal hulle wat daarna smag na veiligheid bring.”

Psalms 13:3

Hoe lank nog moet ek kwellinge in my binneste dra, elke dag kommer in my hart? Hoe lank nog gaan my vyand die oorhand oor my hê?

Psalms 40:8

Daarop het ek gesê: “Kyk, ek het gekom – in die •boekrol is oor my geskryf.

Psalms 93:5

U bepalings is baie betroubaar; vir u huis is heiligheid gepas, Here, tot in lengte van dae.

Eksodus 18:16

Wanneer hulle 'n geskil het, kom dit voor my; dan beslis ek tussen die persoon en sy naaste, en maak God se vaste voorskrifte en wette bekend.”

Spreuke 2:6

Ja, net die Here gee wysheid, uit sy mond kom kennis en verstandigheid.

Spreuke 30:5

Elke woord van God is gelouter; 'n skild is Hy vir hulle wat by Hom skuil.

Spreuke 6:23

Want 'n gebod is 'n lamp, en onderrig is 'n lig. Die pad na die lewe is teregwysing deur vermaning,

Jesaja 64:5

U kom elkeen tegemoet wat met vreugde doen wat reg is, wat op u paaie aan U bly dink. Kyk, U was toornig, en ons het gesondig. Ons het lank in sonde verkeer – sal ons verlos word?

Jeremia 15:16

Toe u woorde gevind is, het ek hulle verslind. U woorde was vir my 'n vreugde, 'n genot vir my hart. U Naam is immers oor my uitgeroep, Here, God van alle magte!

Esegiël 36:27

My Gees sal Ek in julle binneste gee. Ek sal daarvoor sorg dat julle my vaste voorskrifte volg en dat julle my bepalings nakom en uitvoer.

Romeine 3:20

Daarom sal geen mens op grond van die uitvoering van die wet voor Hom geregverdig word nie, want juis deur die wet ken ons die sonde.

Romeine 7:22

In my diepste wese verbly ek my oor die wet van God,

Romeine 7:7

Wat sal ons dan sê? Dat die wet sonde is? Hoegenaamd nie! Trouens, ek sou nie die sonde geken het as dit nie deur die wet was nie. Ek sou immers nie geweet het wat begeerte is as die wet nie gesê het: “Jy mag nie begeer nie.”

Galasiërs 2:19

Inderdaad, deur die wet het ek die wet afgesterf, sodat ek vir God leef. Met Christus is ek gekruisig;

Galasiërs 3:21

Is die wet dan in stryd met die beloftes van God? Hoegenaamd nie! Want as daar 'n wet gegee sou wees wat lewend kon maak, sou die •vryspraak eintlik op grond van die wet kon geskied.

Deuteronomium 16:11

Jy moet bly wees voor die Here jou God – jy, jou seuns en dogters, jou slawe en slavinne, die Leviete in jou dorpe, die •vreemdelinge en die vaderloses en weduwees by jou – op die plek wat die Here jou God sal kies om sy Naam daar te vestig.

Deuteronomium 16:14

Jy moet vol vreugde wees tydens jou fees – jy, jou seuns en dogters, jou slawe en slavinne, die Leviete, die vreemdelinge en die vaderloses en weduwees in jou dorpe.