Psalms 19:5 - Die Bybel 2020-vertaling

⁵ gaan hulle boodskap uit oor die hele aarde en hulle woorde tot aan die einde van die wêreld. Vir die son het Hy 'n tent opgeslaan in die hemel.

Bybel vir almal

⁵ Maar oral weet die mense wat die hemel sê, mense van die hele wêreld verstaan hierdie taal. God het vir die son 'n plek gegee in die lug,

Afrikaans 1933-1953

⁵ Hulle meetsnoer gaan uit oor die hele aarde, en hulle woorde tot by die einde van die wêreld. Vir die son het Hy daarin 'n tent gemaak;

Afrikaans 1983

⁵ Tog gaan daarvan 'n boodskap uit oor die hele wêreld en hulle taal bereik die uithoeke van die aarde. Vir die son is daar in die hemel 'n tent opgeslaan.

Contemporary Afrikaans Bible 2023

⁵ wat is soos 'n bruidegom wat uit sy kamer uitkom en bly is soos 'n sterk man om 'n wedloop te hardloop.

Die Boodskap

⁵ Daar is nie ’n millimeter van die hemel of die aarde wat nie vertel hoe groot God is nie. Alles wat Hy gemaak het, ja alles, tot by die verste plekke wat ons kan sien, is vol van sy eer. As jy opkyk na die hemel, lyk dit of die Here ’n blou tent opgeslaan het.

Psalms 19:5 Kruisverwysings

Job 38:13

deur die some van die aarde vas te vat, sodat goddeloses daarvan afgeskud word?

Prediker 1:5

Die son kom op en die son gaan onder, en haas hom na sy plek waar hy opkom.

Jesaja 61:10

Ek verheug my grootliks in die Here; my hele wese juig oor my God. Want Hy het vir my klere van verlossing aangetrek, 'n mantel van geregtigheid het Hy my omgehang, asof ek 'n bruidegom is, soos 'n priester met 'n tulband, soos 'n bruid met haar versierings.

Jesaja 62:5

ja, soos 'n jong man trou met 'n jong meisie, sal jou kinders met jou trou. Met die vreugde van 'n bruidegom oor sy bruid, sal jou God Hom oor jou verheug.

Johannes 3:29

Die een wat die bruid het, is die bruidegom, maar die vriend van die bruidegom wat daar staan en na hom luister, is baie bly oor die stem van die bruidegom. Daarom is hierdie blydskap van my volkome.