Psalms 18:12 - Die Bybel 2020-vertaling

¹² Hy het van die donker sy beskutting gemaak; rondom Hom was sy skuiling swaar wolke, donker van water.

Bybel vir almal

¹² Dit was donker rondom Hom, donker water en dik wolke het Hom toegemaak.

Afrikaans 1933-1953

¹² Duisternis het Hy sy skuilplek gemaak, sy hut rondom Hom: duisternis van waters, diktes van wolke.

Afrikaans 1983

¹² Hy het Hom in donkerte gehul, donker waters en wolkemassas was sy bedekking.

Contemporary Afrikaans Bible 2023

¹² By die glans wat voor hom was, het sy dik wolke verbygegaan, haelklippe en vuurkole.

Die Boodskap

¹² ’n Mens kon die Here nie sien nie, want dit was donker om Hom. Donker wolke en waters het Hom toegevou.

Psalms 18:12 Kruisverwysings

Psalms 104:2

U wat Uself met lig omhul, soos in 'n mantel, wat die hemel oopspan soos 'n tentdoek.

Eksodus 19:9

Die Here het vir Moses gesê: “Kyk, Ek gaan na jou kom in 'n digte wolk, sodat die volk kan hoor wanneer Ek met jou praat en hulle jou dan ook altyd kan vertrou.” Daarop het Moses die antwoord van die volk aan die Here oorgedra.

Jesaja 50:3

“Ek beklee die hemelruim met donkerte; Ek bedek dit met 'n roukleed. ”

Matteus 17:2

Voor hulle het Hy van gedaante verander: Sy gesig het gestraal soos die son, en sy klere het skitterend wit geword soos die lig.

Matteus 17:5

Terwyl hy nog praat, het 'n helder wolk skielik 'n skaduwee oor hulle gegooi, en kyk, 'n stem uit die hemel sê: “Dit is my geliefde Seun, oor wie Ek My verheug. Luister na Hom.”

Josua 10:11

Terwyl hulle op vlug was voor Israel teen die afdraande by Bet-Goron, het die Here groot klippe uit die hemel op hulle gewerp, tot by Aseka, sodat hulle gesterf het. Dié wat deur die haelstene gesterf het, was meer as dié wat deur die Israeliete met die swaard doodgemaak is.

Openbaring 16:21

Groot haelstene, ongeveer 'n talent swaar, het uit die hemel op die mense neergereën. En die mense het God gelaster oor die haelplaag, omdat dit 'n uitermate groot plaag was.