Psalms 144:2 - Die Bybel 2020-vertaling

² Hy is my vertroueling, my bergskuiling, my beskutting, my bevryder, my skild, en by Hom skuil ek, Hy wat my volk aan my onderwerp.

Bybel vir almal

² Hy doen altyd wat Hy belowe het, Hy is vir my soos 'n veilige plek in die berge, Hy beskerm my en Hy maak my vry, Hy is vir my soos 'n skild, ek voel veilig by Hom. Hy maak my mense gehoorsaam aan my.

Afrikaans 1933-1953

² my goedertierenheid en my bergvesting, my skans en my redder, my skild en die Een by wie ek skuil, wat my volk aan my onderwerp.

Afrikaans 1983

² U is my krag en my skuilplek, my veilige vesting en my redder, my beskermer by wie ek skuil, wat my volk aan my onderdanig maak.

Contemporary Afrikaans Bible 2023

² My goedheid en my vesting; my hoë toring en my redder; my skild en hy op wie ek vertrou; wat my volk onder my onderwerp.

Die Boodskap

² Hy is goed vir my en beskerm my. Hy hou my veilig en help my as dit nodig is. By Hom voel ek veilig. Hy laat my mense aan my gehoorsaam wees.

Psalms 144:2 Kruisverwysings

Psalms 110:3

Jou volk bied hulleself gewillig aan op die dag van jou magsvertoon op die heilige berge. Uit die skoot van die daeraad het Ek jou soos dou verwek.”

Psalms 18:2

Hy het gesê: Ek het U lief, Here, my sterkte!

Psalms 18:47

Die Here leef! Lofwaardig is my rots; die God wat my verlos, is verhewe!

Psalms 59:9

Maar U, Here, U lag vir hulle; U dryf die spot met al die nasies.

Psalms 84:9

Here, God, Heerser oor alle magte, hoor tog my gebed, luister tog, God van Jakob! Sela

Psalms 91:2

Ek sê vir die Here: “My skuilplek, my bergskuiling, my God op wie ek vertrou!”

Spreuke 18:10

'n Sterk toring is die Naam van die Here; die regverdige hardloop dit binne, en is onbereikbaar.

Jeremia 16:19

Here, my sterkte, my beskutting, my toevlugsoord in die dag van nood, na U sal nasies kom van die uithoeke van die aarde af. Hulle sal sê: “Net leuens het ons voorouers geërf – nietige afgode, en onder hulle is daar nie een wat enigiets kan bied nie. ”