Psalms 142:4 - Die Bybel 2020-vertaling

⁴ Wanneer my gees in my begin weifel, is dit U wat my pad ken. Op die pad wat ek moet loop, het hulle in die geheim 'n vangnet vir my gespan.

Bybel vir almal

⁴ Wanneer ek moedeloos word, dan is dit U wat weet wat met my gebeur. My vyande het vir my 'n vangnet styfgetrek op die pad waar ek loop.

Afrikaans 1933-1953

⁴ As my gees in my versmag, dan ken Ú my pad. Op die pad wat ek moet gaan, het hulle 'n vangnet vir my gespan.

Afrikaans 1983

⁴ Ek het alle moed verloor, U weet wat ek moes deurmaak. Op die pad waar ek loop, het hulle vir my 'n strik gestel.

Contemporary Afrikaans Bible 2023

⁴ Ek het na my regterhand gekyk en gesien, maar daar was niemand wat my sou ken nie; geen man het vir my siel omgegee nie.

Die Boodskap

⁴ As ek moed opgee, sal U weet wat vir my die beste is. Mense wil my laat struikel en val.

Psalms 142:4 Kruisverwysings

Job 11:20

Maar die oë van goddeloses raak dof en die moontlikheid van ontvlugting is vir hulle verlore; hulle enigste verwagting is om die asem uit te blaas.”

Psalms 1:6

Ja, die Here dra sorg vir die pad van regverdiges, maar die pad van goddeloses loop dood.

Psalms 140:6

Hoogmoediges het in die geheim vir my 'n vangnet gespan; met toue het hulle 'n net langs die pad oopgesprei; vangstrikke het hulle vir my gestel. Sela

Psalms 141:9

Beskerm my teen die greep van die vangnet wat hulle vir my gespan het, teen die valstrikke van hulle wat onreg pleeg.

Psalms 143:4

My gees in my weifel; in my binneste is my hart verbyster.

Psalms 31:11

ja, my lewe kwyn weg van kommer en my lewensjare met 'n gesug. My kragte gee mee onder my sondelas, en my ledemate swel op.

Psalms 69:20

U ken self die bespotting, smaad en vernedering wat ek verduur; voor U staan al my teenstanders.

Psalms 88:18

Die hele dag omring dit my soos water, dit omsluit my heeltemal.

Psalms 88:8

U woede rus swaar op my; met al u golwe onderdruk U my. •Sela

Jeremia 18:22

Laat daar 'n geskreeu om hulp gehoor word uit hulle huise wanneer U onverwags troepe op hulle afstuur. Hulle het immers 'n vangkuil gegrawe om my te vang, en in die geheim vangnette vir my voete gestel.

Jeremia 25:35

'n Toevlugsoord sal vir die herders verlore wees, ook 'n uitkomkans vir die maghebbers oor die kleinvee.

Jeremia 30:17

Ja, Ek sal vir jou herstel beskik, jou van jou wonde genees,’ is die uitspraak van die Here, ‘al noem hulle jou die een wat weggejaag is – Sion, die een oor wie niemand navraag doen nie.’

Jona 2:8

“ Wie nuttelose afgode dien, versaak hulle trou aan die verbond.

Matteus 26:56

Maar dit alles het gebeur, sodat die Skrifte van die profete vervul sou word.” Daarop het al die dissipels Hom in die steek gelaat en gevlug.

2 Timoteus 4:16

Tydens my eerste verdediging het niemand my bygestaan nie; inteendeel, almal het my in die steek gelaat. Mag dit hulle nie toegereken word nie!

1 Samuel 27:1

Dawid het vir homself gesê: “Nou gaan ek op 'n dag deur die hand van Saul weggevee word. Daar is vir my niks beter nie as om uit te wyk na die land van die Filistyne. Dan sal Saul moed opgee oor my, om verder na my te soek in die hele gebied van Israel. Ek sal so aan sy hand ontvlug.”