Psalms 137:1 - Die Bybel 2020-vertaling

¹ Aan die riviere van Babel, daar het ons gesit en gehuil wanneer ons aan Sion dink.

Bybel vir almal

¹ By die riviere van Babel, daar het ons gesit en huil toe ons gedink het aan Sion.

Afrikaans 1933-1953

¹ BY die riviere van Babel, daar het ons gesit, ook geween as ons aan Sion dink.

Afrikaans 1983

¹ By die riviere van Babel, daar het ons gesit, en ons trane het gevloei as ons aan Sion dink.

Contemporary Afrikaans Bible 2023

¹ By die riviere van Babel, daar het ons gaan sit, ja, ons het geween, toe ons aan Sion gedink het.

Die Boodskap

¹ Ver van die huis af het ons gesit, eensaam by ’n rivier in Babilon. Daar was ons slawe in die vreemde. Ons het gehuil. Sonder ’n land en ons eie plek om die Here te aanbid het ons gehuil as ons aan die huis terugdink.

Psalms 137:1 Kruisverwysings

Esra 8:21

By die Ahawarivier het ek toe 'n vastyd uitgeroep. Die bedoeling was dat ons onsself voor ons God sou verootmoedig om van Hom 'n voorspoedige reis te vra vir onsself, ons afhanklikes en al ons besittings,

Esra 8:31

Ons het toe op die twaalfde dag van die eerste maand vanaf die Ahawarivier na Jerusalem vertrek. Ons God het sy hand oor ons gehou en ons gered uit die greep van vyande en uit hinderlae langs die pad.

Nehemia 2:3

en vir die koning gesê: “Mag die koning vir ewig lewe! Waarom sou my gesig nie somber wees wanneer die stad, die plek van my voorouers se grafte, vervalle lê en sy poorte deur vuur verteer is nie? ”

Psalms 42:4

Trane is dag en nag my brood, omdat daar die hele dag lank vir my gevra word: “Waar is jou God?”

Jesaja 66:10

“ Wees verheug saam met Jerusalem, en juig oor haar, almal wat haar liefhet! Wees besonder bly saam met haar, almal wat oor haar getreur het,

Jeremia 13:4

“Neem die lendedoek wat jy gekoop het, wat om jou heupe is. Maak gereed en gaan na die Perat, en steek dit daar in 'n rotsskeur weg.”

Jeremia 15:17

Ek het nie in die kring van uitbundiges gesit nie, en ek was nie uitgelate nie. Vanweë u hand het ek alleen gesit, want U het my met u verontwaardiging gevul.

Jeremia 51:13

Jy wat langs baie waters woon, met baie skatte, jou einde het aangebreek, jou lewensdraad is geknip.

Jeremia 8:19

Hoor daar! Die hulpgeroep van die dogter van my volk uit 'n ver land: “Is die Here nie in Sion nie? Is haar Koning nie in haar nie?” “ ‘ “Waarom tart hulle My met hulle gesnede beelde, met hulle vreemde, nietige afgode?” ’ ”

Klaagliedere 1:16

Aanhoudend huil ek hieroor, my oë stroom van trane, want die trooster wat my kon opbeur, is ver van my af. My kinders is verpletter, want die vyand het die oorhand verkry.

Klaagliedere 2:18

Hulle harte het geroep na my Heer. Muur van die dogter van Sion, laat jou trane dag en nag soos 'n rivier stroom; gun jouself geen rus nie, laat jou oë nie tot rus kom nie.

Klaagliedere 3:48

Uit my oë vloei strome water oor die ineenstorting van die dogter van my volk.

Klaagliedere 3:51

Hoe pynlik om al die dogters van my stad so te sien!

Esegiël 1:1

In die dertigste jaar, in die vierde maand, op die vyfde dag van die maand, was ek tussen die ballinge langs die Kebarrivier. Die hemel het toe oopgegaan, en ek het visioene van God gesien.

Esegiël 1:3

het die woord van die Here duidelik tot die priester Esegiël, seun van Busi, gekom in die land van die Galdeërs aan die Kebarrivier. Die hand van die Here was daar op hom.

Esegiël 3:15

Ek het by die ballinge uitgekom wat in Tel Aviv, langs die Kebarrivier woon; en daar waar hulle woon, daar het ek sewe dae lank tussen hulle gesit, heeltemal verbysterd.

Daniël 9:3

Ek het my tot God, my Heer, gewend om Hom in gebed en smeking te soek, deur te vas, in 'n roukleed en met stof op die kop.

Lukas 19:41

Toe Hy naby kom en die stad sien, het Hy oor haar gehuil

Openbaring 11:3

En Ek sal my twee getuies opdrag gee om, in sak geklee, twaalfhonderd-en-sestig dae lank te gaan profeteer.