Psalms 109:7 - Die Bybel 2020-vertaling

⁷ Wanneer die beslissing oor hom gegee word, moet hy as 'n skuldige na vore tree; sy gebed moet hom as sonde toegereken word.

Bybel vir almal

⁷ 'n Regter moet sê dat hy skuldig is, die regter moet sê dat sy gebed ook sonde is.

Afrikaans 1933-1953

⁷ As hy geoordeel word, laat hom as skuldige uitgaan, en laat sy gebed sonde word.

Afrikaans 1983

⁷ sorg dat hy skuldig bevind word, laat selfs sy gebed teen hom tel as 'n misdaad.

Contemporary Afrikaans Bible 2023

⁷ Wanneer hy geoordeel word, laat hom veroordeel word, en laat sy gebed sonde word.

Die Boodskap

⁷ Sy lewe moet vir hom ’n nagmerrie wees. Wanneer hy voor die hof kom, moet hy geen kans hê nie. Die regter moet hom dadelik skuldig bevind. As hy bid, laat dit selfs as ’n misdaad gereken word.

Psalms 109:7 Kruisverwysings

Spreuke 15:8

Die offer van goddeloses is afstootlik vir die Here, maar die gebed van opregtes geniet sy goedkeuring.

Spreuke 21:27

Die offer van goddeloses is afstootlik, hoeveel te meer as dit gebring word met 'n slinkse bedoeling!

Spreuke 28:9

Wie sy oor wegdraai, sodat hy nie na die wet hoef te luister nie – selfs sy gebed is afstootlik.

Jesaja 1:15

As julle julle hande uitstrek, sluit Ek my oë vir julle. Selfs as julle baie bid, luister Ek nie. Julle hande is vol bloed.

Jesaja 66:3

“ Iemand slag 'n bul, en vel 'n mens neer; bring 'n lam as maaltydoffer, en breek die nek van 'n hond; bring 'n •graanoffer, en ook die bloed van varke; bring wierook as simboliese offer, en prys 'n valse god aan. Aangesien hierdie mense hulle eie paaie gekies het, en hulle sielsgelukkig is met hulle verfoeilike afgode,

Matteus 23:13

“Wee julle, skrifkenners en •Fariseërs, skynheiliges! Want julle sluit die mense uit die •koninkryk van die hemele uit. Self gaan julle nie in nie, en boonop laat julle die mense wat probeer ingaan, nie toe om in te gaan nie.

Romeine 3:19

Ons weet dat alles wat die wet sê, gerig is aan diegene wat onder die wet staan, sodat elke mond die swye opgelê kan word, en die hele wêreld hulle voor God moet verantwoord.

Galasiërs 3:10

Trouens, diegene wat op die uitvoering van die wet staatmaak, val onder 'n vloek, want daar staan geskryf: “Vervloek is elkeen wat nie hou by alles wat in die Wet geskryf staan, en dit nie uitvoer nie.”