Psalms 108:6 - Die Bybel 2020-vertaling

⁶ Verhef U bo die hemele, o God, u heerlikheid oor die hele aarde,

Bybel vir almal

⁶ O God, U moet vir almal wys dat U die Groot Koning is van die hemel en van die hele aarde.

Afrikaans 1933-1953

⁶ Verhef U bo die hemele, o God, en u heerlikheid bo die hele aarde!

Afrikaans 1983

⁶ Toon u grootheid, o God, hoog bo die hemel, hoog bo die aarde u mag.

Contemporary Afrikaans Bible 2023

⁶ Sodat u beminde gered kan word: red met U regterhand en antwoord my.

Die Boodskap

⁶ O God, wys tog vir ons dat niemand groter is as U nie. Selfs nie eens in die hemel is iemand groter as U nie! U is so groot dat almal op aarde dit kan raaksien!

Psalms 108:6 Kruisverwysings

2 Samuel 12:25

en het deur Natan, die profeet, 'n boodskap gestuur. Hy het hom Jedidja genoem op aandrang van die Here.

1 Konings 18:24

Dan moet julle die naam van julle god aanroep, en ek sal die Naam van die Here aanroep. Die god wat met vuur antwoord, Hy is God. ” Die hele volk het daarop gereageer en gesê: “Dit is goed so.”

1 Konings 18:26

Hulle neem toe die bul wat vir hulle gegee is, berei dit voor en roep van die oggend tot die middag die naam van Baäl aan, met die woorde: “Baäl, antwoord ons!” Maar daar was geen stem nie en niemand wat antwoord nie. Hulle het hink-hink gedans by die altaar wat voorberei is.

1 Konings 18:29

Ná die middag het hulle waansinnig te kere gegaan, totdat dit tyd was vir die bring van die •graanoffer. Daar was egter geen stem nie, nie een wat antwoord nie, en geen reaksie nie.

Psalms 54:1

Vir die •musiekleier. Met snarespel. 'n Maskiel. Van Dawid.

Psalms 57:6

Verhef U bo die hemele, o God, u heerlikheid oor die hele aarde.

Eksodus 15:6

“ U regterhand, Here – majestueus in krag; U regterhand, Here, vernietig die vyand.

Jesaja 65:24

Nog voordat hulle roep, sal Ek hulle antwoord; hulle sal nog besig wees om te praat, dan verhoor Ek hulle al.

Jeremia 33:3

‘Roep My aan, en Ek sal jou antwoord; Ek wil aan jou groot en onbegryplike dinge bekend maak wat jy nie geweet het nie.’

Matteus 17:5

Terwyl hy nog praat, het 'n helder wolk skielik 'n skaduwee oor hulle gegooi, en kyk, 'n stem uit die hemel sê: “Dit is my geliefde Seun, oor wie Ek My verheug. Luister na Hom.”

Matteus 3:17

En meteens het 'n stem uit die hemele gesê: “Dit is my geliefde Seun oor wie Ek My verheug.”

Romeine 1:7

aan al die geliefdes van God wat in Rome is, geroepe heiliges: Genade vir julle en vrede van God, ons Vader, en die Here Jesus Christus.

Efesiërs 1:6

tot lof van die heerlikheid van sy genade, waarmee Hy ons in die Geliefde begenadig het.

Deuteronomium 33:12

Oor Benjamin het hy gesê: “Die geliefde van die Here – mag dié veilig by Hom woon. Die Here beskut hom altyd waar hy tussen sy berghange woon.”

Kolossense 3:12

Daarom, omdat julle God se uitverkore •heiliges en geliefdes is, beklee julleself met innige meelewing, goedheid, nederigheid, sagmoedigheid en geduld.