Psalms 106:9 - Die Bybel 2020-vertaling

⁹ Hy het die Rietsee gedreig, en dit het droog geword; Hy het hulle deur die watermassa laat gaan asof deur 'n woestyn.

Bybel vir almal

⁹ Hy het hard gepraat met die Riet-see, en die see het droog geword. Hy het ons voorvaders laat deurloop op die plek waar daar voorheen diep water was, hulle het deurgeloop soos in 'n woestyn.

Afrikaans 1933-1953

⁹ En Hy het die Skelfsee gedreig, sodat dit opgedroog het, en hulle deur die watervloede laat gaan soos deur 'n woestyn.

Afrikaans 1983

⁹ Hy het die Rietsee aangespreek en dit het opgedroog, Hy het sy volk oor die seebodem laat trek soos oor droë grond.

Contemporary Afrikaans Bible 2023

⁹ Hy het ook die Skelfsee bestraf, en dit het opgedroog; en Hy het hulle deur die dieptes gelei, soos deur die woestyn.

Die Boodskap

⁹ Hy het met die Rietsee gepraat, en in ’n oogwink was dit kurkdroog! Hy het hulle dwarsdeur die see laat stap asof dit ’n droë woestyn is.

Psalms 106:9 Kruisverwysings

Nehemia 9:11

“ Die see het U voor hulle oopgekloof, hulle het dwarsdeur die see getrek op droë grond. Hulle agtervolgers het U in die dieptes gewerp, soos 'n klip in die magtige waters.

Psalms 18:15

Hy stuur sy pyle en jaag hulle uiteen; Hy werp sy weerligstrale en bring hulle in verwarring.

Psalms 66:6

Hy het 'n see in droë grond verander. Hulle het te voet deur die rivier gegaan. Daar kon ons ons in Hom verheug,

Psalms 78:13

Hy het die see oopgekloof en hulle laat deurtrek; Hy het die water laat opdam soos 'n wal.

Jesaja 50:2

Waarom het Ek gekom, en daar was niemand nie, het Ek geroep, en niemand het geantwoord nie? Was my hand werklik te kort om te red? Of was daar geen krag in My om uit te red nie? Kyk, deur my dreigende woord laat Ek die see opdroog – Ek maak van riviere 'n woestyn. Die visse daarvan stink weens 'n gebrek aan water – hulle sterf van dors.

Jesaja 51:10

Is dit nie U wat die see drooggelê het, die water van die groot oervloed, wat in die dieptes van die see 'n pad gemaak het, sodat dié wat losgekoop is, kon deurtrek nie?

Nahum 1:4

Hy berispe die see en laat dit opdroog; al die riviere laat Hy wegdroog. Basan en Karmel verdor, die bloeisels van Libanon verwelk.

Matteus 8:26

Maar Hy het vir hulle gesê: “Hoekom is julle bang, kleingelowiges?” Toe staan Hy op en bestraf die wind en die see. En alles het baie kalm geword.