Psalms 104:4 - Die Bybel 2020-vertaling

⁴ wat winde sy boodskappers maak, vlammende vuur sy dienaars;

Bybel vir almal

⁴ U kies die winde om u boodskappers te wees, die vuurvlamme is u werkers.

Afrikaans 1933-1953

⁴ wat van die winde sy boodskappers maak, van vuurvlamme sy dienaars.

Afrikaans 1983

⁴ U wat die winde u boodskappers maak, die weerligte u dienaars,

Contemporary Afrikaans Bible 2023

⁴ wat sy engele tot geeste maak; sy bedienaars 'n vlammende vuur:

Die Boodskap

⁴ U beheer die reën en die wind. As die wind waai, sien en hoor ons u krag. U laat die weerlig slaan waar U wil.

Psalms 104:4 Kruisverwysings

2 Konings 2:11

Terwyl hulle nog so loop en praat, is daar skielik 'n strydwa van vuur en perde van vuur! Dit het skeiding gebring tussen hulle twee, en Elia het in die stormwind opgegaan na die hemel.

2 Konings 6:17

Elisa het toe gebid en gesê: “Here, maak tog sy oë oop, dat hy kan sien!” Daarop het die Here die dienaar se oë oopgemaak, en hy sien toe – sowaar, die berg rondom Elisa is vol perde, en strydwaens van vuur!

Psalms 148:8

vuur en hael, sneeu en newels, stormwind wat sy bevel uitvoer;

Esegiël 1:13

Wat die vorm van die wesens betref: Hulle het gelyk soos gloeiende kole vuur wat brand, hulle het gelyk soos fakkels. Die vuur het heen en weer beweeg tussen die wesens. Die vuur het 'n helder gloed gehad, en uit die vuur het weerligstrale geflits.

Sagaria 6:5

En die engel antwoord my en sê: “Dit is die vier winde van die hemel wat uitgaan nadat hulle voor die Heer van die hele aarde verskyn het.

Handelinge 23:8

Want die Sadduseërs sê dat daar geen opstanding is nie, en ook nie engele of geeste nie, terwyl die Fariseërs bely dat dit alles bestaan.

Hebreërs 1:14

Is hulle nie almal dienende geeste, wat uitgestuur word ter wille daarvan om hulle wat die verlossing sal beërf, by te staan nie?

Hebreërs 1:7

Oor die engele sê Hy: “Hy maak sy engele stormwinde, en sy dienaars vuurvlamme.”