Psalms 103:12 - Die Bybel 2020-vertaling

¹² So ver as wat die ooste verwyder is van die weste, so ver verwyder Hy ons oortredings van ons.

Bybel vir almal

¹² So ver soos die ooste van die weste is, so ver neem Hy ons sonde weg van ons.

Afrikaans 1933-1953

¹² So ver as die ooste verwyderd is van die weste, so ver verwyder Hy ons oortredinge van ons.

Afrikaans 1983

¹² So ver as die ooste van die weste af is, so ver verwyder Hy ons oortredinge van ons af.

Contemporary Afrikaans Bible 2023

¹² So ver as die ooste van die weste af is, so ver verwyder Hy ons oortredinge van ons.

Die Boodskap

¹² So ver as wat die verste punte van die heelal van mekaar af is, so ver, en nog verder, vat Hy ons sondes se straf van ons af weg.

Psalms 103:12 Kruisverwysings

2 Samuel 12:13

“Ek het gesondig teen die Here,” het Dawid vir Natan gesê, waarop Natan toe vir Dawid sê: “Die Here self het jou sonde opsy geskuif. Jy sal nie sterf nie;

Psalms 113:3

Mag, van waar die son opkom tot waar dit ondergaan, die Naam van die Here geloof word.

Psalms 50:1

'n Psalm. Van Asaf. Die God van die gode, die Here, het gepraat en die aarde opgeroep – van waar die son opkom tot waar dit ondergaan.

Jesaja 38:17

Kyk, tot vrede het my intense bitterheid gelei; U self het my lewe teruggehou van die kuil van vernietiging, ja, U het al my sondes die rug toegekeer.

Jesaja 43:25

Ek, ja, Ek is die Een wat ter wille van Myself jou oortredings telkens uitgewis het, jou sondes nie in herinnering geroep het nie.

Jesaja 44:22

Ek het jou oortredings soos 'n newel, jou sondes soos 'n wolk weggevee. Keer terug na My, want Ek het jou losgekoop.”

Jesaja 45:6

sodat hulle van waar die son opkom, en van waar hy ondergaan, kan weet dat daar niks is buiten My nie. Ek is die Here, en daar is geen ander nie –

Jeremia 31:34

Hulle sal nie meer elkeen sy medemens of sy broer leer en sê, ‘Ken die Here!’ nie, want hulle almal sal My ken, van die kleinste tot die grootste onder hulle,” is die uitspraak van die Here. “Want Ek sal hulle sondeskuld vergewe en aan hulle sonde sal Ek nie weer dink nie.”

Jeremia 50:20

In daardie dae en in daardie tyd,” is die uitspraak van die Here, “sal die sondeskuld van Israel gesoek word, maar dit sal nie daar wees nie, ook die sondes van Juda, maar dit sal nie gevind word nie. Want Ek sal dié wat Ek laat oorbly, vergewe.

Esegiël 18:22

Al die oortredings wat hy begaan het – dit sal nie teen hom gehou word nie. Deur die geregtigheid wat hy bewys het, sal hy leef.

Miga 7:18

Wie is 'n God soos U? U is 'n God wat skuld vergewe, wat by die oortreding verbygaan tot voordeel van die oorblyfsel van sy eiendom, wat nie vir altyd vasklem aan sy toorn nie, maar wat vreugde vind in troue liefde,

Miga 7:19

wat ons weer genadig sal wees, ons skuld sal vertrap. U sal al ons sondes in die dieptes van die see gooi.

Hebreërs 10:2

Sou hulle nie andersins opgehou het om offers te bring, omdat die aanbidders, nadat hulle een maal gereinig is, nie meer enige besef van sonde sou hê nie?

1 Johannes 1:7

maar as ons in die lig leef, soos wat Hy in die lig is, is ons aan mekaar verbonde, en reinig die bloed van Jesus, sy Seun, ons van elke sonde.