Psalms 102:1 - Die Bybel 2020-vertaling

¹ 'n Gebed. Van 'n magtelose wanneer hy kragteloos is en sy klag voor die Here uitstort.

Bybel vir almal

¹ 'n Gebed vir iemand wat swaarkry, wanneer hy swak voel en by die Here wil kla.

Afrikaans 1933-1953

¹ 'n GEBED van 'n ellendige as hy beswyk en sy klagte uitstort voor die aangesig van die Here.

Afrikaans 1983

¹ Gebed van 'n hulpelose wanneer dit met hom sleg gaan en hy sy klagte uitstort voor die Here.

Contemporary Afrikaans Bible 2023

¹ ('n Gebed van die ellendige as hy oorweldig is en sy klagte voor die aangesig van die HERE uitstort.) Hoor my gebed, HERE, en laat my hulpgeroep tot U kom.

Psalms 102:1 Kruisverwysings

2 Kronieke 30:27

Die priesters en Leviete het toe opgestaan en die volk geseën; hulle stem is gehoor en hulle gebed het God se heilige woning, die hemel, bereik.

Psalms 12:5

hulle wat sê: “Danksy ons tonge is ons sterk; ons lippe is onder ons beheer. Wie is heer oor ons?”

Psalms 143:4

My gees in my weifel; in my binneste is my hart verbyster.

Psalms 143:7

U moet my gou antwoord, Here; my gees is gedaan. Moet tog nie u gesig vir my verberg nie; dan word ek net soos hulle wat in die put afdaal.

Psalms 145:19

Hy vervul die wens van dié wat vir Hom ontsag het; hulle hulpgeroep hoor Hy, en Hy verlos hulle.

Psalms 18:6

bande van die •doderyk het my verstrengel, vangstrikke van die dood het my ingewag.

Psalms 39:12

Met straf oor sondeskuld wys U 'n mens tereg; asof 'n mot dit verteer, laat U dit wat vir hom waardevol is, wegsmelt. 'n Blote asemteug is elke mens. Sela

Psalms 42:4

Trane is dag en nag my brood, omdat daar die hele dag lank vir my gevra word: “Waar is jou God?”

Psalms 5:2

Luister tog na my woorde, Here; hoor my versugting!

Psalms 61:2

Hoor my klaagroep, o God, luister aandagtig na my gebed.

Psalms 62:8

By God lê my verlossing, my eer. My sterk rots, my skuilplek, vind ek in God.

Psalms 77:3

In die tyd van my nood soek ek my Heer. In die nag hou ek onvermoeid my hande uitgestrek; ek is ontroosbaar.

Eksodus 2:23

Gedurende hierdie lang tyd het die koning van Egipte gesterf. Die Israeliete het gesug onder die slawewerk en om hulp geroep. Hulle hulpgeroep oor die slawewerk het opgestyg na God.

Klaagliedere 3:44

U het U afgeskerm met 'n wolk waardeur geen gebed kan dring nie.

Klaagliedere 3:8

Selfs al skree ek en roep om hulp, sluit Hy Hom af vir my gebed.

Lukas 22:44

Hy is deur intense angs oorval, en het nog ernstiger gebid. Sy sweet het soos druppels bloed op die grond geval.

Hebreërs 5:7

Christus het tydens sy aardse lewe smekinge en pleitbedes met harde krete en trane gebring voor God, wat in staat was om Hom uit die dood te red, en Hy is verhoor op grond van sy eerbiedige onderworpenheid aan God.

Rigters 10:16

Hulle het toe die vreemde gode tussen hulle verwyder en die Here gedien; en Hy kon toe nie meer Israel se swaarkry verduur nie.

1 Samuel 9:16

“Môre teen hierdie tyd sal Ek 'n man uit die landstreek van Benjamin na jou stuur. Jy moet hom salf as 'n leier oor my volk Israel, sodat hy my volk kan verlos uit die hand van die Filistyne. Want Ek het my volk raakgesien, ja, hulle hulpgeroep het My bereik.”