Prediker 1:3 - Die Bybel 2020-vertaling

³ Watter voordeel is daar vir 'n mens met al sy inspanning waarmee hy hom afsloof onder die son?

Bybel vir almal

³ 'n Mens werk hard, maar wat kry hy vir alles wat hy doen? Wat kry hy vir alles wat hy in hierdie wêreld doen?

Afrikaans 1933-1953

³ Watter voordeel het die mens van al sy moeite waarmee hy hom vermoei onder die son?

Afrikaans 1983

³ Wat kry die mens vir sy geswoeg, sy geswoeg in hierdie wêreld?

Contemporary Afrikaans Bible 2023

³ Watter baat het 'n man van al sy arbeid wat hy onder die son doen?

Die Boodskap

³ Elke dag werk jy hard, maar wat kry jy van al jou gesukkel?

Prediker 1:3 Kruisverwysings

Prediker 2:11

Maar ek het nagedink oor al die werk wat my hande verrig het, en die inspanning waarmee ek my afgesloof het om dit tot stand te bring. En kyk, alles was sinloos en 'n gejaag na wind. Dit het geen voordeel ingehou onder die son nie.

Prediker 2:18

Ek het 'n weersin gekry in al die inspanning waarmee ek my onder die son afgesloof het – dat ek dit moet nalaat aan die een wat ná my kom.

Prediker 2:19

En wie weet of hy 'n wyse man sal wees of 'n dwaas? Hy gaan beheer hê oor alles waarvoor ek my ingespan het, waarvoor ek my afgesloof het en wat ek onder die son met wysheid uitgevoer het. Ook dit is sinloos.

Prediker 2:22

Ja, wat kry 'n mens vir al sy inspanning en die strewe van sy hart waaroor hy besorg was onder die son?

Prediker 3:9

Watter voordeel het die een wat werk van dit waarmee hy hom afsloof?

Prediker 4:3

en beter daaraan toe as hulle almal is dié wat nog nie daar was nie, wat nog nie die slegte dade gesien het wat onder die son gepleeg word nie.

Prediker 4:7

En weer het ek iets sinloos gesien onder die son:

Prediker 5:16

Selfs al eet hy sy lewe lank in die donker; hy vermeerder net verdriet, sy siekte en die grimmigheid.

Prediker 5:18

boonop, dit geld vir elke mens aan wie God rykdom en besittings gee en vir wie Hy die geleentheid gee om daarvan te geniet, om dit as sy beloning te ontvang en vrolik te wees by sy inspanning. Dit is 'n gawe van God.

Prediker 6:12

Ja, wie weet wat goed is vir die mens in die lewe gedurende sy min, sinlose lewensdae wat hy deurbring asof dit 'n skaduwee is? Wie is dit wat die mens kan inlig oor wat ná hom sal gebeur onder die son?

Prediker 7:11

Wysheid is goed saam met 'n erfporsie en is 'n voordeel vir dié wat die son sien;

Prediker 9:13

Ook dit beskou ek as wysheid onder die son, en dit is vir my iets groots:

Prediker 9:3

Dit is die slegte by alles wat onder die son gebeur: dat daar een lot is vir almal; ook dat die hart van mense vol boosheid is, en dat domheid in hulle harte is gedurende hulle lewe; en daarna – na die dooies!

Prediker 9:6

hulle liefde sowel as hulle haat, ook hulle naywer het lankal verdwyn; en vir ewig het hulle geen deel meer aan alles wat onder die son gebeur nie.

Jesaja 55:2

Waarom weeg julle silwer af vir wat nie brood is nie, en bestee julle moeitevolle arbeid aan wat nie versadig nie? As julle aandagtig na My luister, sal julle eet wat goed is, sal julle julle aan ryk kos verlustig.

Habakuk 2:13

Kyk, is dit nie die Here, Heerser oor alle magte, wat dit beskik, dat volke hulle afsloof vir wat opgaan in rook, en nasies hulleself moeg maak vir niks nie?

Habakuk 2:18

“ Watter nut het 'n gesnede beeld as sy maker hom uitgekerf het? Dit is 'n gegote beeld en 'n leermeester van leuens. Ja, hy vertrou op die maaksel wat hy self geskep het. Wat baat dit om stom, nuttelose afgodsbeelde te maak?

Matteus 16:26

Wat sal dit 'n mens dan baat as hy die hele wêreld as wins bekom, maar sy lewe verloor? Of wat sal 'n mens gee as losprys vir sy lewe?

Johannes 6:27

Julle moet nie werk vir die voedsel wat vergaan nie, maar vir die voedsel wat hou tot in die ewige lewe. Dit sal die •Seun van die Mens vir julle gee, want op Hom het God die Vader sy seël geplaas.”

1 Korinthiërs 16:16

Onderwerp julle aan die leiding van sulke mense, en aan elkeen wat saamwerk en hom inspan.