Numeri 9:6 - Die Bybel 2020-vertaling

⁶ Daar was egter manne wat onrein geword het as gevolg van 'n lyk. Hulle kon nie die Pasga op daardie dag vier nie, en het Moses en Aäron nog dieselfde dag genader.

Bybel vir almal

⁶ Maar daar was mans wat onrein was omdat hulle aan 'n lyk geraak het. Hulle kon nie die Paasfees op daardie dag vier nie en hulle het dieselfde dag na Moses en Aäron toe gekom

Afrikaans 1933-1953

⁶ En daar was manne wat deur die lyk van 'n mens onrein geword het en op dieselfde dag die pasga nie kon hou nie. Daarom het hulle nader gekom voor Moses en Aäron op dieselfde dag,

Afrikaans 1983

⁶ Maar daar was persone wat die paasfees nie op daardie dag kon vier nie omdat hulle aan 'n lyk geraak het en dus onrein was. Hierdie manne het dieselfde dag nog na Moses en Aäron toe gekom en vir hulle gesê:

Contemporary Afrikaans Bible 2023

⁶ En daar was sekere manne wat deur die lyk van 'n man verontreinig was, dat hulle die pasga op dié dag nie kon hou nie; en hulle het op dié dag voor Moses en Aäron gegaan.

Die Boodskap

⁶ Daar was egter ’n klomp mense wat nie aan die paasfees kon deelneem nie, aangesien hulle iemand moes begrawe en aan ’n lyk geraak het. Hulle kon daarom nie aan godsdienstige aktiwiteite deelneem nie. Hulle het toe met Moses en Aäron gaan praat en vir hulle gesê:

Numeri 9:6 Kruisverwysings

Eksodus 18:15

Moses het sy skoonvader geantwoord: “Omdat die mense na my toe kom om God te raadpleeg.

Eksodus 18:19

Luister nou na my! Ek sal vir jou raad gee, en mag God met jou wees! Tree jy vir die volk in by God, en bring jy die sake voor God.

Eksodus 18:26

Hulle het te alle tye die volk se regsake behartig. Die moeilike sake het hulle na Moses gebring, maar oor al die maklike sake het hulle self beslis.

Levitikus 21:11

By geen dooie mag hy kom nie; selfs deur sy vader of sy moeder mag hy hom nie verontreinig nie.

Levitikus 24:11

Toe die seun van die Israelitiese vrou die Godsnaam laster en vervloek, het hulle hom na Moses geneem. Die seun se moeder, wie se naam Selomit was, was die dogter van Dibri, uit die stam van Dan.

Numeri 15:33

Hulle wat op hom afgekom het terwyl hy hout bymekaarmaak, het hom na Moses, Aäron en die hele volksvergadering gebring.

Numeri 19:11

“ ‘ Iemand wat aan 'n dooie raak, aan enige mens se lyk, is onrein sewe dae lank.

Numeri 19:14

“ ‘Dit is die voorskrifte wanneer iemand in 'n tent sterf: Elkeen wat by die tent ingaan en alles wat in die tent is, sal sewe dae lank onrein wees.

Numeri 19:16

“ ‘Elkeen wat in die oop veld aan iemand raak wat met 'n swaard doodgemaak is, of aan iemand wat gesterf het, of aan 'n menslike been, of aan 'n graf, sal sewe dae lank onrein wees.

Numeri 19:18

'n Rein persoon moet 'n marjoleintakkie neem en in die water doop. Dan moet hy dit sprinkel oor die tent en al die gebruiksvoorwerpe en ook oor die persone wat daar is – oor iemand wat aan 'n menslike been of aan 'n gesneuwelde of aan 'n dooie of aan 'n graf geraak het.

Numeri 27:2

Hulle het voor Moses, die priester Eleasar, die leiers en die hele volksvergadering by die ingang van die •Tent van Ontmoeting gaan staan en gesê:

Numeri 27:5

Moses het hulle saak toe voor die Here gebring.

Numeri 5:2

“Gee die Israeliete opdrag om elkeen wat 'n velsiekte het en elkeen wat 'n afskeiding het, uit die kamp te stuur, ook elkeen wat onrein is omdat hy aan 'n lyk geraak het.

Numeri 9:7

Daardie manne het vir hom gesê: “Ons is onrein as gevolg van 'n lyk. Waarom word ons teruggehou, sodat ons nie saam met die Israeliete op die vasgestelde tyd 'n offer aan die Here kan bring nie?”

Johannes 18:28

Van Kajafas af het hulle Jesus na die pretorium geneem. Dit was vroegoggend. Hulle het nie self die pretorium binnegegaan nie, sodat hulle nie •onrein sou word nie, maar die Pasga sou kon eet.