Numeri 8:12 - Die Bybel 2020-vertaling

¹² Die Leviete moet hulle hande op die koppe van die jong bulle plaas. Offer die een dan as 'n reinigingsoffer, en die ander as 'n •brandoffer vir die Here om vir die Leviete versoening te doen.

Bybel vir almal

¹² Die Leviete moet dan hulle hande sit op die koppe van die bulle, en Aäron moet die bulle vir My offer, die een bul is 'n sonde-offer en die ander bul is 'n brand-offer. Hierdie offers is om versoening te doen vir die Leviete.

Afrikaans 1933-1953

¹² En die Leviete moet hulle hande op die kop van die bulle lê; en berei jy een as sondoffer en een as brandoffer vir die Here, om vir die Leviete versoening te doen.

Afrikaans 1983

¹² “Die Leviete moet hulle hande op die koppe van die twee bulle sit. Die een bul moet as sondeoffer en die ander as brandoffer vir My, die Here, berei word, om vir die Leviete versoening te doen.

Contemporary Afrikaans Bible 2023

¹² En die Leviete moet hulle hande op die koppe van die bulle lê, en jy moet die een as sondoffer en die ander as brandoffer aan die HERE berei om vir die Leviete versoening te doen.

Die Boodskap

¹² “Hierna moet die Leviete hulle hande op die twee bulle se koppe sit. Die een bul moet as ’n sondeoffer en die ander bul as ’n brandoffer aan My, die Here, geoffer word om die Leviete se sonde weg te vat.

Numeri 8:12 Kruisverwysings

Eksodus 29:10

“Jy moet die bul tot voor die Tent van Ontmoeting bring. Aäron en sy seuns moet hulle hande op die bul se kop plaas,

Levitikus 1:4

Hy moet sy hand op die kop van die brandofferdier lê sodat dit namens hom aanvaar kan word om oor hom versoening te doen.

Levitikus 14:22

en twee tortelduiwe of twee jong duiwe – wat hy ook al kan bekostig – een as reinigingsoffer en die ander as brandoffer.

Levitikus 16:11

“ Nadat Aäron die bul vir die reinigingsoffer wat vir homself bedoel is, nadergebring het om versoening te doen vir hom en sy huis, moet hy die bul keelaf sny as 'n reinigingsoffer vir homself.

Levitikus 16:21

Aäron moet sy twee hande op die kop van die lewendige bok lê, en dan oor die bok belydenis doen van al die skuld van die Israeliete, en al hulle oortredings, ja, al hulle sondes. Hy moet die sondes so op die kop van die bok lê en hom dan, deur 'n man wat vooraf aangewys is, die woestyn in stuur.

Levitikus 16:6

Aäron moet die bul vir die reinigingsoffer wat vir homself bedoel is, naderbring en versoening doen vir hom en sy huis.

Levitikus 4:15

Die oudstes van die volksvergadering moet voor die Here hulle hande op die kop van die bul lê. Hulle moet die bul voor die Here keelaf sny

Levitikus 4:20

Hy moet met die bul maak soos hy met die bul van die reinigingsoffer gemaak het. So sal die priester oor hulle versoening doen en sal hulle vergewe word.

Levitikus 4:35

Al die vet moet hy verwyder, soos hy die vet van die skaap vir die maaltydoffer verwyder het. Die priester moet dit op die altaar verbrand saam met die ander offergawes vir die Here. So sal die priester vir die persoon versoening doen vir die sonde wat hy gedoen het en sal hy vergewe word.

Levitikus 4:4

Hy moet die bul na die ingang van die •Tent van Ontmoeting voor die Here bring, sy hand op die kop van die bul lê en dit voor die Here keelaf sny.

Levitikus 5:7

Maar as hy nie 'n stuk kleinvee kan bekostig nie, moet hy as boetedoening vir sy sonde twee tortelduiwe of twee jong duiwe vir die Here bring, een as reinigingsoffer en een as •brandoffer.

Levitikus 8:14

Daarna het hy die bul vir die reinigingsoffer laat nader kom. Aäron en sy seuns het hulle hande op die bul se kop vir die reinigingsoffer geplaas.

Levitikus 8:15

Moses het die bul keelaf gesny, van die bloed geneem en dit met sy vinger aan die horings van die altaar gesmeer. Hy het die altaar gereinig en die res van die bloed teen die basis van die altaar uitgegooi. Hy het dit geheilig om versoening daarvoor te doen.

Levitikus 8:18

Toe het hy die ram vir die •brandoffer laat nader kom. Aäron en sy seuns het hulle hande op die kop van die ram gelê.

Levitikus 8:34

Wat vandag gebeur het, is wat die Here beveel het gedoen moet word om vir julle versoening te doen.

Levitikus 9:7

Daarna sê Moses vir Aäron: “Gaan na die altaar en maak jou reinigingsoffer en jou brandoffer gereed en doen versoening vir jou en jou mense. Maak ook die volk se offer gereed en doen vir hulle versoening, soos die Here beveel het.”

Numeri 6:14

Hy moet sy offer vir die Here naderbring: een jaaroud ramlam sonder gebrek as •brandoffer, een jaaroud ooilam sonder gebrek as reinigingsoffer en een ram sonder gebrek as •maaltydoffer,

Numeri 6:16

Die priester moet dit in die teenwoordigheid van die Here bring en offer as die persoon se reinigingsoffer en brandoffer.

Numeri 8:13

Laat die Leviete voor Aäron en sy seuns staan en bied hulle voor die Here as 'n gewyde gawe aan.

Numeri 8:8

Dan moet hulle 'n jong bul neem, met die bypassende offer van gesifte meel, klam gemaak met olyfolie. Daarby moet jy 'n tweede jong bul as •reinigingsoffer neem.

Hebreërs 9:22

Feitlik alles is volgens die wet met bloed gereinig; ja, sonder bloedvergieting vind geen vergifnis plaas nie.