Numeri 32:1 - Die Bybel 2020-vertaling

¹ Die nageslag van Ruben en Gad het baie vee gehad, besonder baie. Toe hulle die landstreek Jaser en die landstreek Gilead sien – en kyk, die gebied was 'n plek vir vee –

Bybel vir almal

¹ Die Ruben-stam en die Gad-stam het baie diere gehad, dit was groot troppe diere. Hulle het gesien dat die land Jaser en die land Gilead goeie weiveld vir diere het.

Afrikaans 1933-1953

¹ EN die kinders van Ruben en die kinders van Gad het baie vee gehad, 'n groot menigte. En toe hulle die land van Jaéser en die land Gílead bekyk het, vind hulle uit dat die plek 'n plek vir vee was.

Afrikaans 1983

¹ Die stamme Ruben en Gad het groot troppe vee besit. Hulle het gesien dat die Jaser- en Gileadstreke goeie veewêreld is,

Contemporary Afrikaans Bible 2023

¹ En die kinders van Ruben en die kinders van Gad het 'n baie groot menigte vee gehad; en toe hulle die land Jaser en die land Gílead sien, was die plek 'n plek vir vee;

Die Boodskap

¹ Die stamme van Ruben en Gad het gesien dat die gebiede by Jaser en Gilead baie goeie weiding gehad het. Omdat hulle groot troppe vee gehad het,

Numeri 32:1 Kruisverwysings

Genesis 13:2

Abram was 'n baie vermoënde man met vee, silwer en goud.

Genesis 13:5

Ook Lot, wat saam met Abram getrek het, het kleinvee, beeste en tente gehad.

Genesis 29:32

Lea het swanger geword en aan 'n seun geboorte gegee. Sy het hom Ruben genoem, want sy het gesê: “Ja, die Here het my ellende raakgesien, want nou sal my man my liefhê.”

Genesis 47:4

Hulle sê toe vir die farao: “Ons het gekom om net as •vreemdelinge in die land te woon, want daar is nie weiding vir die kleinvee wat aan u dienaars behoort nie; ja, die hongersnood is erg in die land Kanaän. Laat u dienaars asseblief dan nou in die Gosenstreek bly.”

2 Samuel 24:5

Hulle het die Jordaan oorgesteek en kamp opgeslaan by Aroër, suid van die dorp in die middel van die dal Gad, aan die kant van Jaeser.

2 Samuel 24:6

Daarna het hulle in Gilead ingegaan, na die streek van Tagtim-Godsi. Hulle het in Dan-Jaän aangekom en weggedraai na Sidon.

1 Kronieke 4:41

het hierdie mense, wie se name opgeteken is, in die tyd van Hiskia, die koning van Juda, daar aangekom en die tente en die waterbronne wat daar te vinde was, verwoes. Die mense van Simeon het hulle met die banvloek getref; dit is vandag nog so. Hulle het in hulle plek gaan woon, want daar was weiding vir hulle kleinvee.

Eksodus 12:38

Ook 'n groot groep mense van ander afkoms het saam met hulle opgetrek; en ook nog kleinvee en beeste, baie groot troppe vee.

Jeremia 22:6

“ ‘Ja, so sê die Here oor die paleis van die koning van Juda: “Jy is vir my 'n Gilead, die kruin van die Libanon; maar Ek maak van jou 'n woestyn, en stede wat nie bewoon word nie.

Jeremia 48:32

Meer as oor Jaser, huil ek oor jou, wingerd van Sibma. Jou ranke het die see oorgesteek; tot by Jaser het dit gestrek. Op jou somervrugte en jou druiweoes het die verwoester toegesak.

Jeremia 50:19

Ek sal Israel terugbring na sy weiveld, en hy sal op Karmel en Basan wei. Op die bergland van Efraim en in Gilead sal hy versadig word.

Jeremia 8:22

Is daar dan nie balsem in Gilead nie, is daar nie 'n geneser nie? Ja, waarom vind die herstel van die dogter van my volk nie plaas nie?

Miga 7:14

Pas u volk op met u staf, die kleinvee wat u eiendom is, wat eensaam woon in 'n bos in die middel van 'n vrugbare gebied. Laat hulle in Basan en Gilead wei, soos in die ou tyd.

Numeri 21:32

Moses het mense gestuur om Jaser te verken, en hulle het Jaser en die omliggende dorpies ingeneem. Hulle het die Amoriete wat daar was, verdryf.

Numeri 32:2

het die nageslag van Gad en die nageslag van Ruben gekom en vir Moses, die priester Eleasar en die leiers van die volksvergadering gesê:

Numeri 32:26

Ons afhanklikes, ons vroue, ons vee en al ons diere sal daar in die stede van Gilead bly;

Numeri 32:3

“Atarot, Dibon, Jaser, Nimra, Gesbon, Elale, Sibma, Nebo en Beon,

Numeri 32:35

ook Atrot-Sofan, Jaser, Jogboha,

Deuteronomium 33:21

Hy het vir homself die beste deel uitgesoek; ja, op daardie plek is die stuk grond van 'n bevelvoerder vir hom uitgehou toe hy na die leiers van die volk gekom het. Hy het die geregtigheid van die Here volbring, sy beslissings in verband met Israel.”

Josua 13:25

en dié gebied het aan hulle behoort: Jaser, al die dorpe in Gilead en die helfte van die land van die Ammoniete tot by Aroër wat langs Rabba lê;

Josua 22:13

Die Israeliete stuur toe vir Pinehas, seun van die priester Eleasar, na die nageslag van Ruben en Gad en die halwe stam van Manasse in die Gileadstreek,

Josua 22:9

Die nageslag van Ruben en Gad, en die halwe stam van Manasse, het omgedraai en weggegaan van die Israeliete af, van Silo af wat in die land Kanaän is, om na die landstreek Gilead te gaan, na die streek van hulle erfgrond waar hulle hulle gevestig het op bevel van die Here by monde van Moses.

1 Johannes 2:16

want alles in die wêreld – dit wat die liggaam begeer, en dit wat die oë begeer, arrogante spoggery oor besittings – is nie uit die Vader nie, maar uit die wêreld.

Rigters 5:16

Waarom het jy tussen die saalsakke bly sit om te luister na die fluitspel by die veetroppe? In die geledere van Ruben was die oorwegings van die hart groot.