Numeri 3:13 - Die Bybel 2020-vertaling

¹³ omdat al die eersgeborenes aan My behoort. Toe Ek al die eersgeborenes in Egipteland getref het, het Ek al die eersgeborenes in Israel vir My geheilig: Die eersgeborenes van mense sowel as diere behoort aan My. Ek is die Here.”

Bybel vir almal

¹³ Al die oudste seuns en al die eerste kleintjies van die mak diere is Myne. Dit is so van daardie dag af toe Ek die oudste seuns in Egipte laat sterf het. Ek het toe elke seun en elke dier wat eerste gebore is, aan My gewy, hulle is Myne, Ek is die Here.”

Afrikaans 1933-1953

¹³ Want al die eersgeborenes is myne: op die dag toe Ek al die eersgeborenes in Egipteland getref het, het Ek al die eersgeborenes in Israel vir My geheilig, mense sowel as diere; hulle moet myne wees. Ek is die Here.

Afrikaans 1983

¹³ Al die eersgeborenes is Myne: die dag toe Ek al die eersgeborenes van die Egiptenaars omgebring het, het Ek dié van Israel, van mens en dier, vir My opgeëis; hulle behoort aan My. Ek is die Here.”

Contemporary Afrikaans Bible 2023

¹³ Omdat al die eersgeborenes myne is; want op die dag toe Ek al die eersgeborenes in Egipteland getref het, het Ek al die eersgeborenes in Israel aan My geheilig, mense sowel as diere; hulle sal myne wees: Ek is die HERE.

Numeri 3:13 Kruisverwysings

Nehemia 10:36

en, soos geskryf staan in die Wet, om die eersgeborenes van ons seuns en ons vee, die eersgeborenes van ons beeste en ons kleinvee, te bring na die huis van ons God, vir die priesters wat diens doen in die huis van ons God;

Eksodus 13:12

moet jy elke eersteling van die moederskoot aan die Here afstaan. Elke eersteling van die aanteel van jou vee wat jy kry, die manlikes, behoort aan die Here.

Eksodus 13:15

Toe die farao te koppig was om ons te laat gaan, het die Here al die eersgeborenes in Egipteland doodgemaak, van die eersgeborenes van mense tot die eersgeborenes van die vee. Daarom offer ek aan die Here elke manlike eersteling van die vee, maar elke eersgeborene van my seuns koop ek los.’

Eksodus 13:2

“Wy al die eersgeborenes aan My. Die eerstelinge van elke moederskoot onder die Israeliete, van mense en diere, behoort aan My.”

Eksodus 22:29

Offers uit jou volle graanoes en die opbrengs van jou parskuip mag jy nie terughou nie. Die eersgeborene van jou seuns moet jy aan My afstaan.

Eksodus 34:19

Elke eersteling van die moederskoot behoort aan My – dit is al jou manlike vee, die eerstelinge van beeste en kleinvee.

Esegiël 44:30

Die keur van al die eerste vrugte van alle soorte, en elke •wydingsgeskenk van alle soorte, al julle wydingsgeskenke, sal die priesters s'n wees. Die eerste deel van julle baksel moet julle vir die priesters gee, sodat daar seën op jou huis sal rus.

Levitikus 27:26

“ ‘ Onthou net, wat betref 'n eersgeborene onder die diere wat reeds as eersgeborene aan die Here behoort – iemand mag dit nie wy nie. Of dit nou 'n bees of 'n stuk kleinvee is, dit behoort aan die Here.

Numeri 18:15

Elke eersteling van die moederskoot, elke lewende wese wat vir die Here gebring word, kom jou toe, of dit nou mense of diere is. Onthou net, jy moet beslis die eersgeborenes van mense laat loskoop, en die eersgeborenes van •onrein diere mag jy laat loskoop.

Numeri 18:6

Wat My betref, kyk, Ek het julle broers, die Leviete, uit die Israeliete geneem as 'n geskenk vir julle. Hulle is aan die Here afgestaan om die werk by die Tent van Ontmoeting te doen.

Numeri 3:41

Neem die Leviete vir My – Ek is die Here – in die plek van al die eersgeborenes van die Israeliete; en neem die diere van die Leviete in die plek van al die eersgeborenes onder die diere van die Israeliete.”

Numeri 33:4

Die Egiptenare was besig om al die eersgeborenes onder hulle wat deur die Here getref is, te begrawe. Die Here het ook oor hulle gode oordele voltrek.

Lukas 2:23

Soos daar in die Wet van die Here geskryf staan: “Elke eerstelingseun wat gebore word, moet aan die Here gewy word.”

Hebreërs 12:23

en 'n •gemeente van •eersgeborenes wat opgeteken is in die hemele, en by God, die Regter van almal, en by die geeste van die regverdiges wat vervolmaak is,