Numeri 28:3 - Die Bybel 2020-vertaling

³ Sê vir hulle, ‘Dit is die offergawe wat julle vir die Here moet aanbied: twee jaaroud ramlammers sonder gebrek, daagliks as 'n gereelde •brandoffer.

Bybel vir almal

³ “Jy moet vir hulle sê hulle moet elke dag vir My hierdie vuur-offer bring: twee gesonde jaaroud ram-lammers. Dit is 'n brand-offer wat hulle elke dag moet bring.

Afrikaans 1933-1953

³ En jy moet vir hulle sê: Dit is die vuuroffer wat julle aan die Here moet bring: twee jaaroud lammers sonder gebrek elke dag as 'n voortdurende brandoffer.

Afrikaans 1983

³ “Sê vir hulle: Julle moet die volgende vuuroffer vir die Here bring: twee jaaroud lammers sonder liggaamsgebrek as gereelde brandoffers vir elke dag.

Contemporary Afrikaans Bible 2023

³ En jy moet vir hulle sê: Dit is die vuuroffer wat julle aan die HERE moet bring; twee jaaroud lammers dag vir dag sonder vlek as 'n voortdurende brandoffer.

Die Boodskap

³ “Hierdie is dan die vuuroffers wat hulle vir die Here moet bring: Daar is ’n brandoffer wat elke dag vir die Here gebring moet word. Hierdie offer bestaan uit twee jong rammetjies van ’n jaar oud. Hulle mag nie iewers ’n liggaamsgebrek hê nie.

Numeri 28:3 Kruisverwysings

1 Kronieke 16:40

om deurentyd, soggens en saans, vir die Here brandoffers op die brandofferaltaar te bring, volgens alles wat voorgeskryf is in die wet van die Here wat Hy Israel beveel het.

2 Kronieke 8:13

volgens die vereiste van elke dag, dit wat, ooreenkomstig die bevel van Moses, geoffer moes word op die Sabbatte, tydens die nuwemaansfeeste en die vaste feestye – drie keer per jaar by die Fees van die Ongesuurde Brood, die Fees van die Weke en die Huttefees.

Esra 3:5

en ook die gereelde brandoffers: die offers met nuwemaan, die offers by al die gewyde •feeste van die Here, sowel as dié by al die vrywillige gawes aan die Here.

Daniël 11:31

Strydmagte deur hom byeengebring, sal opstaan en die heiligdom, die vesting, ontheilig, die gereelde offer afskaf en die verfoeilike afgodsbeeld wat verwoesting veroorsaak, oprig.

Daniël 12:11

Vanaf die tyd dat die gereelde offer afgeskaf word, en vanaf die oprigting van 'n verfoeilike afgodsbeeld wat verwoesting veroorsaak, sal 'n duisend tweehonderd-en-negentig dae verloop.

Daniël 8:11

Die horing het hom selfs teen die Bevelvoerder van die leër verhef. Van Hom is die gereelde offer weerhou, en die plek van sy heiligdom is omvergewerp.

Daniël 8:13

Ek het een van die •heiliges hoor praat. 'n Ander heilige vra toe vir iemand, vir die een wat praat: “Hoe lank sal dit duur – dit wat in die visioen openbaar is oor die gereelde offer en die verwoestende daad van opstand, en oor die oorgawe van sowel die heiligdom as die offerdiens om vertrap te word?”

Levitikus 3:5

Die seuns van Aäron moet dit op die altaar verbrand bo-op die •brandoffer wat op die hout op die vuur op die altaar is. Dit is 'n geurige offer, 'n offergawe aan die Here.

Levitikus 6:9

“ Gee vir Aäron en sy seuns die volgende opdrag, ‘Dit is die voorskrifte vir die •brandoffer: Die brandoffer moet dwarsdeur die nag tot die volgende oggend op die vuurmaakplek op die altaar bly. Die altaar se vuur moet in die vuurmaakplek op die altaar aan die brand gehou word.

Amos 4:4

“ Kom na Bet-El en oortree, na Gilgal en oortree nog meer. Bring julle offers soggens, en elke derde dag julle tiendes.

Numeri 28:10

'n brandoffer op elke Sabbatdag, by die gereelde brandoffer en bypassende drankoffer.

Numeri 28:15

Een bokram moet as •reinigingsoffer vir die Here gebring word, naas die gereelde brandoffer en bypassende drankoffer.’ ”

Numeri 28:23

Afgesien van die brandoffer in die oggend, wat die gereelde brandoffer is, moet julle hierdie offers bring.

Numeri 28:24

Op dié wyse moet julle elke dag, sewe dae lank, voedsel offer, 'n geurige offer, 'n offergawe aan die Here. By die gereelde brandoffer en die bypassende drankoffer moet julle dit offer.

Numeri 28:31

Afgesien van die gereelde brandoffer en die bypassende graanoffer, moet julle dit met bypassende drankoffers bring. Hulle moet sonder gebrek wees.’ ”

Numeri 28:4

Een ramlam moet jy in die oggend offer en die tweede ramlam teen laatmiddag

Numeri 29:11

Offer ook een bokram as reinigingsoffer, afgesien van die reinigingsoffer vir die versoening, by die gereelde brandoffer, met sy bypassende graanoffer en al die bypassende drankoffers.

Numeri 29:16

Offer ook een bokram as reinigingsoffer, afgesien van die gereelde brandoffer en die bypassende graan- en drankoffer.

Numeri 29:6

afgesien van die brandoffer met nuwemaan en bypassende graanoffer, die gereelde brandoffer en bypassende graanoffer, en al die bypassende •drankoffers soos voorgeskryf, as 'n aangename geur, 'n offergawe aan die Here.

Johannes 1:29

Die volgende dag sien Johannes Jesus na hom toe kom, en hy sê: “Kyk, die Lam van God wat die sonde van die wêreld wegneem!

Hebreërs 9:6

Met hierdie dinge dan so ingerig, gaan die priesters gereeld die voorste tent binne om hulle rituele diens te verrig.

Openbaring 13:8

Al die aardbewoners sal hom aanbid, elkeen wie se naam sedert die grondlegging van die wêreld nie opgeskryf is in die boekrol van die lewe van die Lam wat geslag is nie.