Numeri 26:10 - Die Bybel 2020-vertaling

¹⁰ Die aarde het sy mond oopgemaak en hulle en ook Korag verswelg toe die bende gesterf het, toe die vuur die 250 man verteer en hulle 'n waarskuwingsteken geword het.

Bybel vir almal

¹⁰ Toe het die aarde oopgeskeur en die aarde het hulle ingesluk saam met Korag. Die Korag-groep het gesterf toe 250 van hulle manne verbrand het. Hulle het 'n teken geword vir ander mense,

Afrikaans 1933-1953

¹⁰ En die aarde het sy mond oopgemaak en hulle verslind, saam met Korag, toe die bende gesterf het deurdat die vuur die tweehonderd-en-vyftig man verteer het; en hulle het tot 'n teken geword.

Afrikaans 1983

¹⁰ Die grond het oopgeskeur en hulle ingesluk saam met Korag wie se bende omgekom het toe die vuur twee honderd en vyftig man verteer het. Dit was 'n waarskuwing vir Israel.

Contemporary Afrikaans Bible 2023

¹⁰ En die aarde het haar mond oopgemaak en hulle saam met Korag verslind, toe daardie skare gesterf het, hoe laat die vuur twee honderd en vyftig man verteer het, en hulle het 'n teken geword.

Die Boodskap

¹⁰ Die grond het oopgeskeur en hulle het saam met Korag en sy volgelinge in die skeur verdwyn. Dit was ook toe dat die Here die 250 man met vuur verbrand het om Israel te waarsku.

Numeri 26:10 Kruisverwysings

Eksodus 16:35

Die Israeliete het die manna veertig jaar lank geëet, totdat hulle by bewoonde land gekom het. Die manna het hulle geëet totdat hulle by die grens van die land Kanaän aangekom het.

Jeremia 29:22

En daarvan sal 'n vervloeking afgelei word deur al die ballinge van Juda wat in Babel is, naamlik: “Mag die Here met jou maak soos met Sedekia en Agab, wat deur die koning van Babilonië in die vuur laat braai is!” –

Esegiël 14:8

Ek sal teen daardie man draai en van hom 'n voorbeeld maak, 'n aanleiding tot spotwoorde; Ek sal hom uit die midde van my volk verwyder. Julle sal besef dat Ek die Here is.

Numeri 16:2

Hulle en tweehonderd-en-vyftig mans van die Israeliete, leiers van die volksvergadering wat vir die geleentheid opgeroep is, manne van aansien, het voor Moses gaan staan.

Numeri 16:38

En die vuurpanne van daardie sondaars wat met hulle lewens betaal het – maak uitgeklopte plate daarvan, plaatwerk vir die altaar. Omdat hulle dit in die teenwoordigheid van die Here gebring het, is dit heilig. Dit sal dien as 'n teken vir die Israeliete.”

Numeri 17:3

Aäron se naam moet jy op die staf van Levi skryf, want daar is net een staf vir 'n stamhoof.

Numeri 27:3

“ Ons vader is oorlede in die woestyn. Hy was egter nie onder die bende nie – daardie bende van Korag wat teen die Here saamgespan het. Maar deur sy eie sonde het hy gesterf, en hy het nie seuns gehad nie.

Deuteronomium 11:6

en wat Hy gedoen het aan Datan en Abiram, die seuns van Eliab, die nasaat van Ruben, toe die grond sy mond oopgesper en hulle verswelg het saam met hulle huisgesinne en tente en al die lewende hawe agter hulle aan, in die teenwoordigheid van die hele Israel.

Deuteronomium 28:46

Hierdie vervloeking sal by jou wees as 'n herinnerings- en waarskuwingsteken en ook by jou nageslag, vir altyd.

2 Petrus 2:6

en as Hy die stede van Sodom en Gomorra tot as verbrand het, toe Hy hulle tot vernietiging veroordeel, en van hulle 'n voorbeeld gemaak het van die dinge wat die goddeloses gaan tref;

Judas 1:7

So ook dien Sodom en Gomorra, en die omliggende stede, wat op 'n soortgelyke manier as daardie engele ontug gepleeg en agter vreemde liggame aangeloop het, as waarskuwende voorbeeld, omdat hulle die straf van ewige vuur ondergaan.

1 Samuel 2:34

En dit wat met jou twee seuns Hofni en Pinehas sal gebeur, sal reeds vir jou 'n teken wees: Op een dag sal hulle albei sterf.