Numeri 24:1 - Die Bybel 2020-vertaling

¹ Bileam het egter gesien dat dit goed is in die oë van die Here om Israel te seën. Hy het nie soos die vorige kere na voortekens vir voorspellings gaan soek nie. Hy het sy gesig na die woestyn gedraai.

Bybel vir almal

¹ Bileam het nou geweet dat die Here wil hê hy moet die Israeliete seën, en hy het nie soos voorheen gesoek na 'n teken nie. Hy het na die woestyn gekyk

Afrikaans 1933-1953

¹ TOE Bíleam sien dat dit goed was in die oë van die Here om Israel te seën, het hy hom nie soos die vorige kere tot towery gewend nie, maar sy gesig na die woestyn gedraai.

Afrikaans 1983

¹ Bileam het nou al geweet dat die Here vir Israel wil seën, en daarom het hy nie soos die vorige kere 'n voorteken gaan soek nie. Hy het na die woestyn toe gedraai

Contemporary Afrikaans Bible 2023

¹ En toe Bíleam sien dat dit die HERE behaag het om Israel te seën, het hy nie soos die vorige kere gegaan om towerye te soek nie, maar hy het sy aangesig na die woestyn gerig.

Die Boodskap

¹ Teen hierdie tyd het Bileam besef dat die Here die Israeliete wil seën met sy goedheid. Daarom het hy nie soos die vorige kere eenkant toe gegaan om te hoor of die Here iets anders wil sê nie. Al wat hy gedoen het, was om om te draai en na die woestyn se kant toe te kyk.

Numeri 24:1 Kruisverwysings

Numeri 22:13

Bileam het die oggend opgestaan en vir die hoë amptenare van Balak gesê: “Gaan na julle land toe, want die Here het geweier om my toestemming te gee om saam met julle te gaan.”

Numeri 22:7

Die oudstes van Moab en Midian het toe vertrek met die betaling vir waarsêery by hulle. Toe hulle by Bileam kom, het hulle Balak se woorde aan hom oorgedra.

Numeri 23:15

Bileam sê toe vir Balak: “Bly hier staan by jou brandoffer, maar ek sal daar gereedstaan vir 'n ontmoeting.”

Numeri 23:20

Kyk, om te seën is die opdrag wat ek ontvang het. Hy het geseën, en ek kan dit nie omkeer nie.

Numeri 23:23

Want daar is nie voorspelling in Jakob, en waarsêery in Israel nie. Nou moet daar gesê word vir Jakob, vir Israel, wat God gedoen het,

Numeri 23:28

Balak vat toe vir Bileam na die kruin van Peor, wat 'n uitsig bied oor die wildernis.

Numeri 23:3

Bileam sê toe vir Balak: “Bly hier by u •brandoffer staan terwyl ek 'n entjie loop. Miskien gun die Here my 'n ontmoeting. Wat Hy my ook al laat sien, sal ek aan u bekend maak.” Daarna het hy na 'n kaal hoogte gestap.

Numeri 23:30

Balak het gedoen wat Bileam gesê het. Hy het 'n bul en 'n ram geoffer op elke altaar.

Numeri 31:16

Kyk, dit is juis hulle wat, op advies van Bileam, met die gebeure by Peor, vir die Israeliete die rede geword het om ontrou te bedryf teenoor die Here, sodat daar 'n plaag in die volksvergadering van die Here uitgebreek het.

Openbaring 2:14

Maar Ek hou 'n paar dinge teen jou: Jy het mense in jou midde wat die leer van Bileam aanhang. Hy het Balak geleer om 'n strik vir die kinders van Israel te stel, naamlik om van die afgodsoffers te eet, en hulle onsedelik te gedra.

1 Samuel 24:20

As iemand sy vyand teëkom, laat hy hom ongedeerd wegkom? Die Here, Hy sal jou met die goeie beloon vir wat jy vandag aan my gedoen het.

1 Samuel 26:2

Saul het toe gereedgemaak en afgetrek na die woestyn van Sif. By hom was daar drieduisend man, uitgesoektes van Israel, om na Dawid in die woestyn van Sif te soek.

1 Samuel 26:25

Saul sê toe vir Dawid: “Mag jy geseënd wees, my seun Dawid. Jy sal nie net baie vermag nie, maar beslis ook seëvier.” Daarna het Dawid sy koers gegaan, en Saul het teruggekeer na sy woonplek.