Numeri 2:32 - Die Bybel 2020-vertaling

³² Dit was die Israeliete wat ingeskryf is volgens hulle families. Al dié wat ingeskryf is van die kampe, volgens hulle leërafdelings, was 603 550.

Bybel vir almal

³² Moses-hulle het die Israeliete in die kampe getel, hulle het getel hoeveel persone in elke familie en groep is. Hulle was almal saam 603 550.

Afrikaans 1933-1953

³² Dit is die geteldes van die kinders van Israel volgens hulle families. Al die geteldes van die laers volgens hulle leërafdelings was seshonderd-en-drieduisend-vyfhonderd-en-vyftig.

Afrikaans 1983

³² Dit was dan die groottotaal van al die Israeliete, getel volgens families. Al die geteldes van die kampe, ingedeel in leërafdelings, was 603 550 man.

Contemporary Afrikaans Bible 2023

³² Dit is die geteldes van die kinders van Israel volgens die huis van hulle vaders: al die geteldes van die laers volgens hulle leërskare was ses honderd duisend drie duisend vyf honderd en vyftig.

Die Boodskap

³² Dit was dan die totaal van al die Israeliete, volgens hulle families. Al die geteldes in die kampe, ingedeel in verskillende leërafdelings, was 603 550 soldate.

Numeri 2:32 Kruisverwysings

Eksodus 12:37

Die Israeliete het van Ramses af weggetrek op pad na Sukkot, ongeveer seshonderdduisend man te voet, afgesien van die afhanklikes.

Eksodus 38:26

Dit was 'n beka per kop, 'n halfsikkel volgens die standaardgewig van die heiligdom, vir elkeen vanaf twintig jaar en ouer wat getel is, altesaam 603 550 man.

Numeri 1:46

hulle almal wat ingeskryf is, was 603 550.

Numeri 11:21

Daarop het Moses gesê: “Seshonderdduisend mense te voet is die volk in wie se midde ek is, en U sê, ‘Vleis sal Ek vir hulle gee, sodat hulle 'n maand lank sal eet.’

Numeri 2:9

“Al dié wat ingeskryf is van die kamp van Juda, volgens hulle leërafdelings, is 186 400. Hulle moet eerste kamp opbreek.

Numeri 26:51

Dit was die getal van die wat ingeskryf is van die Israeliete: 601 730.