Numeri 19:9 - Die Bybel 2020-vertaling

⁹ 'n Man wat •rein is, moet die as van die koei bymekaarmaak en dit buitekant die kamp op 'n rein plek neersit. Dit moet vir die volksvergadering van die Israeliete in bewaring gehou word as reinigingswater. Dit is 'n •reinigingsoffer.

Bybel vir almal

⁹ Iemand wat rein is, moet die koei se as bymekaarmaak en hy moet dit buite die kamp op 'n rein plek sit. Die volksvergadering van Israel moet die as gebruik wanneer hulle water wil gereedmaak wat mense rein kan laat word. Die koei is 'n sonde-offer.

Afrikaans 1933-1953

⁹ En 'n rein man moet die as van die koei bymekaarmaak en buitekant die laer op 'n rein plek neersit, en dit moet vir die vergadering van die kinders van Israel bewaar word vir die reinigingswater: dit is 'n sondoffer.

Afrikaans 1983

⁹ 'n Rein persoon moet die as van die koei bymekaarmaak en dit buitekant die kamp op 'n rein plek bêre. Die as is tot beskikking van die gemeente van Israel om in reinigingswater te gebruik. Die koei is 'n sondeoffer.

Contemporary Afrikaans Bible 2023

⁹ En 'n man wat rein is, moet die as van die vers bymekaarmaak en dit buitekant die laer op 'n rein plek neerlê, en dit moet bewaar word vir die vergadering van die kinders van Israel as 'n water van skeiding; dit is 'n reiniging vir sonde.

Die Boodskap

⁹ ’n Rein persoon moet dan die as van die koei bymekaarmaak en dit buite die kamp op ’n skoon plek gaan bêre. Die Israeliete moet hierdie as saam met die reinigingswater gebruik. Die doel van hierdie ritueel is om vir hulle sonde vergifnis te vra.

Numeri 19:9 Kruisverwysings

Levitikus 15:20

Enigiets waarop sy gedurende die tydperk van haar onreinheid lê, is onrein en enigiets waarop sy sit, is onrein.

Sagaria 13:1

“ Op daardie dag sal 'n fontein oopgemaak word waar die huis van Dawid en die inwoners van Jerusalem hulle sondes en •onreinheid kan afwas.

Numeri 19:13

Elkeen wat aan 'n dooie raak, die liggaam van 'n mens wat gesterf het, en homself nie reinig nie, verontreinig die •tabernakel van die Here. Daardie persoon sal van Israel afgesny word. Omdat die reinigingswater nie oor hom gesprinkel is nie, is hy onrein. Sy onreinheid is steeds op hom.

Numeri 19:17

Dan moet hulle vir die onrein persoon van die verbrande reinigingsoffer se as neem, en lopende water in 'n kleipot daaroor gooi.

Numeri 19:18

'n Rein persoon moet 'n marjoleintakkie neem en in die water doop. Dan moet hy dit sprinkel oor die tent en al die gebruiksvoorwerpe en ook oor die persone wat daar is – oor iemand wat aan 'n menslike been of aan 'n gesneuwelde of aan 'n dooie of aan 'n graf geraak het.

Numeri 19:3

Julle moet haar vir die priester Eleasar gee. Hy moet haar uit die kamp neem en sy moet voor hom geslag word.

Numeri 19:8

Die een wat haar verbrand, moet sy klere met water was en sy liggaam met water afspoel. Hy is tot die aand onrein.

Numeri 6:12

en die tydperk van sy toewyding opnuut aan die Here opdra. Hy moet 'n jaaroud ramlam as •hersteloffer na die priester bring. Die aanvanklike tydperk verval omdat sy toewyding •onrein geword het.

Numeri 8:7

So moet jy met hulle maak om hulle te reinig: Sprinkel reinigingswater op hulle. Hulle moet hulle hele liggaam skoon skeer en hulle klere was en hulleself so reinig.

Numeri 9:13

Iemand wat egter rein is, nie op reis is nie, en nalaat om die Pasga te vier – daardie persoon sal van sy mense afgesny word, omdat hy die offer van die Here nie op die vasgestelde tyd gebring het nie. Sy sonde sal hy moet dra.

2 Korinthiërs 5:21

Hy wat nie sonde geken het nie, Hom het God ter wille van ons tot sonde gemaak, sodat ons in Hom voor God geregverdig kon word.

2 Korinthiërs 7:1

Aangesien ons hierdie beloftes het, geliefdes, laat ons ons reinig van alle besoedeling van liggaam en gees, terwyl ons met diep ontsag vir God ons heiligheid verwesenlik.

Hebreërs 7:26

So 'n hoëpriester was ook vir ons gepas: een wat heilig, onskuldig, onbevlek, afgesonder van die sondaars, en hoër as die hemele verhef is,

Hebreërs 9:13

Want as die bloed van bokramme en bulle, en die as van 'n jong vers, die verontreinigdes deur besprinkeling wy, met die oog op die reiniging van die liggaam,