Numeri 18:9 - Die Bybel 2020-vertaling

⁹ Die volgende van die •besonder heilige gawes, dit wat nie verbrand word nie, is wat jou toekom: al hulle offers – al hulle •graanoffers, al hulle •reinigingsoffers en al hulle •hersteloffers wat hulle vir My bring. Die besonder heilige gawes kom jou en jou seuns toe.

Bybel vir almal

⁹ Jy moet die deel van die hoog-gewyde offers kry wat julle nie verbrand nie, dit is al die koring-offers, al die sonde-offers, al die skuld-offers. Dit is al die hoog-gewyde offers wat die Israeliete vir My bring. Jy en jou seuns moet dit kry.

Afrikaans 1933-1953

⁹ Van die hoogheilige gawes, met uitsondering van wat verbrand word, moet dít joue wees: al hulle offers, naamlik elke spysoffer en elke sondoffer en elke skuldoffer van hulle, wat hulle My bring — as iets hoogheiligs moet dit vir jou en jou seuns wees.

Afrikaans 1983

⁹ Die deel van die besondere gewyde gawes wat nie verbrand word nie, kom jou toe. Dit geld van al die offergawes wat die Israeliete vir My bring as besondere gewyde gawes, of dit graanoffers, sondeoffers of skuldoffers is. Dit behoort aan jou en jou seuns.

Contemporary Afrikaans Bible 2023

⁹ Dit sal joue wees van die allerheiligste dinge wat van die vuur bewaar word: al hulle spysoffer, al hulle spysoffer en al hulle sondoffers en al hulle skuldoffers wat hulle aan My moet gee, sal die hoogste wees en heilig vir jou en vir jou seuns.

Die Boodskap

⁹ Selfs daardie dele van die spesiale offers wat nie heeltemal verbrand word nie, behoort aan jou en jou seuns. Dit sluit elkeen van die volgende soorte offers in: graanoffers, sondeoffers en skuldoffers.

Numeri 18:9 Kruisverwysings

2 Konings 12:17

In dié tyd het Gasael, die koning van Aram, opgetrek, teen Gat oorlog gevoer en dit ingeneem. Toe Gasael hom voorberei om teen Jerusalem op te trek,

Nehemia 10:36

en, soos geskryf staan in die Wet, om die eersgeborenes van ons seuns en ons vee, die eersgeborenes van ons beeste en ons kleinvee, te bring na die huis van ons God, vir die priesters wat diens doen in die huis van ons God;

Esegiël 42:13

Die man het vir my gesê: “Die vertrekke aan die noordekant en die vertrekke aan die suidekant, wat langs die ruimte met beperkte toegang lê, is heilige vertrekke, waar die priesters wat na die Here mag nader kom, die •besonder heilige gawes moet eet. Daar moet hulle die besonder heilige gawes neersit – die •graanoffers, •reinigingsoffers en •hersteloffers – want die plek is heilig.

Esegiël 44:29

Die •graanoffers, reinigingsoffers en •hersteloffers – net hulle mag dit eet. Alles wat in Israel onder die ban is, sal hulle s'n wees.

Levitikus 10:17

“ Waarom het julle nie die •reinigingsoffer op 'n heilige plek geëet nie? Dit is tog besonder heilig! Dit is aan julle gegee om die skuld van die volksvergadering weg te neem deur vir hulle voor die Here versoening te doen.

Levitikus 14:13

Die man moet die jong ram keelaf sny waar die •reinigingsoffer en die •brandoffer keelaf gesny word, op 'n heilige plek, want soos die reinigingsoffer, kom die hersteloffer die priester toe. Dit is besonder heilig.

Levitikus 2:10

Wat oorbly van die graanoffer, kom Aäron en sy seuns toe. Dit is 'n besonder heilige deel van die offergawes aan die Here.

Levitikus 22:11

Maar wanneer 'n priester met sy geld iemand as sy besitting koop, mag so iemand daarvan eet; en slawe wat in sy huis gebore is, hulle mag ook van sy brood eet.

Levitikus 22:7

en die son ondergegaan het, is hy rein. Daarna mag hy van die heilige gawes eet, want dit is sy brood.

Levitikus 4:22

“ ‘ Wanneer 'n leier gesondig het en onopsetlik gedoen het wat een van die gebooie van die Here sy God sê nié gedoen mag word nie, is hy skuldig.

Levitikus 4:27

“ ‘ As iemand uit die volk van die land onopsetlik sondig deur te doen wat een van die gebooie van die Here sê nié gedoen mag word nie, is hy skuldig.

Levitikus 5:1

“ ‘ Wanneer iemand sondig omdat hy gehoor het 'n openbare vervloeking is uitgespreek teen getuies wat swyg oor 'n misdaad waaroor hy kan getuig omdat hy dit gesien het of daarvan weet, maar hy verswyg dit, en daarom skuld dra;

Levitikus 5:6

“ ‘ Hy moet dan as boetedoening vir die Here 'n ooi uit die kleinvee bring, 'n skaap of 'n bok as •reinigingsoffer vir die sonde wat hy gedoen het. Die priester sal vir hom versoening doen vir sy sonde.

Levitikus 6:17

Dit mag nie met suurdeeg gebak word nie. Ek het dit gegee as hulle deel van die offergawes aan My. Dit is 'n besonder heilige gawe, soos die •reinigingsoffer en die hersteloffer.

Levitikus 6:19

Die Here het met Moses gepraat en gesê:

Levitikus 6:30

Maar geen reinigingsoffer mag geëet word as van die bloed daarvan in die Tent van Ontmoeting ingeneem word om in die heiligdom versoening te doen nie. Dit moet met vuur verbrand word.

Levitikus 7:1

“ ‘ Dit is die voorskrifte vir die •hersteloffer: Dit is besonder heilig.

Levitikus 7:6

Enige manlike persoon uit die priesterfamilie mag daarvan eet. Op 'n heilige plek moet dit geëet word. Dit is besonder heilig.

Levitikus 7:7

“ ‘ By die hersteloffer geld dieselfde voorskrifte as by die •reinigingsoffer: Dit kom die priester toe wat die versoening daarmee doen.

Numeri 18:10

Op 'n besonder heilige plek moet jy dit eet. Elke manspersoon mag dit eet. Dit moet vir jou iets heiligs wees.

Deuteronomium 18:1

‘‘ Die Levitiese priesters, die hele stam van Levi, sal nie 'n aandeel of erfenis hê saam met Israel nie. Van die besondere gawes aan die Here en van wat aan Hom behoort, moet hulle leef.