Numeri 17:8 - Die Bybel 2020-vertaling

⁸ Die volgende dag toe Moses in die tent met die Getuienis kom, het die staf van Aäron, vir die huis van Levi, begin bot! Dit het bloeisels laat uitspruit, blomme gedra en ryp amandels voortgebring.

Bybel vir almal

⁸ Toe Moses die volgende dag in die tent kom, was daar takkies en blare aan Aäron se kierie. Daar het blomme uitgekom, en die kierie het ryp amandels gedra.

Afrikaans 1933-1953

⁸ En toe Moses die volgende dag in die tent van die Getuienis ingaan, kyk, daar het die staf van Aäron, vir die huis van Levi, gebloei: dit het bloeisels laat uitspruit en blomme laat oopgaan en amandels laat ryp word!

Afrikaans 1983

⁸ Toe Moses die volgende môre by die tent met die getuienis kom, was daar botsels aan die kierie van Aäron, wat daar was vir die stam Levi. Trouens, daar was nie net botsels aan nie, daar was ook bloeisels en dit het selfs ryp amandels gedra.

Contemporary Afrikaans Bible 2023

⁸ En dit het gebeur dat Moses die volgende dag in die tent van die Getuienis ingegaan het; en kyk, die staf van Aäron vir die huis van Levi het gebloei, en dit het knoppe voortgebring en bloeisels laat bloei en amandels opgelewer.

Die Boodskap

⁸ Die volgende môre toe Moses by die tent ingaan, sien hy dat Aäron se kierie, wat die stam van Levi verteenwoordig, vol nuwe uitgroeisels was. Om die waarheid te sê, daar was nie net nuwe uitgroeisels aan die kierie nie, maar ook bloeisels en selfs ryp amandels.

Numeri 17:8 Kruisverwysings

Genesis 40:10

Aan die wingerdstok was daar drie lote. Die wingerd het net gebot, toe ontwikkel die bloeisels al en word die klein trossies ryp druiwe.

Psalms 110:2

Uit Sion stuur die Here jou magtige septer: “Heers te midde van jou vyande!

Hooglied 2:3

Soos 'n appelboom tussen die bome van die bos, so is my liefste onder die jong mans. Ek sit graag in sy skaduwee, sy vrugte soet op my tong.

Jesaja 4:2

Op daardie dag sal die loot van die Here pragtig en luisterryk wees; en die opbrengs van die land sal die trots en roem wees van dié Israeliete wat ontkom het.

Esegiël 17:24

Dan sal al die bome in die veld besef dat Ek, die Here, die hoë boom laag maak, en die lae boom hoog. Ek laat groen bome verdroog en Ek laat droë bome bloei. Ek, die Here, het gepraat, en Ek sal dit doen.” ’ ”

Esegiël 19:12

“ ‘ Maar dit is in woede uitgeruk, op die grond neergegooi. Die oostewind het sy vrugte laat verdor; sy sterk stamme is afgeskeur en het verdroog, vuur het dit verteer.

Esegiël 19:14

Vuur het uit die stam met sy ranke versprei; dit het sy vrugte verteer. Aan die wingerdstok is nie meer 'n sterk stam, 'n septer om te heers nie.’ “Dit is 'n treurlied; dit moet dien as 'n treurlied.”

Numeri 16:5

Hy het met Korag en sy hele bende gepraat en gesê: “Môreoggend sal die Here bekend maak wie aan Hom behoort en wie heilig is; Hy sal daardie persoon na Hom laat nader kom. Die een wat Hy kies, sal Hy na Hom laat naderk om.

Numeri 17:5

En die man wat ek kies, sy staf sal bot. Ek wil ontslae raak van die gekerm van die Israeliete, wat voortdurend teen julle mor.”

Numeri 17:9

Moses het toe al die stawwe wat voor die Here was, na al die Israeliete toe uitgebring. Hulle het dit gesien en elkeen het sy staf geneem.

Hebreërs 9:4

dit het die goue altaar vir die reukwerk bevat en die •verbondsark, wat aan alle kante met goud oorgetrek was. Daarbinne was die goue kruik met manna, en die staf van Aäron wat gebot het, asook die tafels van die verbond;