Numeri 15:39 - Die Bybel 2020-vertaling

³⁹ Dit sal julle kenmerkende tossels wees en wanneer julle dit sien, sal julle dink aan al die gebooie van die Here en dit uitvoer. Julle sal nie julle harte en oë volg, waardeur julle verlei word nie.

Bybel vir almal

³⁹ Julle moet die tossels hê, want wanneer julle die tossels sien, dan sal julle alles onthou wat Ek gesê het en julle sal dit doen. Dan sal julle nie doen wat julle self graag wil doen nie en julle sal nie ontrou word aan My nie.

Afrikaans 1933-1953

³⁹ En dit sal julle as klossies dien: as julle dit sien, moet julle aan al die gebooie van die Here dink, dat julle dit doen en nie jul hart en jul oë navolg waar julle agter aan hoereer nie,

Afrikaans 1983

³⁹ As julle die klossies sien, moet julle dink aan al my gebooie sodat julle dit onderhou en nie die sondige begeertes van julle hart en oë navolg nie.

Contemporary Afrikaans Bible 2023

³⁹ En dit moet vir julle as 'n kuif wees, dat julle dit kan aanskou en aan al die gebooie van die HERE dink en dit doen; en dat julle nie julle eie hart en julle eie oë soek nie, waarna julle gehoereer het.

Die Boodskap

³⁹ Hierdie tosseltjies moet julle aan al die Here se opdragte herinner. Elke keer as julle dit sien, sal julle aan My en my voorskrifte dink. Dan sal julle nie in die versoeking kom om My te verlaat en agter julle eie begeertes aan te loop nie.

Numeri 15:39 Kruisverwysings

1 Konings 12:33

Hy het op die altaar geklim wat hy in Bet-El opgerig het op die vyftiende dag van die agtste maand, in die maand wat hy in sy eie hart versin het. Ja, hy het 'n fees ingestel vir die Israeliete en op die altaar geklim om 'n offer te verbrand.

Job 31:7

As my voetstappe sou afwyk van die pad, as my hart my oë gevolg het, en daar aan my handpalms 'n smet gekleef het,

Psalms 106:39

Hulle het •onrein geword deur daardie gebruike; hulle het troubreuk gepleeg deur hulle dade.

Psalms 73:27

Want kyk, dié wat ver van U af is, gaan ten gronde; U vernietig dié wat aan U ontrou is.

Eksodus 13:9

Dit sal vir jou dien as 'n teken op jou hand en as 'n herinneringsteken op jou voorkop, sodat die wet van die Here op jou lippe sal wees. Want met 'n sterk hand het die Here jou uit Egipte uitgelei.

Spreuke 28:26

Wie op sy eie hart vertrou, hy is 'n dwaas; maar wie met wysheid leef, hy kom vry.

Spreuke 3:1

My seun, my onderrig moet jy nie vergeet nie, en my gebooie – jou hart moet daarby hou;

Prediker 11:9

Verheug jou, jong man, in jou jeug; jou hart moet jou vrolik maak in jou jong dae. Volg die paaie van jou hart en waarheen jou oë jou lei; maar weet: Oor al hierdie dinge sal God jou voor die gereg bring.

Jeremia 9:14

maar agter die verstoktheid van hulle eie harte en agter die Baäls aangeloop het, soos hulle voorouers hulle geleer het.”

Esegiël 6:9

Dié van julle wat ontkom, sal aan My dink onder die nasies waarheen hulle in gevangenskap weggevoer is, en onthou dat Ek gebroke was deur hulle owerspelige harte wat van My afgewyk het, en hulle oë wat agter die afgodsbeelde aan gehoereer het. Hulle sal walg van hulleself oor die gruwels wat hulle aangerig het; hulle sal walg van al hulle afstootlike dade,

Hosea 2:2

anders sal Ek haar kaal uittrek, en haar laat soos op haar geboortedag. Ek sal haar soos 'n woestyn maak, haar as 'n dor land laat lê en haar van dors laat sterf.

Deuteronomium 29:19

Iemand sou homself in sy gedagtes as geseënd kon beskou by die aanhoor van die woorde van hierdie vervloeking en dink, dit sal met my goed gaan, al hou ek vol met my verstoktheid van hart. Sodat dit wat natgemaak is, nie saam met wat droog is, wegkwyn nie,

Deuteronomium 4:23

Wees dus versigtig, sodat julle nie die verbond van die Here julle God vergeet wat Hy met julle gesluit het nie. Moenie vir julle gesnede beelde, die afbeelding van enigiets wat die Here julle God julle verbied het, maak nie,

Deuteronomium 6:12

moet jy oppas dat jy nie die Here vergeet wat jou uit Egipteland, uit 'n plek van slawerny, uitgelei het nie.

Deuteronomium 8:11

“ Wees versigtig dat jy nie die Here jou God vergeet deur nie sy gebooie, sy beslissings en vaste voorskrifte wat ek vandag vir jou voorskryf, na te kom nie.

Deuteronomium 8:14

dat jou hart dan nie hoogmoedig raak en jy die Here jou God vergeet wat jou uit Egipteland, uit 'n plek van slawerny, uitgelei het nie.

Jakobus 4:4

Egbreeksters! Weet julle dan nie dat vriendskap met die wêreld vyandskap teen God beteken nie? Wie ook al 'n vriend van die wêreld wil wees, maak homself 'n vyand van God.