Numeri 15:28 - Die Bybel 2020-vertaling

²⁸ Die priester moet vir die persoon wat onopsetlik 'n oortreding begaan het, voor die Here versoening doen oor sy onopsetlike sonde. Hy moet vir hom versoening doen en dan sal dit hom vergewe word.

Bybel vir almal

²⁸ Die priester doen dan versoening vir die persoon wat die fout gemaak het. Die persoon het 'n fout gemaak en hy het sonde gedoen teen My, en die priester moet versoening doen vir hom, sodat Ek hom kan vergewe.

Afrikaans 1933-1953

²⁸ En die priester moet versoening doen vir die siel wat hom misgaan het, weens sy sonde in swakheid voor die aangesig van die Here begaan, om vir hom versoening te doen; en dit sal hom vergewe word.

Afrikaans 1983

²⁸ Die priester moet vir die persoon wat onopsetlik gesondig het, voor My versoening doen, en as die versoening vir hom gedoen is, sal die sonde hom vergewe word.

Contemporary Afrikaans Bible 2023

²⁸ En die priester moet versoening doen vir die siel wat in onwetendheid sondig, as hy in onwetendheid sondig voor die aangesig van die HERE, om vir hom versoening te doen; en dit sal hom vergewe word.

Die Boodskap

²⁸ Die priester moet namens die persoon vir die Here om verskoning vra, waarna die Here die persoon sal vergewe.

Numeri 15:28 Kruisverwysings

Levitikus 14:18

Die res van die olyfolie in die priester se handpalm moet hy aan die persoon wat hom wil laat reinig, se kop smeer en sodoende vir hom versoening doen voor die Here.

Levitikus 4:2

“ Sê vir die Israeliete, ‘Iemand sondig dalk onopsetlik teen een van al die Here se gebooie en doen iets wat nie gedoen mag word nie.

Levitikus 4:20

Hy moet met die bul maak soos hy met die bul van die reinigingsoffer gemaak het. So sal die priester oor hulle versoening doen en sal hulle vergewe word.

Levitikus 4:35

Al die vet moet hy verwyder, soos hy die vet van die skaap vir die maaltydoffer verwyder het. Die priester moet dit op die altaar verbrand saam met die ander offergawes vir die Here. So sal die priester vir die persoon versoening doen vir die sonde wat hy gedoen het en sal hy vergewe word.

Numeri 15:29

Die gebore Israeliete onder julle en die vreemdelinge wat tussen julle tydelike verblyf het – dieselfde wet geld vir julle almal, vir elkeen wat 'n onopsetlike oortreding begaan.