Nehemia 9:17 - Die Bybel 2020-vertaling

¹⁷ Hulle het geweier om te luister; hulle het nie u wonderdade onthou wat U aan hulle gedoen het nie. Hulle het hulle nekke styf gemaak en was vasbeslote om terug te keer na hulle slawerny in Egipte. Maar U is 'n God wat vergewe, U is genadig en barmhartig, geduldig, vol troue liefde; U het hulle nie verlaat nie.

Bybel vir almal

¹⁷ Hulle was ongehoorsaam, hulle het nie die wonderwerke onthou wat U gedoen het nie. Hulle was hardkoppig, hulle was opstandig, hulle wou teruggaan om weer slawe te wees. “Maar U is God, U vergewe mense se sondes, U is genadig, U is goed vir mense wat swaarkry, U is geduldig, U doen altyd wat U belowe het. U het hulle nie gelos nie.

Afrikaans 1933-1953

¹⁷ ja, hulle het geweier om te luister en nie gedink aan u wonders wat U by hulle gedoen het nie; maar hulle het hul nek verhard en in hul wederstrewigheid 'n hoof aangestel om terug te gaan na hulle slawerny. Maar U is 'n God van vergewing, genadig en barmhartig, lankmoedig en groot van goedertierenheid, en U het hulle nie verlaat nie.

Afrikaans 1983

¹⁷ Hulle het geweier om te luister, hulle het nie die wonderdade onthou wat U vir hulle gedoen het nie. Hulle koppe was hard, hulle het in verset gekom en wou in hulle koppigheid terug na hulle slawerny. Maar U is 'n God wat vergewe, genadig, barmhartig, lankmoedig, vol liefde. U het hulle nie verlaat nie.

Contemporary Afrikaans Bible 2023

¹⁷ En hy het geweier om te gehoorsaam, en het nie gedink aan u wonders wat U onder hulle gedoen het nie; maar U het hulle nekke verhard en in hulle opstand 'n owerste aangestel om na hulle slawerny terug te keer; maar U is 'n vergewensgesinde God, genadig en barmhartig, lankmoedig en groot goedertierenheid, en U het hulle nie verlaat nie.

Die Boodskap

¹⁷ Hulle wou nie luister nie. Hulle het vergeet van al die wonderwerke wat U langs die pad gedoen het. Hulle was vasbeslote om terug te gaan Egipte toe om weer slawe te wees. Maar, God, U is bereid om te vergewe. U is vol goedheid en ontferming, U tree met deernis en liefde op. Daarom het U hulle nie aan hulle eie lot oorgelaat nie.

Nehemia 9:17 Kruisverwysings

1 Konings 6:13

Ek sal tussen die Israeliete vertoef en my volk Israel nie verlaat nie.”

1 Konings 8:57

Mag die Here ons God met ons wees, soos Hy met ons voorouers was. Mag Hy ons nie verlaat nie, ons nie in die steek laat nie,

2 Kronieke 36:13

Selfs teen koning Nebukadnesar, wat hom by God 'n eed laat aflê het, het hy in opstand gekom. Hy was hardnekkig en het sy hart verhard, en nie na die Here, die God van Israel, teruggekeer nie.

Esra 9:9

Ons is inderdaad slawe, maar in ons slawerny het ons God ons nie verlaat nie. Hy het sy troue liefde oor ons uitgestrek voor die konings van Persië om aan ons nuwe lewe te gee, om die huis van ons God weer op te rig en die ruïnes daarvan te herstel en vir ons 'n skans in Juda en Jerusalem te gee.

Nehemia 9:31

In u groot ontferming het U hulle egter nie heeltemal vernietig nie; U het hulle nie in die steek gelaat nie. Ja, U is 'n genadige en barmhartige God.

Psalms 106:13

Maar gou het hulle sy dade vergeet; hulle het nie sy raad afgewag nie.

Psalms 106:7

Ons voorouers het in Egipte u wonders nie begryp nie, en u oorvloedige troue liefde nie onthou nie, maar in opstand gekom by die see, by die Rietsee.

Psalms 130:4

Maar by U is daar vergifnis, sodat U ontsag afdwing.

Psalms 78:10

Hulle het nie God se verbond nagekom nie; en sy wet het hulle geweier om te volg.

Psalms 78:11

Hulle het sy dade vergeet, sy wonders wat Hy hulle laat sien het.

Psalms 78:38

Maar Hy is barmhartig; Hy bedek hulle sondeskuld; Hy delg hulle nie uit nie. Hy hou dikwels sy toorn terug en laat nie sy woede ten volle ontwaak nie.

Psalms 86:15

Maar U, my Heer, U is 'n barmhartige en genadige God, geduldig, oorvloedig in troue liefde en waarheid.

Psalms 86:5

U, my Heer, is immers goed en vergewensgesind, en oorvloedig in troue liefde teenoor almal wat na U roep.

Eksodus 32:9

Die Here het ook vir Moses gesê: “Ek het hierdie volk deurgekyk – hulle is inderdaad 'n hardnekkige volk.

Spreuke 1:24

Omdat ek geroep, maar julle geweier het, ek my hand uitgesteek, maar julle geen aandag gegee het nie,

Jeremia 18:15

Tog het my volk My vergeet en vir nuttelose afgode offers verbrand. Dié het hulle laat struikel op hulle paaie, op die ou roetes, sodat hulle op weë gegaan het wat nie opgevul is nie,

Jeremia 19:15

“So sê die Here, Heerser oor alle magte, die God van Israel, ‘Kyk, Ek gaan oor hierdie stad en al haar dorpies al die onheil bring wat Ek oor haar uitgespreek het, want hulle was hardnekkig deur nie na my woorde te luister nie. ’ ”

Jeremia 7:26

Maar hierdie volk het nie na My geluister nie, nie hulle ore oopgemaak nie. Hulle was hardnekkig en het hulle nog slegter gedra as hulle voorouers.

Esegiël 5:6

Maar sy het in opstand gekom teen my bepalings, en teen my vaste voorskrifte, om sodoende meer goddeloos te wees as die nasies, as die lande wat rondom haar is. Ja, haar inwoners het my bepalings verwerp, en my vaste voorskrifte het hulle nie gevolg nie.

Daniël 9:9

by my Heer, ons God, is daar ontferming en vergifnis. Omdat ons teen Hom in opstand was

Joël 2:13

Skeur julle harte, en nie julle klere nie, draai om na die Here julle God; want Hy is genadig en barmhartig, geduldig en oorvloedig in troue liefde, Hy het berou oor die onheil wat Hy bring.

Levitikus 26:44

“ ‘Maar selfs dan, wanneer hulle in die land van hulle vyande is, sal Ek hulle nie verwerp nie. Ek sal nie so 'n afkeer van hulle hê dat Ek hulle sal uitwis en my verbond met hulle sal verbreek nie. Ek, die Here, is immers hulle God.

Nahum 1:3

Die Here is geduldig, maar geweldig sterk. Die Here laat beslis niks ongestraf nie. Deur donderstorm en orkaan loop sy pad, wolke is die stof van sy voete.

Numeri 14:11

Die Here het vir Moses gesê: “Hoe lank gaan hierdie volk My nog minag? Hoe lank gaan hulle My nie vertrou nie, ten spyte van al die tekens wat Ek onder hulle gedoen het?

Numeri 14:41

Maar Moses het geantwoord: “Waarom nou skielik? Julle oortree die bevel van die Here. Dit sal nie slaag nie.

Numeri 16:14

Daarby het jy ons nie na 'n land gebring wat oorloop van melk en heuning nie, en jy het nie vir ons 'n erfdeel van lande en wingerde gegee nie. Wil jy hierdie manne se oë verblind? Ons sal nie gaan nie!”

Handelinge 7:39

Dit is aan hom wat ons vaders nie gehoorsaam wou wees nie. Hulle het hom verwerp en in hulle harte na Egipte teruggedraai

Romeine 9:15

Vir Moses sê Hy tog: “Ek sal My ontferm oor wie ook al Ek My wil ontferm, en Ek sal barmhartig wees teenoor wie ook al Ek barmhartig wil wees.”

Hebreërs 12:25

Sien toe dat julle Hom wat praat, nie verontagsaam nie; want as hulle nie ontvlug het toe hulle Hom, wat hulle op aarde gewaarsku het, verontagsaam het nie, soveel te meer ons, as ons die rug draai op Hom wat ons van die hemele af waarsku!

1 Samuel 12:22

Want die Here sal sy volk nie in die steek laat nie, ter wille van sy groot Naam. Die Here het immers besluit om julle sy volk te maak.