Nehemia 4:15 - Die Bybel 2020-vertaling

¹⁵ Ons vyande het gehoor dat hulle plan aan ons bekend is. God het hulle plan verydel, en ons kon almal teruggaan na die muur, elkeen na sy werk.

Bybel vir almal

¹⁵ Ons vyande het gehoor dat ons weet van hulle planne en dat ons weet dat God hulle planne laat misluk het. Ons het toe almal teruggegaan na die muur, elkeen het sy werk daar gaan doen.

Afrikaans 1933-1953

¹⁵ En toe ons vyande hoor dat dit aan ons bekend geword het, en God hulle plan verydel het, het ons almal teruggegaan na die muur, elkeen na sy werk.

Afrikaans 1983

¹⁵ Ons vyande het gehoor dat ons van hulle planne weet en dat God dit verydel het, en ons kon almal teruggaan muur toe, elkeen na sy werk toe.

Contemporary Afrikaans Bible 2023

¹⁵ En dit het gebeur, toe ons vyande hoor dat dit aan ons bekend was, en God hulle raad tot niet gemaak het, het ons almal teruggekeer na die muur, elkeen na sy werk.

Die Boodskap

¹⁵ Toe ons vyande agterkom dat ons weet van hulle planne om ons aan te val, het hulle besef dat God dit in die wiele gery het. Daarna kon ons voortgaan met ons werk aan die muur.

Nehemia 4:15 Kruisverwysings

2 Samuel 15:31

Dawid is meegedeel: “Agitofel is onder die samesweerders by Absalom.” Daarop sê Dawid: “Laat Agitofel se raad tog dwaasheid wees, Here.”

2 Samuel 17:14

Absalom en al die manne van Israel sê toe: “Die raad van Gusai, die man uit Ereg, is beter as die raad van Agitofel.” Die Here het besluit om Agitofel se goeie raad te dwarsboom, sodat die Here 'n ramp oor Absalom kon bring.

Nehemia 4:16

Van daardie dag af het die helfte van my jong manne met die werk aangegaan, en die ander helfte het die steekspiese, kleinskilde, boë en harnasse gereed gehou. Die bevelvoerders was opgestel agter die hele huis van Juda

Spreuke 21:30

Geen wysheid, geen verstandigheid, ja, geen raad hou stand teen die Here nie.

Jesaja 44:25

wat die voortekens van orakelpriesters verydel, wat van voorspellers gekke maak, wat wyses laat terugdeins en hulle kennis belaglik maak,

Jesaja 8:10

Beraam 'n plan, en dit word verydel! Bespreek die saak, en daar kom niks van nie; want God is met ons!”

Markus 13:34

“ Dit is soos 'n man wat op reis is en sy huis agterlaat en die beheer oordra aan sy slawe, elkeen met sy eie taak, en die deurwag beveel om waaksaam te bly.

Romeine 12:11

Moenie traag wees in julle toewyding nie; bly geesdriftig; hou vol om die Here te dien.

1 Thessalonisense 4:11

en dit vir julle 'n saak van eer te maak om rustig te wees, julle met julle eie sake te bemoei, en met julle eie hande te werk, soos ons julle opdrag gegee het.