Nehemia 12:44 - Die Bybel 2020-vertaling

⁴⁴ Op dieselfde dag is manne as opsigters aangestel by die vertrekke wat as stoorkamers vir die •wydingsgeskenke, die eerste opbrengs en die tiendes moes dien, om daarin die rantsoen wat die priesters en die Leviete volgens wet moes kry uit die landerye rondom die dorpe, byeen te bring. Juda was immers verheug oor die priesters en oor die Leviete wat diens gedoen het.

Bybel vir almal

⁴⁴ Hulle het daardie dag manne gekies en aangestel om die stoorkamers op te pas, die kamers waar hulle die presente gebêre het en ook die eerste koring en gars en vrugte, en die tiendes. Hulle moes in die stoorkamers die deel van die dinge bêre wat in die grond rondom die stede gegroei het en wat die priesters en Leviete moes kry. Die wette sê die priesters en die Leviete moet dit kry. Die mense van Juda het dit graag gegee vir die werk wat die priesters en Leviete gedoen het.

Afrikaans 1933-1953

⁴⁴ EN op dié dag is manne aangestel oor die kamers vir die voorrade, die offergawes, die eerstelinge en die tiendes, om daarin die wetlike aandele volgens die landerye van die stede vir die priesters en die Leviete te versamel; want Juda was bly oor die priesters en die Leviete wat in die diens gestaan het.

Afrikaans 1983

⁴⁴ Daardie dag is daar ook manne aangestel oor die voorraadkamers vir die offergawes, die eerstelinge en die tiendes, sodat daarin die deel opgeberg kon word wat volgens wet die priesters en die Leviete uit die boerderygebiede van die stede toekom. Die priesters en die Leviete wat diens gedoen het, het voordeel getrek uit die blydskap van Juda.

Contemporary Afrikaans Bible 2023

⁴⁴ En in dié tyd is sommige oor die kamers aangestel vir die skatte, vir die offergawes, vir die eerstelinge en vir die tiendes, om uit die veld van die stede die dele van die wet vir die priesters en Leviete daarin in te samel; Juda was bly vir die priesters en vir die Leviete wat gewag het.

Die Boodskap

⁴⁴ Op daardie dag het hulle ook mense aangestel om in beheer te wees van die store waarin die bydraes vir die tempel gebêre is. Dit het die eerste offers van die oes en die tiendes ingesluit. Hierdie mense was verantwoordelik daarvoor om hierdie offers op die plase buitekant die stede te gaan haal sodat die priesters en die Leviete daarvan kon leef, soos die Here dit voorgeskryf het. Die mense het dit met vrymoedigheid gegee, want hulle was baie bly dat die priesters en die Leviete weer hulle werk kon doen.

Nehemia 12:44 Kruisverwysings

1 Kronieke 23:28

Hulle plek was immers langs die nageslag van Aäron vir dienswerk in die huis van die Here, om te sorg vir die voorhowe en vertrekke, die reiniging van elke heilige voorwerp, as dienswerk in die huis van God,

1 Kronieke 26:20

Verder, wat die Leviete betref, hulle familielede moes toesig hou oor die skatte van die huis van God. Vir die gewyde skatte

1 Kronieke 9:26

Omdat hulle in 'n vertrouensposisie was, die vier vernaamste poortwagte, was hulle Leviete. Hulle moes toesig hou oor die vertrekke, en die skatte in die huis van God.

Nehemia 10:36

en, soos geskryf staan in die Wet, om die eersgeborenes van ons seuns en ons vee, die eersgeborenes van ons beeste en ons kleinvee, te bring na die huis van ons God, vir die priesters wat diens doen in die huis van ons God;

Spreuke 8:34

Gelukkig is die mens wat na my luister deur dag ná dag by my deure te waak, by die kosyne van my ingange wag te hou.

Jesaja 40:31

Maar wie op die Here wag, herwin hulle krag; hulle kry nuwe vere soos arende. Hulle hardloop, maar raak nie afgemat nie, hulle loop, maar word nie moeg nie.

Numeri 3:10

Net aan Aäron en sy seuns moet jy dit opdra om die priesterdiens waar te neem. 'n Onbevoegde persoon wat daar indring, moet doodgemaak word.”

Romeine 12:7

as dit is om ander te dien, gebruik dit dan vir dienswerk. Wie onderrig kan gee, moet onderrig;

Deuteronomium 18:8

dan moet hy 'n gelyke aandeel kry om van te leef, ongeag wat die verkoop van sy familiebesit opgelewer het. ”