Matteus 20:3 - Die Bybel 2020-vertaling

³ Teen die derde uur het hy uitgegaan en ander op die markplein gesien wat ledig staan,

Bybel vir almal

³ Omtrent nege-uur het hy weer na die mark gegaan en hy het daar nog ander werkers sien staan wat nie gewerk het nie.

Afrikaans 1933-1953

³ En omtrent die derde uur gaan hy uit en sien ander ledig op die mark staan.

Afrikaans 1983

³ Teen nege-uur gaan hy weer uit en sien ander werkloos op die mark rondstaan,

Contemporary Afrikaans Bible 2023

³ En hy het omtrent die derde uur uitgegaan en ander ledig op die mark sien staan,

Die Boodskap

³ “So teen nege-uur die oggend het die boer weer ’n draai daar by die markplein gemaak. Hy sien toe nog ’n paar werkloses daar rondstaan.

Matteus 20:3 Kruisverwysings

Spreuke 19:15

Luiheid laat iemand wegsink in diepe slaap, en 'n trae persoon ly honger.

Esegiël 16:49

Kyk, dít was die sondeskuld van jou suster Sodom – hoogmoed, 'n oormaat kos en sorgelose rustigheid was haar en haar dogters se deel, maar hulle het die hand van magteloses en behoeftiges nie versterk nie.

Matteus 20:2

Nadat hy met die arbeiders op 'n denarius per dag ooreengekom het, het hy hulle na sy wingerd gestuur.

Matteus 20:4

en vir hulle gesê, ‘Gaan julle ook na die wingerd, en ek sal julle 'n billike loon betaal.’

Markus 15:25

Dit was die derde uur toe hulle Hom gekruisig het.

Handelinge 16:19

Toe haar eienaars merk dat hulle hoop op 'n inkomste daarmee heen was, het hulle Paulus en Silas gegryp en hulle na die markplein gesleep tot voor die owerhede;

Handelinge 2:15

Hierdie mense is nie dronk soos julle dink nie; dit is immers nog net die derde uur van die dag.

1 Timoteus 5:13

Boonop kom hulle in die gewoonte om ledig te wees terwyl hulle so van huis tot huis kuier, en is hulle nie net ledig nie, maar hulle skinder, en is bemoeisiek, en praat oor onvanpaste sake.

Hebreërs 6:12

sodat julle nie traag word nie, maar die voorbeeld volg van hulle wat deur geloof en geduld die beloftes beërf.