Matteus 1:16 - Die Bybel 2020-vertaling

¹⁶ en Jakob het Josef verwek, die man van Maria, uit wie Jesus, wat bekend staan as Christus, gebore is.

Bybel vir almal

¹⁶ Jakob was die pa van Josef, en Josef was Maria se man. Maria was die ma van Jesus. Die mense het Hom ook die Christus genoem.

Afrikaans 1933-1953

¹⁶ en Jakob die vader van Josef, die man van Maria uit wie gebore is Jesus wat Christus genoem word.

Afrikaans 1983

¹⁶ Jakob was die vader van Josef, die man van Maria uit wie gebore is Jesus wat Christus genoem word.

Contemporary Afrikaans Bible 2023

¹⁶ En Jakob was die vader van Josef, die man van Maria, uit wie gebore is Jesus, wat Christus genoem word.

Die Boodskap

¹⁶ Jakob was die pa van Josef, die man van Maria. Sy is die vrou wat Jesus in die wêreld gebring het. En Jesus is natuurlik die Messias, die Gestuurde van God.

Matteus 1:16 Kruisverwysings

Matteus 1:15

Elihud het Eleasar verwek, Eleasar het Mattan verwek, Mattan het Jakob verwek

Matteus 16:16

Simon Petrus het geantwoord: “U is die •Christus, die •Seun van die lewende God.”

Matteus 16:20

Daarop het Hy die dissipels beveel om vir niemand te vertel dat Hy die Christus is nie.

Matteus 2:13

Die sterrekenners het teruggekeer, en kyk, daar het 'n engel van die Here in 'n droom aan Josef verskyn en gesê: “Maak gereed, neem die Kindjie en sy moeder en vlug na Egipte, en bly daar tot wanneer ek jou opdrag gee; want Herodes is van plan om die Kindjie te soek en Hom dood te maak.”

Matteus 27:17

Toe die skare byeen was, het •Pilatus vir hulle gevra: “Wie wil julle hê moet ek vir julle vrylaat, Jesus Barabbas of Jesus wat as Christus bekend staan?”

Matteus 27:22

Pilatus vra hulle toe: “Wat moet ek dan maak met Jesus wat as Christus bekend staan?” Hulle roep toe almal uit: “Laat Hy gekruisig word!”

Markus 6:3

Is hy dan nie die skrynwerker, die seun van Maria en die broer van Jakobus, Joses, Judas en Simon nie? Woon sy susters dan nie hier onder ons nie?” Hulle het aan Hom aanstoot geneem.

Lukas 1:27

na 'n maagd wat verloof was aan 'n man met die naam Josef, uit die nageslag van Dawid. Die maagd se naam was Maria.

Lukas 2:48

Toe sy ouers Hom sien, was hulle baie ontsteld. Sy moeder sê toe vir Hom: “Kind, hoe kon jy so iets aan ons doen? Kyk, jou vader en ek het angstig na jou gesoek.”

Lukas 2:7

en sy het geboorte geskenk aan haar eerste kind, 'n seun. Sy het Hom in doeke toegedraai en in 'n krip neergelê, omdat daar nie vir hulle plek in die herberg was nie.

Lukas 3:23

Jesus was ongeveer dertig jaar oud toe Hy met sy werk begin het. Hy is beskou as die seun van Josef, seun van Eli,

Lukas 4:22

Almal het hulle instemming met Hom betuig, en was verwonderd oor die woorde vol genade wat uit sy mond gevloei het. En hulle het gesê: “Is Hy dan nie die seun van Josef nie?”

Johannes 4:25

Die vrou sê vir Hom: “Ek weet die Messias kom wat Christus genoem word. Wanneer Hy kom, sal Hy alles aan ons bekend maak. ”