Matteus 1:12 - Die Bybel 2020-vertaling

¹² Ná die wegvoering na Babilon het Jojagin Sealtiël verwek, Sealtiël het Serubbabel verwek,

Bybel vir almal

¹² Ná die tyd toe die mense van Juda slawe was in Babilonië, het Jojagin die pa van Sealtiël geword. Sealtiël was die pa van Serubbabel,

Afrikaans 1933-1953

¹² En ná die Babiloniese ballingskap het Jegónia die vader geword van Seáltiël, en Seáltiël was die vader van Serubbábel,

Afrikaans 1983

¹² En na die Babiloniese ballingskap was dit so: Jojagin was die vader van Sealtiël, en Sealtiël van Serubbabel;

Contemporary Afrikaans Bible 2023

¹² En nadat hulle na Babel gebring is, het Jechonia die vader van Salatiël gehad; en Salatiël was die vader van Sorobabel;

Die Boodskap

¹² God het gesorg dat die Babiloniese ballingskap nie ’n einde aan die geslagsregister van Jesus gemaak het nie. Jojagin het kort daarna ’n seun gehad met die naam Sealtiël. Sealtiël se seun was Serubbabel.

Matteus 1:12 Kruisverwysings

2 Konings 24:14

Hy het die hele Jerusalem in ballingskap weggevoer, al die hoë amptenare en al die vermoënde mense – tienduisend ballinge – ook al die vakmanne en smede. Niemand behalwe die armes uit die volk van die land het oorgebly nie.

2 Konings 25:27

In die sewe-en-dertigste jaar van die ballingskap van Jojagin, die koning van Juda, in die twaalfde maand, op die sewe-en-twintigste van die maand, het Ewil-Merodag, die koning van Babilonië, in die jaar toe hy koning geword het, Jojagin, die koning van Juda uit die gevangenis vrygelaat.

1 Kronieke 3:17

Die seuns van Jekonja, die gevangene, was sy seun, Sealtiël,

Esra 3:2

Jesua, seun van Josadak en sy medepriesters, en Serubbabel, seun van Sealtiël en sy ampsgenote, het gereedgemaak en die altaar van die God van Israel gebou om •brandoffers daarop te bring soos daar geskryf staan in die Wet van Moses, die man van God.

Esra 5:2

Serubbabel, seun van Sealtiël, en Jesua, seun van Josadak, het gereedgemaak en die bouwerk aan die huis van die God van Jerusalem hervat. Hulle is daarin ondersteun deur die profete van God.

Nehemia 12:1

Die volgende is die priesters en Leviete wat saam met Serubbabel, seun van Sealtiël, en Jesua weggetrek het uit die ballingskap: Seraja, Jeremia, Esra,

Jeremia 22:24

“ ‘ “So seker as wat Ek leef,” is die uitspraak van die Here, “al was Gonja, seun van Jojakim, koning van Juda, 'n seëlring aan my regterhand, sal Ek jou daar afruk.

Jeremia 22:28

Is hierdie man, Gonja, 'n afgekeurde stuk erdewerk wat gebreek word, of 'n houer waarvan niemand hou nie? Waarom is hy en sy nageslag weggewerp, weggeslinger na 'n land wat hulle nie ken nie?

Jeremia 22:30

So sê die Here: “Skryf hierdie man op as kinderloos, as 'n man wat nie sukses sal behaal in sy lewensdae nie; want uit sy nageslag sal niemand daarin slaag om op die troon van Dawid te sit en weer oor Juda te regeer nie.

Jeremia 27:20

wat Nebukadnesar, die koning van Babilonië, nie weggevat het toe hy Jegonja, seun van Jojakim, koning van Juda, uit Jerusalem in ballingskap weggevoer het na Babel saam met al die hoëlui van Juda en Jerusalem nie.

Haggai 1:1

In die tweede regeringsjaar van koning Darius, op die eerste dag van die sesde maand, het die woord van die Here by monde van die profeet Haggai gekom tot Serubbabel, seun van Sealtiël en •streekgoewerneur van Juda, en tot Josua, die hoëpriester en seun van Jehosadak:

Haggai 1:12

Serubbabel, seun van Sealtiël, en Josua, die hoëpriester en seun van Jehosadak, en almal wat oor was van die volk, het geluister na die stem van die Here hulle God en ag geslaan op die woorde van Haggai, die profeet, toe die Here hulle God hom gestuur het. Die volk was bang vir die Here,

Haggai 1:14

Toe het die Here Serubbabel, seun van Sealtiël en streekgoewerneur van Juda, en Josua, seun van Jehosadak en hoëpriester, en almal wat oor was van die volk, begeester. Hulle het begin om die werk aan die huis van die Here, Heerser oor alle magte, hulle God, aan te pak.

Haggai 2:2

“Sê vir Serubbabel, seun van Sealtiël en •streekgoewerneur van Juda, en vir Josua, seun van Jehosadak en hoëpriester, en vir dié wat oorgebly het van die volk,

Haggai 2:23

“ ‘Op daardie dag,’ is die uitspraak van die Here, Heerser oor alle magte, ‘sal Ek jou, my dienaar, Serubbabel, seun van Sealtiël, neem,’ is die uitspraak van die Here, ‘en Ek sal jou soos 'n seëlring maak omdat Ek jou uitverkies het.’ Dit is die uitspraak van die Here, Heerser oor alle magte.”

Matteus 1:11

en in die tyd van die wegvoering na Babilon het Josia Jojagin en sy broers verwek.

Matteus 1:13

Serubbabel het Abihud verwek, Abihud het Eljakim verwek, Eljakim het Asor verwek,

Matteus 1:17

Al die geslagte dan van Abraham tot by Dawid was veertien geslagte, en van Dawid tot by die wegvoering na Babilon veertien geslagte, en van die wegvoering na Babilon tot by die Christus veertien geslagte.

Lukas 3:27

seun van Johanan, seun van Resa, seun van Serubbabel, seun van Sealtiël, seun van Neri,