Lukas 17:34 - Die Bybel 2020-vertaling

³⁴ “Ek sê vir julle: “Daardie nag sal twee mense op een bed wees – die een sal saamgeneem en die ander agtergelaat word.

Bybel vir almal

³⁴ Ek sê vir julle, daardie nag sal twee mense op een bed slaap, en God sal die een mens kies en nie die ander een nie.

Afrikaans 1933-1953

³⁴ Ek sê vir julle: In daardie nag sal daar twee op een bed wees; die een sal aangeneem en die ander verlaat word.

Afrikaans 1983

³⁴ Ek sê vir julle: Dan sal twee mense op een bed slaap, die een sal saamgeneem en die ander een agtergelaat word.

Contemporary Afrikaans Bible 2023

³⁴ Ek sê vir julle, in daardie nag sal daar twee manne in een bed wees; die een sal geneem word, en die ander sal oorbly.

Die Boodskap

³⁴ “Wanneer die Seun terugkom, sal dit ’n dag van groot skeiding tussen mense wees. In dieselfde huis sal die ma byvoorbeeld gereed wees vir my koms, maar nie die pa nie. Ek sal haar saamvat na my splinternuwe wêreld toe en hom los.

Lukas 17:34 Kruisverwysings

Psalms 26:9

Moet my nie wegruk saam met sondaars, my lewe saam met manne wat bloed vergiet nie,

Psalms 28:3

Moet my nie wegvoer saam met goddeloses nie – mense wat onreg pleeg, wat oor vrede praat met hulle naaste terwyl daar kwaad in hulle harte is.

Jesaja 42:9

Die dinge van vroeër – kyk, dit het gebeur; en die nuwe dinge – Ek kondig dit aan, voordat dit uitspruit, laat Ek julle daarvan hoor.”

Jeremia 45:5

En jy, soek jy vir jouself groot dinge? Moet dit nie soek nie, want kyk, Ek gaan onheil bring oor alle mense,” is die uitspraak van die Here. “Maar Ek sal jou lewe vir jou gee as buit, op al die plekke waarheen jy sal gaan.” ’ ”

Matteus 24:25

Kyk, Ek het dit vooruit vir julle gesê.

Markus 13:23

Maar wees julle op julle hoede. Ek het alles vir julle vooruit gesê.

Markus 14:29

•Petrus sê daarop vir Hom: “Selfs al sal almal struikel, ek sal nie.”

Lukas 13:24

“Beywer julle om by die smal deur in te gaan, want baie, sê Ek vir julle, sal probeer om in te gaan, maar sal dit nie regkry nie.

Lukas 13:3

Beslis nie, sê Ek vir julle, maar as julle julle nie bekeer nie, sal julle almal net so omkom!

Lukas 13:5

Beslis nie, sê Ek vir julle, maar as julle julle nie bekeer nie, sal julle almal net so omkom. ”

Lukas 17:33

“ Wie probeer om sy lewe te beveilig, sal dit verloor, maar wie dit verloor, sal dit behou.

Lukas 17:35

Twee vroue sal besig wees om by dieselfde meul te maal – die een sal saamgeneem en die ander agtergelaat word.”

2 Petrus 2:9

dan weet die Here tog baie goed om daardie mense wat godvresend leef, uit versoeking te red, maar ook om die onregverdiges tot op die dag van oordeel gevange te hou, sodat hulle gestraf kan word –