Lukas 14:1 - Die Bybel 2020-vertaling

¹ Toe Hy op 'n Sabbat na die huis van een van die leiers van die •Fariseërs gegaan het vir 'n maaltyd, het hulle Hom fyn dopgehou.

Bybel vir almal

¹ Jesus het by een van die leiers van die Fariseërs gaan eet. Dit was op die Sabbatdag. Die Fariseërs het goed gekyk wat Jesus alles doen.

Afrikaans 1933-1953

¹ EN toe Hy in die huis van een van die owerstes van die Fariseërs gegaan het om brood te eet op die sabbat, het hulle Hom in die oog gehou.

Afrikaans 1983

¹ Op 'n sabbatdag toe Jesus na die huis van 'n vooraanstaande Fariseër toe gegaan het om daar te eet, het hulle Hom fyn dopgehou.

Contemporary Afrikaans Bible 2023

¹ En terwyl Hy in die huis van een van die vernaamste Fariseërs ingaan om brood op die sabbatdag te eet, het hulle Hom dopgehou.

Die Boodskap

¹ Toe die sabbatdag aanbreek, het Jesus by een van die leiers van die Fariseërs gaan eet. Oudergewoonte het hulle Hom fyn dopgehou, want teen daardie tyd het hulle baie goed geweet dat Jesus Hom nie veel aan hulle reëls en wette steur nie.

Lukas 14:1 Kruisverwysings

Psalms 37:32

'n Goddelose hou die regverdige dop, en is daarop uit om hom dood te maak.

Psalms 41:6

My vyande wens my kwaad toe, ‘Wanneer sterf hy en verdwyn sy naam?’

Psalms 62:4

Hoe lank nog gaan julle 'n man bly aanval, vermoor julle almal hom – asof hy 'n muur is wat oorhel, 'n tuinmuur wat omgestoot word?

Spreuke 23:7

Want in sy binneste maak hy somme; dit is hoe hy is. “Eet en drink!” sê hy vir jou, maar sy hart is nie by jou nie.

Matteus 12:12

Hoeveel meer is 'n mens dan nie werd as 'n skaap nie! Daarom is dit toelaatbaar om op die Sabbat goed te doen. ”

Markus 3:2

Hulle het Hom dopgehou om te sien of Hy hom op die Sabbat sou gesond maak, sodat hulle Hom kon aankla.

Lukas 11:37

Tydens Jesus se redevoering het 'n •Fariseër Hom genooi om by hom te kom eet. Hy het by sy huis ingegaan en aangeleun om te eet.

Lukas 14:2

En kyk, reg voor Hom was daar iemand wat aan watersug gely het.

Lukas 17:20

Toe Jesus op 'n keer deur die •Fariseërs gevra is wanneer die •koninkryk van God kom, het Hy hulle geantwoord: “Die koninkryk van God kom nie met duidelik waarneembare tekens nie.

Lukas 20:20

Hulle het sake fyn dopgehou, en spioene gestuur wat voorgegee het dat hulle opreg is, sodat hulle Hom op grond van een of ander uitspraak kon vastrek en Hom sodoende aan die owerheid en die gesag van die prokurator kon oorlewer.

Lukas 6:7

Die skrifkenners en die •Fariseërs het Hom dopgehou om te sien of Hy op die Sabbat iemand gesond sou maak, sodat hulle iets kon hê waarvan hulle Hom kon aankla.

Johannes 3:1

Daar was 'n man uit die geledere van die •Fariseërs met die naam Nikodemus, 'n leier van die Jode.

Handelinge 5:34

Maar toe staan iemand in die Sanhedrin op, 'n •Fariseër met die naam Gamaliël, 'n wetgeleerde met hoë aansien by die hele volk, en gee opdrag dat hulle die mense vir 'n oomblik na buite neem.