Lukas 10:14 - Die Bybel 2020-vertaling

¹⁴ Maar vir Tirus en Sidon sal dit op die oordeelsdag draagliker wees as vir julle.

Bybel vir almal

¹⁴ Die dag wanneer God sal oordeel, sal God die mense van Tirus en Sidon minder straf as vir julle.

Afrikaans 1933-1953

¹⁴ Maar vir Tirus en Sidon sal dit in die oordeel verdraagliker wees as vir julle.

Afrikaans 1983

¹⁴ Maar vir Tirus en Sidon sal dit in die oordeel draagliker wees as vir julle.

Contemporary Afrikaans Bible 2023

¹⁴ Maar dit sal vir Tirus en Sidon verdraagliker wees by die oordeel as vir julle.

Die Boodskap

¹⁴ Maar toemaar, God se finale oordeel is op pad. En dan sal Tirus en Sidon lig daarvan afkom in vergelyking met wat julle gaan tref.

Lukas 10:14 Kruisverwysings

Joël 3:4

“ Verder, wat het julle met My te doen, Tirus en Sidon en al die gebiede van Filistea? Wil julle julle op My wreek? As julle My iets wil aandoen, sal Ek gou, blitsvinnig, julle dade op julle koppe laat neerkom,

Amos 1:9

So sê die Here: “Oor drie oortredings van Tirus, ja, oor vier, sal Ek dit nie herroep nie; omdat hulle 'n hele gemeenskap as ballinge oorgelewer het aan Edom, en nie die verbond tussen broers in ag geneem het nie.

Amos 3:2

‘Net julle, uit al die geslagte van die aarde, het Ek geken; daarom gaan Ek van julle rekenskap eis oor al julle sondeskuld.’ ”

Matteus 10:15

•Amen, Ek sê vir julle: Dit sal vir die land Sodom en Gomorra op die oordeelsdag draagliker wees as vir daardie stad.”

Matteus 11:21

“Wee jou, Gorasin! Wee jou, Betsaida! Want as die kragtige dade wat in julle plaasgevind het, in Tirus en Sidon gebeur het, sou hulle lankal in sak en as gesit en hulle bekeer het.

Johannes 3:19

En dit is die oordeel: Die lig het in die wêreld gekom, maar die mense het die duisternis liefgehad bo die lig, omdat hulle dade boos was.

Romeine 2:1

Daarom is daar vir jou, o mens, wat oordeel, wie jy ook al is, geen verontskuldiging nie. Met die oordeel wat jy oor die ander persoon uitspreek, veroordeel jy immers jouself, omdat jy wat oordeel, dieselfde doen.

Romeine 2:27

Boonop sal die mense wat van nature onbesnede is en tog die wet nakom, oordeel oor jou, wat ten spyte van die letter van die wet en die besnydenis 'n wetsoortreder is.