Lukas 1:25 - Die Bybel 2020-vertaling

²⁵ “Dit is wat die Here in hierdie dae vir my gedoen het: Hy het na my omgesien deur die minagting van die mense van my weg te neem. ”

Bybel vir almal

²⁵ “Die Here het my gehelp, Hy het gesien ek is hartseer. Hy het geweet die mense spot my omdat ek nie kinders het nie. Nou het Hy dit verander, niemand sal my nou meer spot nie.”

Afrikaans 1933-1953

²⁵ So het die Here met my gedoen in die dae toe Hy my aangesien het om my smaad onder die mense weg te neem.

Afrikaans 1983

²⁵ “Die Here het dit vir my gedoen. Nou het Hy na my omgesien om my smaad onder die mense weg te neem.”

Contemporary Afrikaans Bible 2023

²⁵ So het die Here met my gedoen in die dae waarin Hy my aangesien het, om my smaad onder die mense weg te neem.

Die Boodskap

²⁵ “Die Here het ’n wonderwerk aan my gedoen,” het sy gesê. “Hy het gesorg dat mense nou nie meer agteraf met my sal spot omdat ek nie kinders kan hê nie.”

Lukas 1:25 Kruisverwysings

Genesis 25:21

Isak het by die Here gepleit ter wille van sy vrou, want sy was onvrugbaar. Die Here het hom verhoor, en Rebekka, sy vrou, het swanger geword.

2 Samuel 6:23

En Migal, die dogter van Saul, het tot die dag van haar dood nie 'n kind gehad nie.

Jesaja 25:8

Hy sal die dood vir ewig verswelg; my Heer, die Here, sal die trane van alle gesigte afvee. Die bespotting van sy volk sal Hy van die hele aarde af verwyder. Ja, die Here het gespreek.

Jesaja 4:1

Op daardie dag sal sewe vroue een man vasgryp en sê: “Ons eie brood sal ons eet en ons eie klere sal ons dra, laat jou naam net oor ons genoem word; neem ons bespotting weg!”

Lukas 1:13

maar die engel het vir hom gesê: “Moenie bang wees nie, Sagaria, want jou gebed is verhoor. Jou vrou, Elisabet, sal vir jou geboorte gee aan 'n seun, en jy moet hom Johannes noem.

Lukas 1:24

Hierna het sy vrou Elisabet swanger geraak. Sy het haar vyf maande lank afgesonder en gesê:

Hebreërs 11:11

Deur geloof het ook Sara, alhoewel reeds onvrugbaar, en nie meer jonk nie, krag ontvang om bevrug te word, aangesien sy Hom wat dit beloof het, getrou geag het.

Rigters 11:37

Verder het sy vir haar vader gesê: “Laat my dit nog gegun word: Gee my vryheid vir twee maande, sodat ek in die berge kan ronddwaal. Ek wil gaan treur oor my maagdelikheid, ek en my vriendinne.”

1 Samuel 1:6

Haar mededinger het haar ook erg getreiter om haar seer te maak, omdat die Here haar moederskoot gesluit het.