Lukas 1:20 - Die Bybel 2020-vertaling

²⁰ Ek sê vir jou: Omdat jy my woorde, wat op hulle vasgestelde tyd in vervulling sal gaan, nie geglo het nie, sal jy stom wees. Jy sal nie kan praat nie, tot op die dag waarop hierdie dinge gebeur.”

Bybel vir almal

²⁰ Die boodskap wat ek vir jou gebring het, is waar. Dit sal gebeur. Maar jy het my nie geglo nie, en daarom sal jy stom wees en jy sal nie kan praat nie, tot die dag wanneer hierdie dinge sal gebeur.”

Afrikaans 1933-1953

²⁰ En kyk, jy sal swyg en nie kan praat nie tot op die dag dat hierdie dinge gebeur, omdat jy my woorde wat op hulle tyd vervul sal word, nie geglo het nie.

Afrikaans 1983

²⁰ Kyk, jy sal stom wees en nie kan praat nie tot op die dag dat hierdie dinge gebeur, omdat jy my woorde, wat op die bestemde tyd vervul sal word, nie geglo het nie.”

Contemporary Afrikaans Bible 2023

²⁰ En kyk, jy sal stom wees en nie kan praat nie, tot op die dag dat hierdie dinge gedoen sal word, omdat jy my woorde, wat vervul sal word op hulle tyd, nie glo nie.

Die Boodskap

²⁰ Maar omdat jy my nie wou glo nie, sal jy stom wees tot op die dag dat jou seun gebore word. Tot dan sal jy nie ’n woord uitkry nie. Alles wat ek vir jou gesê het, sal binnekort waar word; presies op die tyd wat God bepaal het.”

Lukas 1:20 Kruisverwysings

2 Konings 7:19

Die adjudant het toe mos die man van God geantwoord en gesê: “Kyk, al sou die Here vensters in die hemelruim maak – sou so iets kon gebeur?” En hy het toe geantwoord: “Kyk, jy gaan dit met jou eie oë sien, maar daarvan sal jy nie eet nie.”

2 Konings 7:2

Maar die adjudant op wie se arm die koning geleun het, antwoord die man van God en sê: “Kyk, al sou die Here vensters in die hemelruim maak – sou so iets kon gebeur?” Toe sê Elisa: “Kyk, jy gaan dit met jou eie oë sien, maar daarvan sal jy nie eet nie.”

Eksodus 4:11

Daarop sê die Here vir hom: “Wie het 'n mond vir die mens beskik, en wie maak stom of doof, siende of blind? Is dit nie Ek, die Here, nie?

Jesaja 7:9

Die hoof van Efraim is Samaria, en die hoof van Samaria is die seun van Remalja. As julle nie vertroue het nie, sal julle beslis nie behoue bly nie.’ ”

Esegiël 24:27

Op daardie dag sal jou mond oopgaan teenoor die een wat ontkom het; jy sal kan praat, en jy sal nie meer stom wees nie. So sal jy vir hulle 'n teken wees, en hulle sal besef dat Ek die Here is.’ ”

Esegiël 3:26

Jou tong sal Ek aan jou verhemelte laat kleef. Jy sal stom wees, en nie meer iemand wat hulle teregwys nie, want hulle is 'n rebelse huis.

Daniël 10:15

“Terwyl hy in dié trant met my praat, het ek my gesig na die grond gerig en stom geword.

Numeri 20:12

Maar die Here het vir Moses en Aäron gesê: “Omdat julle nie vertroue in My gestel het om My heiligheid voor die oë van die Israeliete te erken nie, daarom sal julle hierdie geloofsgemeenskap nie in die land inneem wat Ek vir hulle gegee het nie.”

Markus 16:14

Later het Hy aan die elf verskyn terwyl hulle vir ete aangeleun het. Hy het hulle verwyt oor hulle ongeloof en hardheid van hart, omdat hulle die mense wat gesien het dat Hy opgewek is, nie geglo het nie.

Markus 9:19

Toe antwoord Hy hulle: “O, ongelowige geslag, hoe lank moet Ek nog by julle bly? Hoe lank moet Ek julle nog verdra? Bring hom na My toe!”

Lukas 1:19

Daarop antwoord die engel hom: “Ek is Gabriël , wat in die teenwoordigheid van God staan. Ek is gestuur om met jou te praat en hierdie goeie boodskap vir jou te bring.

Lukas 1:21

Die volk het ondertussen vir Sagaria gestaan en wag, en was verbaas dat hy so lank in die heiligdom talm.

Lukas 1:22

Maar toe hy uitkom, kon hy nie met hulle praat nie. Hulle besef toe dat hy 'n visioen in die heiligdom gesien het. Hy het aanhoudend vir hulle beduie en stom gebly.

Lukas 1:45

En gelukkig is sy wat geglo het dat die Here se beloftes aan haar vervul sal word. ”

Lukas 1:64

Skielik kon Sagaria sy mond en sy tong weer onbelemmerd gebruik, en hy het God begin prys.

Romeine 3:3

Maar wat nou? As sommige ontrou geword het, maak hulle ontrouheid God se getrouheid ongedaan?

2 Timoteus 2:13

as ons ontrou is, Hy bly getrou, want Hy kan Homself nie verloën nie.

Titus 1:2

in die hoop op die ewige lewe wat God, wat nie kan lieg nie, reeds voor alle tye beloof het,

Hebreërs 6:18

Die doel daarvan was dat, deur hierdie twee onveranderlike dinge, waarvolgens dit vir God onmoontlik sou wees om te lieg, ons wat vrygekom het, 'n kragtige bemoediging sou hê om stewig vas te hou aan die hoop wat voorlê.

Openbaring 3:19

Diegene wat Ek liefhet, berispe en tug Ek: Wees dan ywerig en bekeer jou!