Levitikus 5:7 - Die Bybel 2020-vertaling

⁷ Maar as hy nie 'n stuk kleinvee kan bekostig nie, moet hy as boetedoening vir sy sonde twee tortelduiwe of twee jong duiwe vir die Here bring, een as reinigingsoffer en een as •brandoffer.

Bybel vir almal

⁷ As die persoon nie 'n skaap of 'n bok het nie, dan kan hy twee tortelduiwe of twee ander duiwe bring om 'n skuld-offer vir sy sonde te wees, een duif is om 'n sonde-offer te wees en een duif is om 'n brand-offer te wees.

Afrikaans 1933-1953

⁷ Maar as hy nie 'n stuk kleinvee kan bekostig nie, moet hy as boete vir wat hy gesondig het, twee tortelduiwe of twee jong duiwe aan die Here bring, een as sondoffer en een as brandoffer;

Afrikaans 1983

⁷ “As 'n stuk kleinvee bo die vermoë van die persoon is, bring hy as skuldoffer vir sy sonde twee tortelduiwe of twee ander duiwe vir die Here, een as sondeoffer en een as brandoffer.

Contemporary Afrikaans Bible 2023

⁷ En as hy nie 'n lam kan bring nie, moet hy vir sy oortreding wat hy begaan het, twee tortelduiwe of twee jong duiwe na die HERE bring; die een as sondoffer en die ander as brandoffer.

Die Boodskap

⁷ “As iemand nie een van hierdie diere kan bekostig nie, mag hy twee tortelduiwe of twee jong duiwe vir die Here bring om vir sy skuld te betaal. Die een duif betaal vir sy sonde. Die ander een is ’n offer wat vir die Here verbrand word.

Levitikus 5:7 Kruisverwysings

Levitikus 12:6

“ ‘ Wanneer die dae van haar reiniging verby is – of sy nou aan 'n seun of aan 'n dogter geboorte geskenk het – moet sy 'n jaar oue lam as •brandoffer en 'n jong duif of tortelduif as •reinigingsoffer na die priester by die ingang van die •Tent van Ontmoeting bring.

Levitikus 12:8

“ ‘As sy egter nie 'n skaap kan bekostig nie, moet sy twee tortelduiwe of twee jong duiwe neem: een as 'n brandoffer en een as 'n reinigingsoffer. Die priester sal dan vir haar versoening doen en sy sal rein wees.’ ”

Levitikus 14:30

Die priester moet een elk van die tortelduiwe of van die jong duiwe as offer bring – wat die man ook al kan bekostig –

Levitikus 14:31

een as 'n reinigingsoffer en die ander as 'n brandoffer, saam met die graanoffer. So doen die priester vir die persoon wat hom wil laat reinig versoening voor die Here.

Levitikus 15:30

Die priester moet die een as 'n reinigingsoffer en die ander as 'n brandoffer bring. So doen die priester voor die Here vir haar versoening vir haar onrein afskeiding.’

Levitikus 16:5

Uit die volksvergadering van die Israeliete moet hy twee bokramme vir 'n reinigingsoffer en 'n skaapram vir 'n brandoffer neem.

Levitikus 27:8

“ ‘As iemand te arm is vir die loskoopgeld, moet hy die persoon voor die priester bring. Die priester moet dan aan die persoon 'n loskoopwaarde toeken. In verhouding tot wat die een wat die gelofte afgelê het, kan bekostig, moet die priester 'n loskoopwaarde aan die persoon toeken.

Levitikus 5:11

Maar as hy nie twee tortelduiwe of twee jong duiwe kan bekostig nie, moet hy as offer vir sy sonde 'n tiende van 'n efa gesifte meel as reinigingsoffer bring. Hy mag egter nie olyfolie daaroor gooi en wierook daarop neersit nie, omdat dit 'n reinigingsoffer is.

Levitikus 7:1

“ ‘ Dit is die voorskrifte vir die •hersteloffer: Dit is besonder heilig.

Levitikus 9:3

Jy moet ook met die Israeliete praat en sê, ‘Kry 'n bokram vir 'n reinigingsoffer, en vir 'n brandoffer 'n bulkalf en 'n skaaplam, albei 'n jaar oud en sonder gebrek,

Numeri 5:6

“ Sê vir die Israeliete, ‘Wanneer 'n man of 'n vrou enige sonde begaan wat 'n mens kan doen, sodat daar ontrou teenoor die Here gepleeg word, is daardie persoon skuldig.

Numeri 6:10

Op die agtste dag moet hy twee tortelduiwe of twee jong duiwe na die priester bring by die ingang van die •Tent van Ontmoeting.

Numeri 6:11

Die priester moet die een as 'n •reinigingsoffer en die ander as 'n •brandoffer bring en so vir hom versoening doen vir die oortreding weens die dooie. Daardie dag nog moet hy sy hare heilig

Matteus 10:16

“Kyk, Ek stuur julle uit soos skape onder die wolwe. Wees dan behoedsaam soos slange en onskuldig soos duiwe.

Matteus 21:12

Jesus het die tempelterrein binnegegaan en almal wat op die tempelterrein aan die koop en verkoop was, uitgejaag. Hy het die tafels van die geldwisselaars en die stoele van die duiweverkopers omgegooi

Matteus 3:16

Nadat Jesus gedoop is, het Hy dadelik uit die water opgestaan. Meteens het die hemele vir Hom oopgegaan en Hy het die Gees van God soos 'n duif op Hom sien neerdaal.

Lukas 2:24

Hulle het ook, soos die Wet van die Here voorskryf, 'n offer gebring: “twee tortelduiwe, of twee jong duiwe” .

2 Korinthiërs 8:12

Want as daar bereidwilligheid is, is dit aanneemlik volgens wat 'n mens het – nie volgens wat jy nie het nie.