Levitikus 5:1 - Die Bybel 2020-vertaling

¹ “ ‘ Wanneer iemand sondig omdat hy gehoor het 'n openbare vervloeking is uitgespreek teen getuies wat swyg oor 'n misdaad waaroor hy kan getuig omdat hy dit gesien het of daarvan weet, maar hy verswyg dit, en daarom skuld dra;

Bybel vir almal

¹ Die Here het vir Moses gesê: “'n Persoon het miskien gesien dat iemand iets verkeerd doen of hy weet miskien daarvan. Of hy het miskien gehoor dat iemand 'n ander persoon vervloek. Hy kan 'n getuie wees, maar hy wil nie vertel wat gebeur het nie. Dan het daardie persoon sonde gedoen, hy is skuldig.

Afrikaans 1933-1953

¹ EN as iemand sondig — dat hy die luid uitgesproke beswering hoor, terwyl hy getuie was, dit gesien het of daarvan weet — as hy naamlik dit nie te kenne gee nie en so sy ongeregtigheid moet dra;

Afrikaans 1983

¹ “Wanneer iemand hoor of te wete kom dat 'n vervloeking uitgespreek is en hy verswyg dit, sondig hy. Hy was 'n getuie daarvan, en daarom rus daar skuld op hom.

Contemporary Afrikaans Bible 2023

¹ En as 'n siel sondig en die stem van vloek hoor en 'n getuie is, of hy dit gesien het of daarvan geweet het; as hy dit nie uitspreek nie, moet hy sy ongeregtigheid dra.

Die Boodskap

¹ “As iemand gehoor het hoe iemand anders vloek en hy bly stil daaroor, het hy ’n fout gemaak. Hy moet vir sy skuld betaal.

Levitikus 5:1 Kruisverwysings

1 Konings 22:16

Daarop sê die koning vir hom: “Hoeveel keer moet ek jou laat sweer dat jy in die Naam van die Here met my niks anders as die waarheid sal praat nie?”

1 Konings 8:31

“Wanneer iemand teen sy naaste sondig, en dié 'n verwensing uitspreek om 'n vloek oor hom te bring, en hy dan met die vervloeking voor u altaar in hierdie tempel kom,

2 Kronieke 18:15

Daarop sê die koning vir hom: “Hoeveel keer moet ek jou laat sweer dat jy in die Naam van die Here met my niks anders as die waarheid sal praat nie?”

Psalms 38:4

Daar is geen gesonde plek aan my liggaam nie, vanweë u vervloeking. Daar is geen vrede in my gebeente nie, vanweë my sonde.

Eksodus 22:11

moet 'n eed voor die Here tussen die twee beslis. As die persoon nie sy hande op sy medemens se besitting gelê het nie, moet die eienaar dit aanvaar en hoef die ander persoon niks daarvoor te vergoed nie.

Spreuke 29:24

Wie met 'n dief buit deel, haat sy eie lewe; hy hoor die vervloeking, maar maak tog niks bekend nie.

Spreuke 30:9

sodat ek nie oorversadig raak en U misken en sê, “Wie is die Here?” nie, of verarm en steel, en die naam van my God geweld aandoen nie.

Jesaja 53:11

Ná die swaarkry wat hy beleef het, sal hy sien; hy sal versadig wees aan sy kennis. “My dienskneg sal hom as 'n regverdige betoon aan baie, en hulle sondeskuld – hy sal dit op hom laai.

Jeremia 23:10

Want van egbrekers is die land vol, ja, vanweë vervloeking verdor die land; die weivelde van die woestyn verdroog. Wat hulle najaag, is boosheid, en hulle krag lê in wat nie reg is nie.

Esegiël 18:20

Maar die persoon wat sonde doen, hy sal sterf. 'n Seun sal nie die sondeskuld van 'n vader dra nie, en 'n vader sal nie die sondeskuld van 'n seun dra nie. Die geregtigheid van die regverdige sal op homself van toepassing wees, en die goddeloosheid van 'n goddelose sal op homself van toepassing wees.

Esegiël 18:4

Kyk, alle lewens – aan My behoort dit. Soos die lewe van die seun, so ook die lewe van die vader – aan My behoort dit. Die persoon wat sonde doen, dié moet sterf.

Levitikus 17:16

As hy nie sy klere was en sy liggaam met water afspoel nie, sal hy sy skuld moet dra.”

Levitikus 19:8

Die een wat dit eet, sal sy sondeskuld dra, omdat hy dit wat heilig is vir die Here, ontheilig het. Daardie persoon moet uit sy volk verwyder word.

Levitikus 20:17

As daar 'n man is wat sy suster, 'n dogter van sy vader of sy moeder, vat, en hy sien haar naaktheid en sy sien sy naaktheid, is dit 'n skande. Hulle moet voor die oë van hulle mense verwyder word. Die naaktheid van sy suster het hy ontbloot; sy skuld moet hy dra.

Levitikus 4:2

“ Sê vir die Israeliete, ‘Iemand sondig dalk onopsetlik teen een van al die Here se gebooie en doen iets wat nie gedoen mag word nie.

Levitikus 5:15

“ Wanneer iemand reëls oortree en onopsetlik sondig teen iets wat aan die Here gewy is, moet hy 'n •hersteloffer vir die Here bring: 'n ram sonder gebrek uit die kleinvee, waarvan die loskoopwaarde, bereken in sikkel silwer volgens die standaardgewig van die heiligdom, genoeg is vir 'n hersteloffer.

Levitikus 5:17

“ As iemand, wanneer hy sondig deur onwetend te doen wat een van die gebooie van die Here sê nié gedoen mag word nie, skuldig is, moet hy sy skuld dra.

Levitikus 7:18

As daar wel van die vleis van die maaltydoffer op die derde dag geëet word, sal die persoon wat die offer bring, nie aanvaar word nie. Dit sal nie in sy guns tel nie. Dit is iets walgliks en die persoon wat daarvan eet, sal sy skuld moet dra.

Numeri 9:13

Iemand wat egter rein is, nie op reis is nie, en nalaat om die Pasga te vier – daardie persoon sal van sy mense afgesny word, omdat hy die offer van die Here nie op die vasgestelde tyd gebring het nie. Sy sonde sal hy moet dra.

Matteus 26:63

Maar Jesus het stilgebly. Die hoëpriester sê toe vir Hom: “Ek besweer jou by die lewende God dat jy vir ons moet sê of jy die Christus, die •Seun van God is.”

1 Petrus 2:24

wat self ons sondes in sy liggaam aan die kruishout gedra het, sodat ons, noudat ons ons sondes afgesterf het, vir •geregtigheid kan leef – Hy deur wie se verwonding julle genees is.

Rigters 17:2

Hy het vir sy moeder gesê: “Daardie eenduisend eenhonderd sikkel silwer wat van ma gesteel is, en waaroor ma 'n vloek uitgespreek het, wat ma ook ten aanhore van my herhaal het – kyk, die silwer is hier by my. Dit is ek wat dit gevat het.” Sy moeder het gesê: “Geseënd is my seun, deur die Here.”