Levitikus 3:5 - Die Bybel 2020-vertaling

⁵ Die seuns van Aäron moet dit op die altaar verbrand bo-op die •brandoffer wat op die hout op die vuur op die altaar is. Dit is 'n geurige offer, 'n offergawe aan die Here.

Bybel vir almal

⁵ Die priesters van die nageslag van Aäron moet dit op die altaar verbrand saam met die brand-offer wat op die hout op die vuur is. Dit is 'n vuur-offer wat lekker ruik vir die Here.

Afrikaans 1933-1953

⁵ En die seuns van Aäron moet dit op die altaar aan die brand steek, op die brandoffer wat op die hout is, bo op die vuur, as 'n vuuroffer van lieflike geur aan die Here.

Afrikaans 1983

⁵ Die Aäroniete verbrand dit op die altaar, bo-op die brandoffer op die vuur. Dit is 'n vuuroffer wat deur die Here aanvaar word.

Contemporary Afrikaans Bible 2023

⁵ En die seuns van Aäron moet dit op die altaar aan die brand steek op die brandoffer wat op die hout is wat op die vuur is: dit is 'n vuuroffer van lieflike geur aan die HERE.

Die Boodskap

⁵ Die Aärondienaars verbrand dit op die altaar in die vuur. Dit word ’n vuuroffer genoem waarvan die Here baie hou.

Levitikus 3:5 Kruisverwysings

1 Konings 8:64

Op daardie dag het die koning die binnekant van die voorhof wat voor die huis van die Here was, geheilig; want daar het hy die •brandoffers en •graanoffers gebring, asook die vet van die •maaltydoffers, omdat die bronsaltaar wat voor die Here was, te klein was vir die brandoffers, graanoffers en die vet van die maaltydoffers.

2 Kronieke 35:14

Daarna het die Leviete vir hulleself en vir die priesters die Pasga gereedgemaak. Omdat die priesters, die nageslag van Aäron, tot in die nag betrokke was by die verbranding van die brandoffers en vetstukke, het die Leviete vir hulleself en vir die priesters, die nageslag van Aäron, die Pasga gereedgemaak.

Eksodus 29:13

Jy moet al die vet wat die binnegoed bedek, neem, ook die lewerlob en die twee niere met die vet daaraan, en dit op die altaar verbrand.

Esegiël 44:15

“ ‘ “Maar die Levitiese priesters, die nageslag van Sadok, wat die verpligtinge in my heiligdom nagekom het toe die Israeliete van My afgedwaal het, net hulle mag nader kom na My toe om My te dien; hulle mag in my diens staan om vir My vet en bloed aan te bied.” Dit is die uitspraak van my Heer, die Here.’

Esegiël 44:7

Toe julle vreemdes, onbesnede van hart en liggaam, ingeneem het om in my heiligdom te wees, om dit, my huis, te ontheilig, toe julle self my voedsel, vet en bloed, nadergebring het, het julle my verbond verbreek, bo en behalwe al julle afstootlike dade.

Levitikus 1:13

Die persoon wat offer moet die binnegoed en pote met water afspoel. Die priester moet dit alles naderbring en op die altaar verbrand. Dit is 'n geurige offer, 'n offergawe aan die Here.

Levitikus 1:17

Hy moet die duif by die vlerke oopskeur sonder om dit in twee te verdeel. Dan moet die priester dit op die altaar verbrand, bo-op die hout wat op die vuur is. Dit is 'n geurige offer, 'n offergawe aan die Here.’ ”

Levitikus 1:9

Die persoon wat offer moet die binnegoed en pote met water afspoel. Die priester moet dit alles op die altaar verbrand. Dit is 'n brandoffer, 'n offergawe met 'n aangename geur vir die Here.

Levitikus 3:11

Die priester moet dit alles op die altaar verbrand. Dit is voedsel, 'n offergawe aan die Here.

Levitikus 3:4

sowel as die twee niere met die vet daaraan wat teen die kruis lê. Die lewerlob moet hy saam met die niere verwyder.

Levitikus 4:31

Al die vet moet hy verwyder, soos hy die vet van die maaltydoffer verwyder. Die priester moet dit op die altaar verbrand as 'n geurige offer vir die Here. So sal die priester vir die persoon versoening doen en sal hy vergewe word.

Levitikus 4:35

Al die vet moet hy verwyder, soos hy die vet van die skaap vir die maaltydoffer verwyder het. Die priester moet dit op die altaar verbrand saam met die ander offergawes vir die Here. So sal die priester vir die persoon versoening doen vir die sonde wat hy gedoen het en sal hy vergewe word.

Levitikus 6:12

Die vuur op die altaar moet aan die brand gehou word; dit mag nie uitbrand nie. Die priester moet elke môre hout op die vuur pak, die brandoffer daarop rangskik en die stukke vet van die •maaltydoffer daarop verbrand.

Levitikus 7:28

Die Here het met Moses gepraat en gesê:

Levitikus 9:17

Hy het ook die graanoffer laat naderbring, 'n handvol daarvan geneem en dit op die altaar verbrand. Dit was afgesien van die brandoffer van die oggend.

Numeri 15:8

En wanneer jy 'n jong bul as brandoffer of maaltydoffer aan die Here bring om 'n buitengewone gelofte te vervul of as gewone maaltydoffer,

Numeri 18:17

Maar die eersgeborenes van beeste, skape en bokke moet jy nie laat loskoop nie; hulle is heilig. Hulle bloed moet jy teen die altaar sprinkel en hulle vet moet jy verbrand as 'n geurige offer, 'n offergawe aan die Here.

Numeri 28:12

drie tiendes van 'n efa gesifte meel, gemeng met olyfolie, as •graanoffer by elke bul en twee tiendes van 'n efa gesifte meel, gemeng met olyfolie, as graanoffer by elke ram;

Numeri 28:3

Sê vir hulle, ‘Dit is die offergawe wat julle vir die Here moet aanbied: twee jaaroud ramlammers sonder gebrek, daagliks as 'n gereelde •brandoffer.

1 Petrus 2:5

en laat julle as lewende klippe opbou tot 'n geestelike huis, 'n heilige priesterdom, om geestelike offers te bring wat, deur Jesus •Christus, vir God aanneemlik is.