Levitikus 13:2 - Die Bybel 2020-vertaling

² “Wanneer iemand 'n swelsel of skurwe plek of ligte vlek op sy vel het wat velsiekte kan word, moet hy na Aäron, die hoëpriester, of na een van sy seuns, die priesters, gebring word.

Bybel vir almal

² “Daar is miskien op iemand se vel 'n plek wat begin swel, of daar is 'n skurwe plek of 'n vlek op sy vel. As dit lyk of die seerplek miskien melaats is, dan moet sy mense hom bring na die priester Aäron of na een van Aäron se seuns, een van die priesters.

Afrikaans 1933-1953

² As 'n mens in die vel van sy vlees 'n swelsel of uitslag of ligte vlek het, en dit in die vel van sy vlees 'n plaag van melaatsheid word, moet hy na die priester Aäron of na een van sy seuns, die priesters, gebring word;

Afrikaans 1983

² “Wanneer iemand êrens aan sy lyf 'n swelsel of 'n uitslag of 'n seer het wat dalk kan ontwikkel in 'n velsiekte wat hom onrein kan maak, moet hy na Aäron of een van die Aäronitiese priesters toe gebring word.

Contemporary Afrikaans Bible 2023

² Wanneer 'n man in die vel van sy vlees 'n opkoms, 'n skurfte of 'n blink vlek het, en dit in die vel van sy vlees is soos die plaag van melaatsheid; dan moet hy na die priester Aäron of na een van sy seuns, die priesters, gebring word.

Die Boodskap

² “’n Man wat op sy vel ’n vlek, of ’n skurfte of ’n uitslag het wat in ’n kwaadaardige velsiekte kan oorgaan, moet na Aäron by die tent van die Here, of een van sy seuns wat daar werk, gebring word.

Levitikus 13:2 Kruisverwysings

2 Samuel 3:29

Mag dit neerkom op die kop van Joab en sy vader se hele familie. Mag daar in Joab se familie nooit iemand ontbreek wat 'n afskeiding of 'n velsiekte het, of 'n man wat 'n spinspoel vashou, of deur die swaard val, of broodgebrek ly nie.”

2 Konings 5:1

Naäman, die bevelvoerder van die koning van Aram se leër, was 'n invloedryke man by sy heer, en hoog in aansien, want deur hom het die Here aan Aram 'n oorwinning gegee. Maar die man, 'n dapper kryger, het 'n velsiekte gehad.

2 Konings 5:27

Die velsiekte van Naäman sal aan jou en jou nageslag kleef vir altyd.” Toe Gehasi van hom af weggaan, het hy die velsiekte gehad – soos sneeu.

Jesaja 1:6

Van die voetsool tot die kop is daar nie 'n gesonde plek nie, net hale en kneusplekke en oop wonde. Dit is nie gedreineer nie, of verbind of versorg met olie nie.

Jesaja 3:17

sal my Heer die vroue van Sion se skedels met skurfte aantas; die Here sal hulle voorhoofde ontbloot. ”

Levitikus 13:1

Die Here het met Moses en Aäron gepraat:

Levitikus 13:3

Die priester moet dan die aangetaste plek op die vel ondersoek: As die hare op die aangetaste plek wit geword het en dit lyk of die aantasting dieper as die vel is, dan is dit velsiekte. As die priester dit sien, moet hy hom •onrein verklaar.

Levitikus 13:8

As die priester hom ondersoek en vind dat die skurwe plek op die vel groter geword het, moet die priester hom onrein verklaar. Dit is velsiekte.

Levitikus 14:3

Die priester moet na hom toe uitgaan buite die kamp. Die priester moet hom ondersoek en as hy vind dat die aangetaste persoon van velsiekte genees is,

Levitikus 14:35

moet die persoon aan wie die huis behoort, kom en vir die priester sê, ‘Dit lyk vir my daar is 'n skimmelplaag in die huis.’

Levitikus 14:56

vir 'n swelsel, 'n skurwe plek en 'n ligte vlek,

Maleagi 2:7

Die lippe van 'n priester moet immers kennis in stand hou. Mense soek onderrig in wat hy sê, omdat hy 'n boodskapper is van die Here, Heerser oor alle magte.

Numeri 12:10

Toe die wolk van die tent af terugtrek, staan Mirjam daar met 'n velsiekte, wit soos sneeu. Aäron het na Mirjam gedraai en jou waarlik, sy het 'n velsiekte!

Numeri 12:12

Laat sy tog nie wees soos 'n doodgebore kind, waarvan die liggaam, wanneer dit uit die moederskoot kom, reeds halfpad verteer is nie.”

Matteus 8:4

Jesus het vir hom gesê: “Sorg dat jy dit vir niemand vertel nie, maar gaan wys jouself vir die priester en bring die offergawe wat Moses voorgeskryf het, as getuienis vir hulle. ”

Markus 1:44

en vir hom gesê: “Sorg dat jy vir niemand iets vertel nie, maar gaan wys jouself vir die priester, en bring die offer vir jou reiniging wat Moses voorgeskryf het as bewys vir hulle.”

Lukas 17:14

Toe Hy hulle sien, sê Hy vir hulle: “Gaan wys julleself vir die priesters.” Op pad daarheen is hulle gereinig.

Lukas 5:14

Jesus het hom beveel om dit vir niemand te vertel nie en gesê: “Gaan wys jouself vir die priester, en bring die offer vir jou reiniging, soos Moses voorgeskryf het, as bewys vir hulle.”

Deuteronomium 24:8

“ Wees uiters versigtig in die geval van 'n uitbraak van huidsiekte om op te tree net soos die Levitiese priesters julle sal leer. Wat ek hulle beveel het, moet julle nougeset nakom.

Deuteronomium 28:27

“Die Here sal jou tref met Egiptiese swere, swelsels, uitslag en skurfsiekte waarvan jy nie sal kan genees nie.